SPRIk eta COTEC Fundazioak berrikuntza arloko adituak elkartu dituzte SPRIk diseinatutako berrikuntza-proiektuen karakterizazio- eta ebaluazio-metodologia kontrastatzeko
SPRIk eta COTEC Fundazioak antolaturiko lan-saio bat egin da Madrilen, eta bere helburu nagusia izan da SPRIk diseinatutako berrikuntza-proiektuen karakterizazio- eta ebaluazio-metodologia kontrastatzea.
Proposamena SPRIk eginiko barne analisi batetik sortu da, zeinaren helburua baita berrikuntza sustatzeko mekanismoak abiaraztea, berrikuntzaren sistematizazioa indartzea erakundeetan eta, bide horretatik, enpresa berritzaileen oinarria handitzea.
SPRI-COTEC aldebiko proiektu baten barruan kokatutako lankidetza hori aukera gisa planteatzen da berrikuntza-proiektuen karakterizaziorako eta ebaluaziorako metodologia bat partekatu eta adosteko, beti ere berrikuntza ulertuz Osloko 2018ko Eskuliburuko definizioaren arabera, helburua baita proiektu horiek behar bezala ebaluatuko dituen metodologia sendo bat lortzea eta, horrela, eremu horretako politika publikoetara bideratutako zerbitzuak eskaini ahal izatea.
Saio honetarako, COTEC Fundazioak sektore pribatuko nahiz publikoko berrikuntza arloko 6 aditu bildu ditu, besteak beste, hauek: Javier Ignacio Villacampa – ANTOLÍNeko Berrikuntzako zuzendaria, Javier Saldaña Ramos – AYMINGeko Berrikuntzako zuzendaria, Cristian García – SOLUTEXeko Berrikuntzako koordinatzailea, Eva Pando Iglesias – IDEPAko zuzendari nagusia, Cristian Ull – ÁREA 101en sortzaileetako bat eta COTECen Los100 sareko aditua, María Peñate – Santiago de Compostelako Unibertsitateko ikertzailea eta COTECen Los100 sareko aditua.
Gaurko lan-saioan, adituek eztabaidagai hartu dute Cristina Oyón SPRIko Teknologia, Berrikuntza eta Jasangarritasun arloko zuzendariak aurkeztutako metodologia-proposamena. Bakoitzak bere ikuspuntua eskaini du berrikuntza-proiektuen ezaugarri nagusiei, I+G-rekin duten harremanari eta ebaluazio tekniko-ekonomikoko irizpideei buruz.
Gaurko ekitaldiak jarraipena izango du bigarren lan-saio praktikoago baten bidez. Adituek 5 kasu praktikoren bidez bateratuko dituzte SPRIk diseinatutako berrikuntza-proiektuen karakterizazio- eta ebaluazio-metodologia aplikatzearen emaitzak.
COTECekin lankidetzan eginiko lan hau baliagarria izango da Osloko 2018ko Eskuliburuak definitutako berrikuntzaren kontzeptu berria ikuspegi praktiko batetik barneratzeko eta, beste alde batetik, berrikuntza-proiektuak ebaluatzeko metodologia sendo bat lortuko da definizio horrekin koherentea dena.
Lotutako albisteak
Prado Silos nazioartean indartzen, estrategia eta inbertsio berriekin hazkundea bultzatuz
38 herrialdetan presentzia handituz eta 2025erako 9 milioi euroko kontratuak aurreikusiz
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.
Landatu Solarrek, bere produktu berritzaileen bidez, eguzki-panelak instalatzea errazten du
Bilboko ingeniaritzak bi sistema sortu ditu: Landblock, teilatu eta zoruetan instalatzeko, eta Lamaru, eguzki-energia flotatzailerako soluzioa.
Fecin, industriako eskuilagintzan espezializatuta 60 urte daramatzan Gipuzkoako ETEa
Deban kokatuta dagoen enpresa da Europa mailan sektore honetako bost fabrikatzaileetako bat eta SPRI Taldearen zibersegurtasun-programaren laguntza jaso du
Soldaduraren balio-kateari buruzko azokaren, UNIREren, bigarren edizioa egingo dute Ficoban
Sektore horrek Estatu osoan egiten duen kongresu bakarra martxoaren 18 eta 19an izango da