Seyprel: prebentzioaren aitzindariak ‘Euskadi markarekin’ duela 40 urte baino gehiagotik

Gipuzkoako enpresak norbera babesteko ekipamenduak (NBE), jantziak, elikagaien segurtasuna eta higienea barne hartzen ditu, eta Estatu osoan gehien eta ondoen hazten diren 500 ETEetako bat da.   

Prebentzioaren sektoreak askotariko esparruak biltzen ditu: norbera babesteko ekipamendua (NBE) eta jantzietatik, elikagaien segurtasunera eta higienera arte. Seyprel Taldea Donostian jaio zen, eta 40 urte baino gehiago daramatza produktu horiek guztiak eskaintzen.  

Seyprel Espainiako Enpresa Txiki eta Ertainen Konfederazioaren (Cepyme) arabera Estatu osoan enpresa-hazkundean liderrak diren 500 enpresen zerrendan sartu diren Gipuzkoako 15 enpresetako bat da. “Eta hori guztia gure bezeroen laguntzari esker, talde handi baten laguntzari esker eta prebentzioaren sektorean 40 urte baino gehiagoko esperientziari esker izan da”, dio Ibon Rojo Ezcurra Seyprel Taldeko gerenteak.  

Rojoren ustez, esperientzia, garapena, produktu berritzaileenak merkaturatzea eta talde on bat izatea funtsezkoak dira enpresan: “Esperientziak eta bilakaerak gaur egun talde gazte, dinamiko eta prestatua izateko aukera ematen digu, hedapen-aurrerapen baten eta bezeroarengandik hurbil dagoen zerbitzu baten aldeko apustua egiten duena”. Enpresa gipuzkoarrak 3.000 m2-ko instalazioak ditu, 6.000 erreferentzia baino gehiago, eta, Donostian ez ezik, Palentzian, Valentzian eta Hego Zonan ere baditu ordezkaritzak, eta horietatik Estatu osoari eskaintzen dio zerbitzua.  

Seyprel enpresaren helburua pertsonak babestea da, eta irtenbide orokor bat aurkitzea norbera babesteko ekipamenduen, segurtasunaren, elikagaien kalitatearen eta higienearen banaketan. Horretarako, lan egiten duen enpresa bakoitzeko Prebentzio, Ingurumen eta Giza Baliabideetako sailekin lankidetza estuan aritzen da: “Bezero bakoitzaren produkzio-prozesuetara, beharretara eta eskakizunetara egokitzen gara, produktu guztien kalitatea ziurtatuz”, dio Rojok.  

Horrela, Seyprelen produktuen katalogoan jantziak, arnesak, maskarak, oinetakoak eta entzumen- edo begi-babeseko ekipamenduak aurki daitezke, baita segurtasun orokorreko elementuak ere, hala nola armairuak, hainbat parametroren kalitatea egiaztatzeko gailuak edo ingurumen-segurtasunerako produktu xurgatzaileak. 

SPRI Taldeak laguntza ematen dio euskal enpresari, laguntza-programen bidez, trantsizio teknologiko-digitala, energetiko-ingurumen-trantsizioa eta gizarte- eta osasun-trantsizioa errazteko. Aurkitu zure negozioaren beharretara hobekien egokitzen den programa.