Sar zaitez zure produktuentzako merkatu berrietan Hazinnovaren laguntzarekin
Enpresa batek hazten jarraitu nahi badu, batik bat lehia globalaren testuinguruan, merkatu berrietan -geografikoak, sektorialak edo bezeroari dagozkionak- sartzeko aukera aztertu behar du. Baina merkatu berri batean sartzea apustu arriskutsua izan liteke laguntzarik gabe. Horregatik, Hazinnova programak aholkularitza espezializatua eskaintzen die euren lehiakortasuna hobetu nahi duten euskal ETEei.
Laguntza horren bidez, enpresek berrikuntzako mikroproiektuak bultzatu ditzakete enpresaren arlo desberdinak hobetzeko: fabrikazioa, logistika, merkaturatzea eta kudeaketa. Merkatu berrietara irekitzeari dagokionez, Hazinnovak hazteko aukerak identifikatzen laguntzen die ETEei, eta ETEek emaitza ukigarriak lortzen dituzte epe laburrean.
Produktuak edo zerbitzuak merkatu berrietara egokitzeko laguntza
Hazinnova programaren barruan, laguntzaren onuradunek mikroproiektuak bultzatu ditzakete helburu hauek lortzeko:
- Azterketak egitea dibertsifikatzeko edo merkatu berrietan sartzeko.
- Gogoeta estrategikoa egitea produktu berri bat merkaturatzeko.
- Kontrasteak egitea kontsumitzaileekin produktu baten onarpena ezagutzeko.
- Merkatu berrietara zuzendutako marketin estrategiak prestatzea.
- Onlineko salmentarekin hastea eta eCommerce-a indartzea.
- Sektore berrietarantz dibertsifikatzea.
- Eskaera aztertzea.
- Konponbide berdeen arloan posizionatzea.
- Bideragarritasun azterketak egitea marketin eta salmenta estrategien arloko IKT konponbide berrientzat.
Momentuz, 435 euskal enpresa baino gehiagok baliatu dute Hazinnova laguntza. Denek bultzatu dituzte berrikuntzako mikroproiektuak euren lehiakortasuna hobetzeko, eta 10 puntutik 8,8ko asebetetze-gradua eman diote Hazinnova laguntzari.
Merkatu Berrien alorrean, ETE parte-hartzaileek honelako mikroproiektuak garatu dituzte: aldez aurreko gogoeta estrategiko bat merkatu aproposena aukeratzeko; proiektu pilotuen garapena merkatuko segmentu berri batean; kontsumitzaileei buruzko azterketak prezioen posizionamendua erabakitzeko, eta abar. Prozesu horiei esker, enpresek ezagutza baliotsua lortu dute merkatu berrietan sartzeko, eta, horrez gain, arriskuak murriztu eta arrakastarako aukerak ugaritu dituzte.
50 aholkularitza-ordu espezializatu eta emaitzak 3 hilabetean
Programa honek doako aholkularitza eta laguntza zerbitzu bat eskaintzen du berrikuntza ez teknologikoko mikroproiektuak garatzeko. Hazinnovaren bidez, enpresa onuradunei 50 aholkularitza-ordu espezializatu eskaintzen zaizkie eta hurbileko agente bat ere bai prozesu osoan laguntzeko.
Prozesuaren helburua da enpresak konponbide bat garatu dezala arazo zehatz bati erantzuteko eta emaitza ukigarriak lortzea 3 hilabeteren buruan. Gainera, prozesu hau bereziki diseinatuta dago ez dadin izan karga administratibo gehigarri bat lantaldearentzat. Proiektuak ikuspegi praktikotik garatzen dira, ETEak aukera izan dezan bere lehiakortasuna hobetzeko.
Laguntza hau 10 langile edo gehiago dituzten Euskadiko enpresei zuzentzen zaie eta sektore hauetakoak izan behar dute: industria sektorekoak, industriarekin lotutako zerbitzuetakoak, edo IKT, handizkako merkataritza, garraio, biltegiratze edo finantza eta aseguru sektoreetakoak.
Has zaitez hemendik!
Hazinnova programa interesatzen bazaizu eta bere abantailak aprobetxatu nahi badituzu, ez itxaron gehiago eta bete eskaera inprimakia SPRI Taldearen web orrian. Hortik aurrera, Hazinnova Agente bat esleituko dizugu prozesu osoan lagundu diezazun, eta aholkulari aditu bat ere bai, proiektua ezartzen laguntzeko.
Ezagutu itzazu programa honi esker hobekuntzak lortu dituzten beste enpresa batzuk:
Gogoan izan, Hazinnova ez da:
soilik plan bat edo azterlan bat prestatzeko, ziurtagiri bat eskuratu edo berritzeko edo konponbide teknologiko bat inplementatzeko laguntza bat. Ados? Baliabide hau bereziki sortu dugu zure negozioak bere onena eman dezan!
Zalantzaren bat? Jar zaitez harremanetan gure BEZEROEN ARRETA zerbitzuarekin: 900 92 93 93 | Hasi orain eta HAZI!!
Lotutako albisteak
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Utilmaik tresna industrial aurreratuak diseinatzen ditu ekoizpen industriala optimizatzeko
Bizkaiko enpresak berrikuntza eta ezagutza teknikoa uztartzen ditu funtsezko sektoreetan mekanizazio-prozesuak hobetzeko, hala nola garraioan, makineria astunean eta aeronautikan.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
AVVI laguntzaile birtualak etxebizitzen salmenta eraberritu du, etxeak eraiki aurretik bisitatzeko aukera ematen baitu
Trivima enpresa donostiarrak soluzio berritzaile bat garatu du, salmenta epeak murriztu eta transformazioa areagotzen duen esperientzia interaktiboa ahalbidetzen duena.
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez