SmartCompo, azpi-produktu organikoak balioan jartzen dituen teknologia berritzailea

Enpresa gipuzkoarrak 2020ko Europako Ingurumen Sarietako bat irabazi du

SmartCompo konpainia gaztea konposta egiteko ekipoetan espezializatuta dago. Ekipo horiek eraginkortasun handiagoz aprobetxatzen dituzte bio-hondakinak eta produktu organikoak, eta, aldi berean, ingurumen-inpaktua murrizten da. Berau da Japonian fabrikatutako makineria hori Europa hegoaldean banatzen duen enpresa bakarra.

SmartCompo enpresaren gailuak konpostagailu industrialak dira, eta ia edozein azpi-produktu organiko prozesatzen dute: abeltzaintzako bio-hondakinak, araztegietako lohiak, elikaduraren industriako hondakinak, e.a. Sistemak azkarrago gauzatzen du konposta egiteko prozesua, hondakin kutsagarri gutxiago isurtzen ditu tratamenduan zehar, eta kalitate handiko ongarri organiko bat lortzen du.

“Ekipo hauek asko zabaldu dira Asian, baina unitate gutxi daude Europan” azaldu du Ariane Inzak, konpainiaren teknikari komertzialak. Makina horiek hainbat abantaila dituzte orain arteko sistemekin alderatuta. Hala, ingurumenean eragiten den inpaktua murrizten da, ez dutelako lixibiaturik sortzen (partikula kutsagarriak daramatzaten hondakin likidoak) eta gasak bio-iragazkiz osatutako sistema batekin tratatzen direlako, isuriak eta usainak ezabatuz.

“Makina hauek konposta egiteko prozesua azkartzen dute eta lan-eskuaren kostuak eta espazioaren erabilera murrizten dute, diseinu bertikala dutelako” dio Ariane Inzak, “gainera, produktuaren kalitatea merkatuko estandarren gainetik dago, oso ongi eusten baitie materialen nutrienteei”. Diseinu konpaktuari esker, ekipo hauek hondakinak sortzen diren tokian bertan jar daitezke, gastuak eta garraioaren ingurumen-inpaktua saihestuz.

SmartCompo enpresak 2020ko Europako Ingurumen Saria irabazi du Euskadiren atalean, Garapen Jasangarrirako Prozesuen kategorian. Europako Batzordeak lideratzen eta Euskadin Ihobek koordinatzen dituen garaikur hauen helburua da aitortza egitea enpresek industria eko-eraginkorreranzko bidean egiten duten lanari.

Lotutako albisteak

22 uztaila, 2024 Berrikuntza

Jabones El Abra: “Produktu litro bakoitzeko plastiko gutxiago erabiltzen duen ontzi ekologiko bat garatu dugu Hazinnovari esker”

Irakurri gehiago

18 uztaila, 2024 Berrikuntza

Mikel Jauregi industria klusterrekin elkartu da eta Euskadiren espiritu aitzindaria aldarrikatu du etorkizuneko erronkei eta aukerei aurre egiteko

Irakurri gehiago

12 uztaila, 2024 Berrikuntza

Biotz sendotu egin da Orklirekin aliantza estrategikoa itxi ondoren

Irakurri gehiago

9 uztaila, 2024 Berrikuntza

Erhardt Serikaten teknologia kuantikoak konponbide berritzaileak ematen dizkie logistikaren sektoreko arazoei

Irakurri gehiago

2 uztaila, 2024 Berrikuntza

‘Belk+’, mugikortasunerako laguntza pertsonaleko lehen exoeskeleto adimenduna

Irakurri gehiago

Joan blog-era