“Produktibitatearen hobekuntzan lortutako emaitzak nabarmenak dira” Juanjo Barrientos, Bidegain enpresako product manager-a
Talleres Bidegain Tolosako enpresa bat da, balbuletarako osagaien fabrikazioan espezializatua dagoena. 48 langile ditu plantillan eta exijentzia maila handiko sektoreetara bideratzen du bere jarduera, esaterako energiara, industria kimikoetara eta uraren sektorera. Lantaldeko kideek hainbat hilabete zeramatzaten lantegiko produktibitatea hobetzeko moduen bila, Hazinnova laguntzak ezagutu zituztenean.
Programa hau aukera paregabea izan da enpresako ordena eta garbitasuna hobetzera bideratutako proiektu bat martxan jartzeko. Zehazki, Hazinnovaren bitartez 5S metodologia aplikatu dute mekanizatuen arloetako batean. “Erabaki genuen mekanizatu-zentroen sekzio batetik hastea, pilotu modura” azaldu du Juanjo Barrientosek, Talleres Bidegain enpresako product manager-ak, “antolakuntza aldatu nahi genuen, eta ordena hobetu gune horretako produktibitatea handitzeko”.
Tailerreko beste sekzio batzuetara zabaldu den pilotua
Berrikuntza-proiektua hainbat fasetan garatu da. Lehenbizi, lantaldeko kideek proiektuaren azpiegitura definitu zuten, eta 5S metodologiari buruzko prestakuntza txiki bat jaso zuten. Ondoren, desbideratzeak eta aplikatu beharreko konponbideak identifikatu zituzten. Azkenik, antolakuntzako hobekuntzak eta teknikak aplikatu zituzten workshop baten bidez.
“Gaur egun, metodologia inplementatuta dago, eta emaitzak agerikoak dira produktibitatearen hobekuntzari dagokionez” azaldu du Juanjo Barrientosek. Enpresako zuzendaritzak batez ere nabarmendu du plantillaren motibazioa, hasieratik buru-belarri inplikatu baitzen proiektuan. “Bitxia da, zeren ikusten ari gara kutsatzen ari direla gainerako sekzioak -zeintzuetan oraindik ez dugun aplikatu metodologia – eta ildo bereko hobekuntzak egin dituztela”.
Berrikuntzako mikroproiektu honen bidez, enpresak aldaketa handi bat lortu du sekzioaren ordena eta garbitasunean. Gainera, garbiketa-plan eta ikuskapen-programa zorrotzak ezarri dituzte, desbideratzeak identifikatu eta zuzentzeko. Orain helburua da metodologia hori estrapolatzea produkzio-tailerraren gainerako ataletara.
Enpresaren arazo zehatz bat konpontzera bideratutako aholkularitza
Hazinnova programa doako laguntza eta aholkularitza zerbitzu bat da, mikroproiektuak bultzatzen dituena enpresetan. Laguntza horren bidez, enpresek 50 orduko aholkularitza espezializatua jasotzen dute euren antolakundean hobetu ditzaketen arloak detektatu, konponbideak identifikatu eta martxan jartzeko.
Prozesu osoa 3 hilabetean garatzen da, eta helburua da proiektua amaitzean emaitza ukigarriak lortzea. Gainera, enpresak hurbileko Hazinnova agente baten laguntza jasotzen du proiektuaren fase guztietan. Hala, proiektuak ez dio karga administratibo gehigarririk egozten enpresa onuradunari.
“ETEentzat sekulako laguntza da, aukera ematen baitu prozesuan gidatzen zaituzten aholkularitzekin kolaboratzeko” dio Talleres Bidegain enpresako product manager-ak, “astero laguntzen dizute eta horrela askoz errazagoa da dena, lanaren zati handi bat eginda dagoelako”.
Juanjo Barrientos, eskerrik asko zuen denboragatik eta zuen esperientzia gurekin partekatzeagatik!
Bideo honetan lehen eskutik jakingo duzu nolako esperientzia izan duen Talleres Bidegain enpresak Hazinnova programan:
Lotutako albisteak
Icónica, errotulua artelan bihurtzen denean
Arabako enpresa da kartelak fabrikatzen dituen Euskadiko azken enpresetako bat. Hain zuzen ere, bost hamarkada daramatza lanean eta teknika eta artisautza uztartzen ditu bere produkzioak
IDDTEK: “Industriaren eta talentuaren arteko lotura gara”
Orain 20 urte Irene Rodríguez donostiarrak sortu zuen ETEa ingeniaritza arloko outsourcingean erreferentea da eta sektore estrategikoetan lan egiten duen talde sendoa eta proiektuak ditu abian.
NAW: “Gure abantaila lehiakorra 10 urte bitarteko kirol-oinetako minimalista eskaintzea da”
Silvia Echeverríak, NAWren sortzaileak, oinetako minimalistak postura-osasunean eta garapen biomekanikoan haurtzarotik helduarora arte nola eragin dezakeen azaltzen du.
Ezarri Mosaicos: “Enpresa baten egunerokoa lehiatzea, ikertzea eta bezeroei erantzunak ematea da”
Gipuzkoako enpresaren beirazko diseinuak 100 herrialdetan baino gehiagotan daude, eta nazioarteko transakzioak haren negozio-zifraren % 70 dira
Begoña San Miguel: “Oja-Remen trokelen diseinua menderatzea bilatzen dugu kalitatezko piezak prezio lehiakorrean eskaintzeko”
Ia 60 urteko ibilbidearekin, Gernikan sortu eta Zornotzan egoitza duen enpresak berrikuntza teknologikoaren eta dibertsifikazioaren alde egin du, estanpazio metalikoaren sektorean hazten jarraitzeko.
Naberan Sareak: “Hazinnovak enpresan pertsonen arteko harremanak hobetzen lagundu digu”
Gipuzkoako enpresak itsasorako arraste-sareak fabrikatzen ditu berrikuntza-elementu ugarirekin, artisau-lana eta teknologia aurreratua konbinatuz.
Arrosi: “Surfeko oholen fabrikazioa da paper kizkurtuaren aplikazio exotikoenetako bat”
Elduainen dagoen enpresa honek lau hamarkada daramatza papergintzaren erreferentzia izaten
Zerbimek: “Serie laburren, pieza unitarioen eta prototipoen mekanizazioan espezializatzen gara, eta hori ez da ohikoa sektorean”
CNC mekanizazioan espezializatutako enpresak 'Prestakuntza Dualeko Gipuzkoako Enpresarik Onenaren' saria jaso du bere talentu gaztearen aldeko apustuagatik.
Zeatz: “Urte hauetan lortutako esperientziak garrantzi handiko proiektuei aurre egiteko aukera ematen digu”
Neurrira diseinatutako zatitzaileen fabrikazioan espezializatutako Gipuzkoako konpainiak berrikuntzaren eta zentro teknologikoekin lankidetzan aritzearen alde egiten du, irtenbide pertsonalizatuak garatzeko.
Vidrala: “Aiaraldearentzako aukerarik onena bertako lehiakortasuna da”
Beiragile arabarra eskualdeko motoreetako bat da, eta 5.000 pertsonari ematen die lana 11 ekoizpen-lantegitan. Horietatik urtean 9.000 milioi botila eta ontzi irteten dira