Quality Innovation Award, enpresa berritzaileenak bultzatzen dituen lehiaketa entzutetsua
Izena emateko epea zabalik dago ekainaren 28ra arte.
Quality Innovation Award urtero egiten den nazioarteko sariketa bat da, non aitortza egiten baitzaie inpaktu handieneko produktu, zerbitzu edo prozesuen berrikuntzei. Excellence Finland erakundeak 2007an sortu zuen sariketa hori eta Euskadin ere egiten da 2015etik. Lehiaketak helburutzat du antolakunde, enpresa eta lurraldeen lehiakortasuna handitzea, berrikuntza sustatuz eta nazioarteko ikusgarritasuna emanaz proiektu onenei.
Euskadiko lehiaketan izena emateko epea zabalik dago dagoeneko, eta parte hartu nahi duten ETE, startup, enpresa handi nahiz antolakunde publikoek onlineko inprimaki bat bete behar dute ekainaren 29a baino lehen. Hautagaitzak ebaluatu ondoren, urriaren 30ean jakinaraziko dira emaitzak eta irabazleak nazioarteko lehiaketan sartuko dira finalista bezala.
Zortzi kategoria daude, besteak beste, hauek: enpresako berrikuntza (mikro-enpresa, startup, ETE edo enpresa handiei zuzendua), berrikuntza arduratsua eta baliabide berriztagarrien berrikuntza, osasun eta hezkuntza sektoreetako eta sektore publikoko berrikuntza edota berrikuntza potentziala. Sarien helburua da aitortza egitea bezeroen edo gizartearen premiei erantzun berritzaile bat ematen dieten konponbideei, baldin eta ingurune errealetan ezarri badira eta beren balioa frogatu badute.
Euskadi lehiaketan parte hartzen hasi denetik, 11 euskal erakundek jaso dituzte nazioarteko aitortzak eta, horri esker, beren nazioarteko ikusgarritasuna eta proiekzioa hobetu dute. 2018ko edizioan azpimarratzekoa izan zen euskal erakunde eta enpresen presentzia, nazioarteko 24 sarietatik bost Euskadiko erakundeek irabazi baitzituzten. Hauek izan ziren irabazleak: EGA Master ingeniaritza, Iberdrola, A&B Bio-teknologia laborategia, Euskal Trenbide Sarea eta OSI Tolosaldea Osakidetza.
Lotutako albisteak
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Utilmaik tresna industrial aurreratuak diseinatzen ditu ekoizpen industriala optimizatzeko
Bizkaiko enpresak berrikuntza eta ezagutza teknikoa uztartzen ditu funtsezko sektoreetan mekanizazio-prozesuak hobetzeko, hala nola garraioan, makineria astunean eta aeronautikan.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa