Silam: “Hazinnova gure produktibitatea eta eraginkortasuna hobetzeko laguntza handia izan da”
Silam Gipuzkoako enpresa bat da, silikonaren eraldaketa lantzen duena, zehazki silikona solidoak. Egoitza nagusia Zumaian du, eta beste lantegi bat Bartzelonan. Bi negozio-ildo nagusi ditu konpainiak. Alde batetik, silikonen nahasketan aritzen da, silikonazko nahasteak eta silikonazko elastomero baseak formulatu, ekoitzi eta merkaturatzen. Eta, bestetik, Silamek silikonazko osagai teknikoen negozio-unitate bat du, profil-tutuak, junturak edo moldekatze-piezak ekoizten.
Enpresak 57 langile ditu, bi egoitzen artean banatuta. Batez ere etxetresna elektrikoen, argiztapenaren edo automobilgintzaren sektoreetan jarduten du, baina bezeroak ere baditu nekazaritza-elikagaien, osasunaren, eraikuntzaren edo banaketaren sektoreetan.
Bezeroei dagokienez, Silamen fakturazioaren kopuru handi bat atzerrira esportatzen da, %40, batez ere Europara, baina baita Asiara edo Amerikara ere. “Batez ere multinazionalak dira. Gure bezerorik aipagarrienetako bat BSH Taldea da (Bosh-Siemens), eta haren hornitzaile globala gara Europan dituen lantegi guztietarako”, azaldu du Julio Fernandez Silameko gerenteak. Fakturazioaren % 20 EAEko eta Kataluniako merkatuetara mugatzen da, eta gainerako % 40a, berriz, Espainiako gainerako merkatuetara.
Barne-prozesuak hobetzeko etengabeko erronkan, Silamek SPRI Taldearen laguntza jaso du enpresan Lean Manufacturing metodoa ezartzeko. “Hazinnova laguntza handia izan da. Beti saiatzen gara eraginkortasun handiagoa eta produktibitate hobea izaten, eta, gainera, langile guztiak inplikatzen ditugu enpresaren hobekuntzetan eta garapenean, profil anitzagoak sortuz”, nabarmendu du enpresako gerenteak. Ezarpen-prozesu hori guztia LKS Next aholkularitza-enpresaren eskutik gauzatu da.
Silamek SPRIren laguntza ere izan du nazioarteko merkatuan, izan ere, bide horretan etengabe hazten ari da enpresa. “Azken urteotako joerak adierazten digunez, hazkundea nazioartean ari gara izaten, eta merkatu horretan lan egiten jarraituko dugu”, adierazi du Julio Fernandezek.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
Lotutako albisteak
IDDTEK: “Industriaren eta talentuaren arteko lotura gara”
Orain 20 urte Irene Rodríguez donostiarrak sortu zuen ETEa ingeniaritza arloko outsourcingean erreferentea da eta sektore estrategikoetan lan egiten duen talde sendoa eta proiektuak ditu abian.
NAW: “Gure abantaila lehiakorra 10 urte bitarteko kirol-oinetako minimalista eskaintzea da”
Silvia Echeverríak, NAWren sortzaileak, oinetako minimalistak postura-osasunean eta garapen biomekanikoan haurtzarotik helduarora arte nola eragin dezakeen azaltzen du.
Ezarri Mosaicos: “Enpresa baten egunerokoa lehiatzea, ikertzea eta bezeroei erantzunak ematea da”
Gipuzkoako enpresaren beirazko diseinuak 100 herrialdetan baino gehiagotan daude, eta nazioarteko transakzioak haren negozio-zifraren % 70 dira
Begoña San Miguel: “Oja-Remen trokelen diseinua menderatzea bilatzen dugu kalitatezko piezak prezio lehiakorrean eskaintzeko”
Ia 60 urteko ibilbidearekin, Gernikan sortu eta Zornotzan egoitza duen enpresak berrikuntza teknologikoaren eta dibertsifikazioaren alde egin du, estanpazio metalikoaren sektorean hazten jarraitzeko.
Naberan Sareak: “Hazinnovak enpresan pertsonen arteko harremanak hobetzen lagundu digu”
Gipuzkoako enpresak itsasorako arraste-sareak fabrikatzen ditu berrikuntza-elementu ugarirekin, artisau-lana eta teknologia aurreratua konbinatuz.