Berrikuntza Ekintzailetza I+G+B
Albisteak 11 urria, 2018

Sektore biosanitarioan mugaz gaindiko lankidetza bultzatzeko foroa antolatuko da Donostian

“Topaketa Industrialak. Bio-Osasuna. Akitania Berria / Euskadi / Nafarroa” jardunaldien laugarren edizioa Gipuzkoako Teknologia Parkean egingo da urriaren 16 eta 17an Topaketa Basque Health Clusterrek, SODENAk eta Akitania Berriko esparru biosanitarioko GIPSO eta TIC Santé klusterrek antolatu dute Hiru eskualdeetako erakunde publiko eta pribatuetako industria eta ikerketako profesionalak bilduko dituen biltzar hau, minbizia ardatz duen […]
  • “Topaketa Industrialak. Bio-Osasuna. Akitania Berria / Euskadi / Nafarroa” jardunaldien laugarren edizioa Gipuzkoako Teknologia Parkean egingo da urriaren 16 eta 17an
  • Topaketa Basque Health Clusterrek, SODENAk eta Akitania Berriko esparru biosanitarioko GIPSO eta TIC Santé klusterrek antolatu dute
  • Hiru eskualdeetako erakunde publiko eta pribatuetako industria eta ikerketako profesionalak bilduko dituen biltzar hau, minbizia ardatz duen zahartze eta kronikotasunari buruzko ONCONAEN mugaz gaindiko proiektuari atxikita dago

Akitania Berriko, Euskadiko eta Nafarroako sektore biosanitarioaren eragile nagusiak Gipuzkoako Teknologia Parkean bilduko dira urriaren 16 eta 17an, “Topaketa Industrialak. Bio-Osasuna. Akitania Berria / Euskadi / Nafarroa” jardunaldien laugarren edizioan.

Topaketa, Basque Health Clusterrak, SODENA Nafarroako garapen ekonomikorako agentziak eta Akitania Berriko esparru biosanitarioko GIPSO eta TIC Santé klusterrek antolatu dute, sektoreko erakunde publiko eta pribatuetako industrialari eta ikertzaileen arteko lankidetzaz landutako mugaz gaindiko proiektuak bultzatzeko asmoz.

Programak hiru lurraldeetako enpresen eta ikerketa-talde publikoen hogeita hamar bat hitzaldi eskainiko ditu, baita mugaz gaindiko lankidetzaren arrakasta-kasuen aurkezpenak eta sektorearen euroeskualdeko alderdirik garrantzitsuenei buruzko hiru mahainguru ere.

Topaketak Euskadin, Akitania Berrian eta Nafarroan sektore sanitarioko berrikuntzan diharduten enpresariei, ikertzaileei, unibertsitate-irakasleei eta gainerako eragile guztiei zuzenduta daude. Era berean, ekitaldiaren laugarren edizio honek topagunea eskainiko die hiru lurraldeetako enpresei, B2B hitzorduen bitartez aldebiko bilerak antolatzeko aukera izan dezaten, horretarako prestatuko zaien esparru berezi batean.

ONCONAEN, zahartzeari eta minbiziari buruzko baterako ikerketa

Ekitaldiaren laugarren edizioaren berritasun nagusietako bat bilerak ONCONAEN izeneko mugaz gaindiko programan txertatzea da. Zahartzearen eta minbiziaren kronikotasunaren esparruan, hiru lurraldeetako enpresa eta ikerketa-zentroen arteko lankidetza sustatzea da ONCONAENen xedea.

Euroeskualdeak kofinantzatutako ONCONAEN ekimenari esker, ekitaldiaren hasierako egunean aurkeztuko den “Euroeskualdeko Onkologia Behatokia” taxutzen ari da. Hauxe da Topaketetan bistaratuko diren bost arrakasta-kasuetako bat.

 

4 urte berrikuntza eta ikerketa sustatzen

Akitania Berria, Euskadi eta Nafarroako garapen ekonomikoko sailburuek inauguratuko duten foroaren laugarren edizio honek, hiru eskualdetako enpresari eta ikertzaileen arteko lankidetza sustatzeko asmoz sortua den ekitaldia sendotzen lagunduko du.

Lehenengo edizioa 2014ko ekainaren 12an egin zen, ESTIAk Bidarten dituen instalazioetan, eta ondorengo urteetan txandaka antolatu da Donostian eta Bidarten.

Lehendabiziko hiru topaketak erabat arrakastatsuak izan ziren, sektoreko profesional ugariren partaidetzari esker, industrialariak, ikertzaileak, irakasleak eta osasunaren arloko berrikuntzaren eragileak tarteko zirela. 2017an, parte-hartzaile gehienak enpresak izan ziren (% 62), ondotik inbertsiogileak (% 23), eta ikertzaileak eta unibertsitatekoak (% 11).

2018an aurreko hitzorduen arrakasta berrestea espero da, farmazia, bioteknologia, gailu medikoak, e-Osasuna edota prestazio asistentziala bezalako osasun-sektoreak ordezkatzen dituzten 200 parte-hartzaile baino gehiago bilduz.

4. topaketak Akitania Berria-Euskadi-Nafarroa Euroeskualdea, SPRI-Eusko Jaurlaritza, SODENA-Nafarroako Gobernua eta ADI-NAren (Akitania Berriko garapen-agentzia) laguntzaz kofinantzatu dira, QUIRON-Salud, Gipuzkoako Foru Aldundia eta Donostiako Udalaren babespean.

 

Ikerketa arloko enpresa eta unitateen 33 hitzaldi

Akitania Berria:
MEDIKUNTZA BIRSORTZAILERAKO BORDELEKO PARTZUERGOA, EHTRACE, EUROFINS AMATSI TALDEA, MATWIN, SOPHIA GENETICS, NUTRI NEURO, CAP INGELEC, ANGEL 112, RECIPHARM, UNITHER DEVÉLOPPEMENT, CAPIONIS, BFORDOC

Euskadi:
VIRALGEN, ESKUA, SOLUCIONES FASTBASE, QUIRON SALUD, KERALTY PRAXIS, FM CONTROL, OSASEN, VIVEBIOTECH, VICOMTECH, POLIMERBIO, TECNALIA

Nafarroa:
ABANZA TECHNOMED, TEDCAS, BIONANOPLUS, INNOUP FARMA, MAKING GENÉTICS, FARMAMODELLING, NAFARROAKO OSPITALEGUNEA, TECNUN-NAFARROAKO UNIBERTSITATEA, NAFARROAKO UNIBERTSITATE KLINIKA, BIOSASUN – BIOPRAXIS, PROBISAN

3 mahainguru:
 Euroeskualdeko Unibertsitateen mugaz gaindiko programak
 Inbertsio eredu berriak Bio-Osasunaren sektorean
 “Berrikuntza irekia” deritzon mahaingurua, PIERRE FABRE, BIND 4.0 eta MedTech-CEIN laborategiak tarteko direla

 

Basque Health Clusterri buruz

Basque Health Cluster, 2010eko urriaren 27an Basque Biocluster izendapenaz eratutako irabazi asmorik gabeko elkartea da, elkartutako enpresen interes komunak koordinatu, ordezkatu, kudeatu, sustatu eta defendatzea xede duena, betiere administrazio publikoekin batera eta biozientzien eta osasunaren arloko beste erakunde batzuen lankidetzaz, elkarteko kideen zein Euskal Autonomia Erkidegoko biozientzia eta osasun sektorearen garapena, hazkundea eta nazioartekotzea sustatzeko asmoz.

 

GIPSO Klusterrari buruz

GIPSO (‘Groupement des Industries Pharmaceutiques et de Santé de Sud Ouest’ hitzen akronimoa) Frantziaren hego-mendebaldeko enpresa farmazeutikoen eta osasun arloko enpresen elkartea da. 1976en sortutako erakunde hau berrogei enpresa inguruk osatzen dute. Industria horien garapena, ikerketa eta lehiakortasuna bultzatzea du helburu.

 

TIC Santé Nouvelle- Aquitaine Klusterrari buruz

TIC Santé Nouvelle-Aquitaine klusterra, osasunean aplikatutako informazio eta komunikazio teknologietan (IKT) diharduten Akitania Berriko industrien, ikerketa-zentroen eta unibertsitate-zentroen federazioa da, hirurogeita hamar erakunde inguru ordezkatzen dituena.

 

SODENAri buruz

Sodena Nafarroako Gobernuaren tresna finantzarioa da, Foru Komunitateko garapen enpresariala sustatzea xede duena.

 

“Topaketa Industrialak. Bio-Osasuna. Akitania Berria / Euskadi / Nafarroa”
urriaren 16 eta 17an


Programa deskargatu!

Lotutako albisteak

Lorra,  lau  hamarkada  inguru  Bizkaiko  nekazaritzako  elikagaien  kooperatibismoaren  funtsezko  zutabe  gisa 
31/03/2025 Berrikuntza

Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa 

Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez. 

NudgeXperience  Bilbon:  CX  eta  Portaera  Zientzien  ekitaldia
28/03/2025 Berrikuntza

NudgeXperience Bilbon: CX eta Portaera Zientzien ekitaldia

Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua

Wake  Up!  Albiste  ekintzaile  batzuk  sarean  250324
28/03/2025 Up Euskadi

Wake Up! Albiste ekintzaile batzuk sarean 250324

Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.

Connect  Group,  zentro  teknologikoa  Donostian  duen  multinazionala
27/03/2025 I+G+B

Connect Group, zentro teknologikoa Donostian duen multinazionala

Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu

Innobideak  Prestakuntza  prestatu  zure  lantaldea  balioan  lehiatzeko  eta  ez  prezioan
25/03/2025 Berrikuntza

Innobideak Prestakuntza prestatu zure lantaldea balioan lehiatzeko eta ez prezioan

Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.