SPRIk aldarrikatu du emakumeak beharrezkoak direla “ekonomiaren lehiakortasuna bermatzeko”
“Genero berdintasuna ez da bakarrik giza eskubide kontu bat, baizik eta premia bat lehiakortasuna bermatzeko eredu industrial digital eta jasangarri berri batean”
SPRI Taldeko Teknologia, Berrikuntza eta Jasangarritasun Arloko zuzendari Cristina Oyónek gaur aldarrikatu du “emakumeak kontuan hartzea ezinbestekoa” dela “ekonomiaren lehiakortasuna bermatzeko”. Horixe da World Manufacturing Forum erakundeak duela ia bi urte sortutako eta hainbat herrialdetako 25etik gora adituz osatutako “Women in Manufacturing” taldeak iritsitako ondorio nagusietako bat. Cristina Oyón da talde horretako buru.
SPRIren ordezkariak “Emakumea ekonomia digitalean” jardunaldian parte hartu du. Ekonomia Digitalari buruzko Ikerketa Zentroak (Madrileko Unibertsitate Autonomoa) antolatutako ekitaldi horretan, ekonomiaren munduko hainbat emakumek aukera paregabea izan dute elkarrekin partekatzeko digitalizazioaren arloko genero etenari buruz duten iritzia.
Jardunaldian izan dira baita ere Carmen García (IBMko bazkidea eta zuzendari exekutiboa eta aholkulari independentea Vicky Foods enpresan), María Romero (AFIko bazkidea eta zuzendari ekonomikoa) eta Verónica López (AFIko aholkulari ekonomikoa).
Hala, Cristina Oyónek azpimarratu bezala, Women in Manufacturing taldean sortutako eztabaiden bidez argi ikusi da “enpresetan emakume gehiago izatea lagungarria dela emaitzak hobetzeko, produktibitate-maila handitzeko, erabaki hobeak hartzeko, berrikuntzarako, sormenerako eta eraginkortasunerako”. Funtsean, Genero Berdintasunaren Europako Erakundearen arabera, enpresetan genero berdintasuna hobetzeak berekin ekarriko luke Europako per capita BPGda % 6,1etik % 9,6ra bitartean handitzea 2050erako.
Bere azalpenean hizpide hartu ditu baita ere emakumeen datu garrantzitsuenak digitalizazio arloan eta I+G-ko jardueretan, zeintzuek argi eta garbi erakusten baitute emakumeen proportzioa txikitzen doala ikasketetan eta ibilbide profesionaletan aurrera egin ahala.
Nahiz eta unibertsitateko ikasle gehienak emakumeak diren (% 55,6), gizonezkoak baino askoz gutxiago matrikulatzen dira ingeniaritza, industria eta eraikuntza arloetako graduetan (matrikulazioen % 29), eta informatikan (matrikulazioen % 13,4). Horrek desabantailazko egoera bat sortzen du lan-merkatuan sartzeko orduan, eta ekonomia digital berri honetan teknologia arloko espezialista profilak dira, hain justu, gehien behar direnak.
Horren erakusgarri, teknologia digitalen sektoreko espezialista postu guztietatik % 19,7 bakarrik betetzen dituzte emakumeek.
“Genero berdintasuna ez da bakarrik giza eskubide kontu bat, baizik eta premia bat lehiakortasuna bermatzeko eredu industrial digital eta jasangarri berri batean” baieztatu du Cristina Oyónek. Horrez gain, esan du aditu-taldeak hiru ildo nagusi identifikatu dituela ildo horretan aurrera egiteko:
- Datuak eta argitalpenak. Industria-jarduerari buruzko datuak generoaren arabera sailkatuta eskura daitezen normalizatzea, emakumeak Industrian duen eboluzioaren jarraipena egin ahal izateko.
- Industria erakargarri egitea emakumeentzat. Erakutsi Industria teknologian, berrikuntzan eta jasangarritasunean oinarritutako jarduera ekonomiko bat dela, balioa sortzen duena ekonomia, gizarte eta ingurumen arloetan.
- Emakumezko erreferenteak izatea. Ikusgarritasuna eman emakumeek industrian duten parte-hartzeari, bokazio industriala inspiratu eta piztuko duten emakumezko erreferenteak izateko emakume gazteen artean.
Ideia horiek, hainbat jarduera konkretutan zehaztuko direnak, aditu-taldearen barruan jorratuko dira. Datozen hilabeteetan, talde horrek bere ahalegin guztiak bideratuko ditu helburu honetara: gobernu, nazioarteko organismo, industria eta industria elkarte, unibertsitate eta ikastetxeek konpromisoa har dezatela identifikatutako jarduerak garatzeko.
Lotutako albisteak
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Utilmaik tresna industrial aurreratuak diseinatzen ditu ekoizpen industriala optimizatzeko
Bizkaiko enpresak berrikuntza eta ezagutza teknikoa uztartzen ditu funtsezko sektoreetan mekanizazio-prozesuak hobetzeko, hala nola garraioan, makineria astunean eta aeronautikan.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa