SPRIk bere prestakuntza-eskaintza indartu du zaintza lehiakorrean, talentua atxikitzearen arloan eta negozio-ereduetan
Prestakuntza programak estrategia, bezero, pertsona, gizarte, berrikuntza eta emaitzei buruzko giltzarriak partekatzen ditu enpresek beren kudeaketa hobetu dezaten
SPRI-Enpresen Garapenerako Euskal Agentziak “Innobideak-Prestakuntza” programaren 2020ko deialdia egin du eta doako 25 prestakuntza-jardunaldi antolatu ditu Kudeaketa Aurreratuaren funtsezko kontzeptuak azaltzeko euskal enpresei. Jardunaldi horietan landuko diren gaiek zerikusia dute kontzeptu hauekin: Estrategia, Bezeroak, Pertsonak, Gizartea, Berrikuntza eta Emaitzak.
Hainbat tailer daude sei gai horietako bakoitzari buruz, eta horietako batzuk –2019an interes gehien piztu dutenak euskal enpresen artean – indartu egin dira aurtengo deialdian, lurralde bat baino gehiagotan eskainiko direlarik. Hala, “Negozio-eredua: berrikuntza negozio-ereduan, enpresak arrakasta izateko oinarri” tailerra Donostian eta Bilbon egingo da, “Zaintza lehiakorra” Bilbo eta Gasteizen, eta “Talentua” Donostian eta Bilbon.
Prestakuntza programaren proposamena 16 ikasgaiko eskaintza bat da. Enpresek ikasgai horiek guztiak ezagutu eta aplikatu behar dituzte kudeaketa hobetzeko prozesuak abiarazi nahi dituztenean. Gai horiek hertsiki lotuta daude kontzeptu hauekin: estrategia, bezeroarekiko elkarreragina, enpresetako giza-baliabideen optimizazioa, ingurunea edo gizartea, berdintasun neurri eta aukerak txertatzea, negozioaren igurikapenak hobetuko dituzten eta gainerakoengandik bereiziko duten berrikuntza-prozesuak abiaraztea eta, azkenik, emaitzen eta kudeaketa ekonomikoaren errentagarritasuna hobetzeko prestakuntza.
Gehiago jakiteko Prestakuntza programako jardueren egutegiari buruz eta izena emateko, jo https://agenda.spri.eus/es/innovacion/ webgunera. Ekitaldiak doakoak dira izena aldez aurretik ematen bada eta hiru lurraldeetan eskainiko dira. Lau orduko jardunaldiak izango dira eta eskarmentu handiko enpresetako profesionalek emango dituzte. Prestakuntza 2020 programa Euskalit Fundazioarekin lankidetzan garatzen da. Lehen tailerra Bilbon izango da otsailaren 20an, eta “Supply chain: hornitzailearengandik bezeroarenganainoko kudeaketa” izango du ardatz.
“Innobideak-Prestakuntza” SPRIk berrikuntza ez teknologikoa bultzatzeko eskaintzen duen eta “Innobideak” ekimen globalera biltzen den lau laguntza-ildoetako bat da, beste hiru ildo hauekin osatzen dena: “INNOBIDEAK-Lehiabide” (berritzeko, dibertsifikatzeko, tamaina handitzeko eta enpresa trakziogileen eta euren hornitzaileen arteko lankidetza garatzeko proiektuak), “INNOBIDEAK-Pertsonak” (langileen enpresako parte-hartzea sustatzeko proiektuak) eta “INNOBIDEAK-Kudeabide” (enpresen kudeaketa hobetzeko proiektuak).
Lotutako albisteak
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Utilmaik tresna industrial aurreratuak diseinatzen ditu ekoizpen industriala optimizatzeko
Bizkaiko enpresak berrikuntza eta ezagutza teknikoa uztartzen ditu funtsezko sektoreetan mekanizazio-prozesuak hobetzeko, hala nola garraioan, makineria astunean eta aeronautikan.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa