Rem-Iru: 20 urte xaflaren eraldaketa-munduan berrikuntzak egiten
20 urteko esperientziarekin, Rem-Iru xafla eraldaketan eta mota guztietako produktu metalikoen fabrikazioan espezializatutako enpresa da. Jundizko instalazioetan transformazio-prozesu guztiaz arduratzen dira: laser-ebaketa, puntzonaketa, tolestea, panelatzea, soldadura, muntaketa, eta azken produktua entregatzea.
Gasteizko enpresa 2000. urtean sortu zuen Roberto Ruizek, galdaragintzan ia 30 urteko esperientzia zuenean. Gaur egun, haren seme-alabak daude enpresaren arduradun bezala: Judith Ruiz, enpresako CEOa, eta Daniel Ruiz, zuzendari komertziala.
“Uste dut 5 pertsona inguru zeudela ni enpresara iritsi nintzenean, Betoñon, 500 metro karratuko pabiloi batean, tolesteko makina batekin eta puntzonatzeko makina batekin”, gogoratu du Judith Ruizek. Ordutik, Rem-Iru Jundizko industrialdera mugitu da, eta bertan 8.000 metro karratu baino gehiagoko egoitza dute eta 67 pertsona lanean. Etengabeko berrikuntza eta puntako ekoizpen-teknologien aldeko apustua dira bere ezaugarriak. “Espainian panelatzaile bat duen lehen enpresa azpikontratatzailea gara. Panelagailuak, laserrak, tolesteko makinak eta puntzonatzeko makina automatikoak ditugu (horietako bat merkatuan dagoen onena da) “, zehaztu du Ruizek.
Etengabeko bilakaeraren ondoren, eta enpresak 2018an daturik onenak eman ondoren ( % 30eko hazkundearekin), Rem-Iruk urte zail bati egin dio aurre, COVID-19 pandemiaren ondorioengatik. Orain, “pixkanaka hazten joatea, datorren urterako fakturazioa handitzea eta 2018ko mailara iristea” da bere helburua. Lan komertziala indartzea da horretarako gakoetako bat: “Ditugun bezeroak finkatu eta berriak lortu nahi ditugu. Lehia ikaragarria da, duela 20 urtekoarekin konparatuz askoz handiagoa da. Bereizketa eta merkatuan duzun lekua bilatu behar dira “, azaldu du.
Esportazioa handitzea eta digitalizazioan aurrera egitea
Beste helburu bat produktuen esportazioa handitzea da eta, horretarako, Europako merkatura begiratzen dute, non dagoeneko eskaintzak eta prototipoak badituzten. Horrez gain, digitalizazioa da Rem-Iruren etorkizuneko beste helburuetako bat. “Gure ERP-kudeaketa (Enterprise Resource Planning) hobetzeko lanean ari gara, instalazioko datu guztiak gehiago kontrolatzeko”, azaldu du Ruizek. Helburu hori, digitalizazioarena, enpresako arlo guztietara zabaldu nahi dute.
Rem-Iruren buru zela egindako kudeaketari esker, Judith Ruizek zuzendari onenaren saria jaso du AMPEA 2020 Emakume nabarmendun sarietan. “Emakumeen lana aintzat hartzea eta neska gazteek gizonezkoen mundu batean sar daitezkeela ikustea gustatzen zait”, aitortu du. Ildo horretan, Ruizek emakumeak sektore horretan sartzearen alde egiten du. “Plantan eta zuzendaritza postuetan % 35 emakumeak dira. Erosketaren, ekoizpenaren, sistemen, kalitatearen, plangintzaren, administrazioaren eta garraiolariaren arduradunak emakumeak dira “, zehaztu du.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova eta Innobideak bezalako programak eta laguntzak ditu. Hemen kontsulta daitezke.
Lotutako albisteak
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.
Siteco, 30 urte automatikoki ordaintzeko makinak ekoizten
Arabako enpresak administrazio publikoarekin eta ostalaritza sektorearekin egiten du lan, eta urteak daramatza nazioarteko merkatuan.
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua