P4Q: “Garrantzitsua da lan-giroa parekidea dela senti dadin”
P4Q enpresa bizkaitarra Alonsotegin sortu zen orain dela 25 urte, eta fabrikazio elektronikoa eta eguzki-energiarako eta medikuntza-sektorerako IoT gailuen sorkuntza-merkatuan lider da. Bertako langileen % 37 emakumezkoak dira. SPRI Taldeak garatutako Berdintasunaren Eragina Industria-lehiakortasunean azterketan parte hartu duten enpresen batez bestekoa baino 15 puntu altuagoa da kopurua. Harrotasunez hartzen dituzte datu hauek erakundean: “fakturazio-datuez edo nazioarteko presentziaz harro gauden moduan, Euskadiko industriaren batez bestekoa gainditzen duen enpresa parekidea izatea harro egoteko modukoa da”, onartzen du Edurne Martinezek, Giza Baliabideen Saileko arduradunak.
2020tik, SPRIk “Women in Manufacturing” aditu-taldea gidatzen du World Manufacturing Foundation erakundearen baitan. Milanen egoitza duen erakundea da, eta haien helburua manufaktura industriak hazkunde ekonomiko, sozial eta jasangarrian duen motor dinamiko eta positiboaren rola indartzea da. SPRIn ekimen hau Euskadiko industrian emakumearen betekizuna sendotzea helburu duen B·WOMENIN Industry estrategiaren parte da. Horretarako, oraingo honetan berdintasun eta lehiakortasun arloan jardunbide egokien identifikazio-lan bat egin da Euskadiko 8 enpresarekin.
P4Qren kasuan, konpainiaren sail guztietan emakumearen presentzia handitzea enpresaren bilakabidean elementu bereizgarri bihurtu da. Gaur egun, Txina eta AEBko nazioarteko lantegiak zuzentzen dituzten bi pertsonak, zuzendari komertziala, TI arloko zuzendaria, Finantza-zuzendaria eta Pertsonen zuzendaria emakumezkoak dira.
Berdintasunaren aldeko apustua naturalki errotu da enpresan, eta berezko enpresa-kultura garatu du hiru elementuren konbinazioz: hitzarmenak agindutakoaz gaineko lan-politika, legeak agindutakoaz haragoko kontziliazio-politika eta emakumeek enpresan duten ikusgarritasuna eta parte hartzea sendotzen duen komunikazio-politika.
Autogestionatutako taldeetan lan egitea enpresaren alderdi bereizgarria da, eta langileek beste enpresetan garatu ezin izango lituzketen ardurak hartzeko aukera ematen du. Bestalde, legeak ezarritakoaz harago doazen kontziliazio-politikek inork bere garapen profesionalari uko egin behar ez izatea ahalbidetzen dute. Horiek dira P4Qren enpresa-kultura ezaugarritzen duten elementuak. Azpimarratzen dute joera dagoeneko ez dela soldata ematea bakarrik, baizik eta kontziliazio-baldintza edo konpentsazio guztiak gero eta gehiago baloratzen dituztela enpresako langileek.
Urtero asebetetze-inkesta bat egiten dute, eta horrek gehien balioesten diren eta enpresaren lehiakortasunean gehien eragiten duten kontziliazio-neurrien berri ematen die. “Soldataz gain, bestelako beharrak asebeterik dituzunean, segurtasun handiagoa duzu, eta lasai zaude lan-garapenari dagokionez. Lasaitasun horrek lehiakorragoa izatea eragiten du. Lasaitasuna langileen lehiakortasun handiagoa eragiten duen faktorea da”, adierazten du Eduardo Irachetak, Komunikazio- eta Marketin-arduradunak. Ordutegien eta lanlekuen malgutasuna, telelana egiteko aukera, jangela egotea edota langile guztientzako osasun-asegurua (bikotekide eta seme-alabak barne, egoera zibila edozein izanik ere) dira gehien balioesten diren neurrietako batzuk. P4Qk kontziliazioa eta jaiotzarekiko duen konpromisoa nabarmendu egiten da. “Baby boom bat dugu, gure langileen adinagatik, baina baita kontziliazio-baldintzengatik ere, gure ustez. Esaterako, haurdun dauden emakumeek % 100 osatutako amatasun-baimenak dituzte zazpigarren hilabetetik aurrera”.
Halere, aurrerapenak gorabehera, onartzen dute zailtasunak dituztela lanpostu teknikoetarako emakumeak bilatzen, eta industira-sektorea emakumeentzat erakargarriago egitearen garrantzia azpimarratzen dute. Lan gehiago egin behar da hezkuntza-zentroak enpresetara gerturatzeko; horrela, gero eta neska gehiagok begiratuko diote industria-sektoreari: “P4Qn badakigu emakumeak azpiordezkatuta daudela industrian, horregatik hartzen dugu parte INDUSTRIA ERRONKA PROIEKTUAN, eta harekin hezkuntza-zentroek gure lantegira egiten dituzten bisitak sustatzen ditugu. Talderen bat bisitan datorkigun guztietan ikusgarritasuna ematen diegu gure enpresan lan egiten duten emakumeei. P4Qrentzat garrantzitsua da lan-giroa parekidea dela senti dadin, denei iruditu dakien aukerak dituztela eta hazi daitezkeela”, nabarmentzen du Edurne Martínezek.
P4Qren helburua berdintasun-politiketan aurrera egiten jarraitzea da, eta SPRIren azterlanean parte hartzeak aurreratu beharrekoei buruz hausnartzeko aukera eman die. “Gisa honetako neurriek talentua erakarri eta atxikitzeko aukera handiagoa eskaintzen digute. Langilerik onenak erakartzea ahalbidetzen digu, eta gure lehiakortasunean eragina du horrek. P4Qrentzat garrantzitsua da lan-giroa parekidea dela senti dadin, denei iruditu dakien aukerak dituztela eta hazi daitezkeela”, nabarmentzen du Edurne Martínezek.
Lotutako albisteak
Icónica, errotulua artelan bihurtzen denean
Arabako enpresa da kartelak fabrikatzen dituen Euskadiko azken enpresetako bat. Hain zuzen ere, bost hamarkada daramatza lanean eta teknika eta artisautza uztartzen ditu bere produkzioak
Biotz: “Roca Salvatellarekin egindako akordioak berrikuntza teknologikoaren balio-kate osoa batzen du”
Gipuzkoako enpresak Kataluniakoarekin aliantza bat itxi du bere talentu digitala indartzeko eta nazioarteko merkatu berrietan bere presentzia zabaltzeko.
Elena Urbizu: “Gure helburua Luzaroko funts propioak sendotzea da, Euskadiko enpresen garapena finantzatzen jarraitzeko”
Euskadin jarduten duen kredituko finantza-erakundeak akordio berri bat sinatu du Europako Banku Zentralarekin, eta Eusko Jaurlaritzarekin eta finantza-erakundeekin duen aliantza berritu du.
GuLink: Kulturak konektatzen eta negozioak sustatzen aro globalean
GuLinken modu estrategiko eta jasangarrian globalki hedatzea bilatzen duten enpresekin lan egiten dute.
Kimaiwi: “Gure proposamen teknologikoa balioztatzean eta nazioarteko turismo-industriaren aurrean proiektatzean zentratu gara”
Startup arabarrak online irtenbideak garatzen ditu turismo-sektorearentzat, eta hazkunde eta babes handia izan du bere bederatzi hilabeteko bizitzan.
Eduardo Lasa: “Mugikortasunaren eta logistikaren sektorea Euskadin sendo dago eta erronka berrietarako prest”
Euskadiko Mugikortasun eta Logistika Klusterrak pertsonen mugikortasunaren, merkantzia-logistikaren eta garraio adimenduneko teknologiekin (ITS) lotutako industrien sektoreko 122 enpresa eta eragile biltzen ditu, eta urtean 12.500 milioi euro fakturatzen ditu.
IDDTEK: “Industriaren eta talentuaren arteko lotura gara”
Orain 20 urte Irene Rodríguez donostiarrak sortu zuen ETEa ingeniaritza arloko outsourcingean erreferentea da eta sektore estrategikoetan lan egiten duen talde sendoa eta proiektuak ditu abian.
NAW: “Gure abantaila lehiakorra 10 urte bitarteko kirol-oinetako minimalista eskaintzea da”
Silvia Echeverríak, NAWren sortzaileak, oinetako minimalistak postura-osasunean eta garapen biomekanikoan haurtzarotik helduarora arte nola eragin dezakeen azaltzen du.
Asier San Millán (Siderex): “Deskarbonizazioa eta emisioen murrizketa ezinbesteko helburuak dira lehiakorrak izaten jarraitzeko”
Euskadiko Siderurgiaren Kluster Elkarteak siderurgiaren balio-kate osoko enpresak biltzen ditu, eta funtsezko arlo batzuetan egiten du lan, hala nola nazioartekotzean, garapen jasangarrian, berrikuntza teknologikoan eta talentuaren prestakuntzan.
Ezarri Mosaicos: “Enpresa baten egunerokoa lehiatzea, ikertzea eta bezeroei erantzunak ematea da”
Gipuzkoako enpresaren beirazko diseinuak 100 herrialdetan baino gehiagotan daude, eta nazioarteko transakzioak haren negozio-zifraren % 70 dira