Osoak enpresak zirkuituak eta ekipo elektronikoak fabrikatzen ditu desgaitasuna duten pertsonek osatutako lan-taldearekin

Osoak Enplegu Zentro Bereziak hiru hamarkada beteko ditu datorren urtean, balio erantsiko produktuak eskaintzen dituen gizarteratze-enpresa gisa. Txartelak, zirkuitu eta konexio elektronikoak diseinatu, garatu eta muntatzen ditu hainbat sektoretarako. Gainera, “osagai konbentzionalak eskuz, nahiz SDM (Surface Mounting Device) osagaiak modu automatizatuan ekoizten ditugu, ‘Pick and place’-makinetan hain zuzen ere”, zehaztu du José Manuel Aranguiz Minguezak, Osoak enpresako kudeatzaileak.  

Arabako enpresak desgaitasun fisiko, psikiko edo sentsorialen bat duten pertsonen laneratzea eta prestakuntza sustatzen du, eta aukera ematen die zirkuitu eta ekipo elektronikoak muntatzeko eta fabrikatzeko. Gaur egun, 20 langilek osatzen dute plantilla, eta “horietako gehienak minusbaliatuak dira”, adierazi du enpresako arduradunak. Eta aurreratu duenez, “lan taldea handitu egingo dugu urtea amaitu aurretik, beste bi pertsonekin”.  

Sektore askotarako zerbitzuak 

Gasteizko enpresak eskaintzen dituen zerbitzuen artean zirkuituak eta ekipo elektronikoak fabrikatzea eta muntatzea nabarmendu daiteke. Gerentearen arabera, “horiek hainbat erabilgarritasun eskaintzen dituzte, hainbat ekipamendutan integratuta daudelako” eta sektore askotan eskatzen direlako, hala nola domotikan, argiztapenean, segurtasunean, makinerian, energia berriztagarrietan, elektromedikuntzan, elektronika industrialean, sarbideen edo potentziaren kontrolean.  

Enplegu Zentro Bereziaren jarduera merkatu nazionalean zentratzen da, eta bertan Daisalux, Zigor edo Luznor bezeroentzat lan egiten du, besteak beste. Horrela, 1,2 milioi euro fakturatzen ditu urtero.  

Etorkizunera begira, Osoakek “produkzio-prozesuak hobetzea du helburu, elektronika aurreratuagoa duen bezero mota bat lortzeko”, Aranguiz Minguezaren esanetan.  

Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.   

Lotutako albisteak

18 uztaila, 2024 Berrikuntza

Mikel Jauregi industria klusterrekin elkartu da eta Euskadiren espiritu aitzindaria aldarrikatu du etorkizuneko erronkei eta aukerei aurre egiteko

Irakurri gehiago

12 uztaila, 2024 Berrikuntza

Biotz sendotu egin da Orklirekin aliantza estrategikoa itxi ondoren

Irakurri gehiago

9 uztaila, 2024 Berrikuntza

Erhardt Serikaten teknologia kuantikoak konponbide berritzaileak ematen dizkie logistikaren sektoreko arazoei

Irakurri gehiago

2 uztaila, 2024 Berrikuntza

‘Belk+’, mugikortasunerako laguntza pertsonaleko lehen exoeskeleto adimenduna

Irakurri gehiago

27 ekaina, 2024 Berrikuntza

Gaztaren Institutuak gazta eta esne gordinaren aldeko apustua egin du, berrikuntzarako ibilgailu gisa

Irakurri gehiago

Joan blog-era