SPRIk “Euskal Politika Industriala” plataforma argitaratu du Euskadiko politika industrialaren historia berreskuratu eta zabaltzeko
Azken hamarkadetan, Euskadiko ehun produktibo, ekonomiko eta sozialak eraldaketa-prozesu sakon bat bizi izan du lehiakor izaten jarraitzeko ingurune berri honetan, zeinetan nazioarteko presentzia, IKTen erabilera, kalitatea eta aurrerapen teknologikoa, berrikuntza eta espezializazio adimenduna funtsezko lehiakortasun-faktore bihurtu baitira.
Euskal Politika Industriala plataformaren helburua da Euskadik hainbat arlotan (politika industrialean, sustapen industrialean eta lehiakortasunean, finantzaketan, ekintzailetzan, azpiegituretan, teknologian, berrikuntzan, EIKTetan, nazioartekotzean, politika energetikoan eta ingurumen politikan) metatu duen jakintza sakona berreskuratu eta zabaltzea sarbide unibertsaleko espazio bakar baten bidez. Bertan sakon aztertzen dira euskal politika industrialaren azken lau hamarkadetako arrakastaren giltzak, horien azpian dagoen filosofia, aldi bakoitzean iritsi nahi izan diren helburuak eta nola garatu den prozesua.
Plataforma hau tresna bizi eta dinamiko bat da, etengabe eguneratuko da eta sarbide unibertsala eskaintzen du Euskadiren lehiakortasunaren giltzarriak ulertarazteko eta, aldi berean, “Euskadi Basque Country” marka nazioartean errotzen eta zabaltzen laguntzeko. Ikuspegi bisuala du, eta kalitatezko diseinu berritzaile eta sortzailea, irudi moderno bat emateko eta areago sendotzeko Euskadiren nortasun industrial eta lehiakorra.
Funtsean, Euskal Politika Industriala plataforma lagungarri izango da euskal ekonomiak eta gizarteak bizi duten eraldaketaren historia bizirik atxikitzeko eta ezagutzera emateko eraldaketa prozesu sakon horretan gauzatu diren programa, ekimen eta ekintzak. Euskaraz, gaztelaniaz eta ingelesez erabil daiteke, eta bilaketa motor batekin 300dik gora eduki-fitxa identifikatu daitezke; fitxa bakoitzak labur azaltzen du euskal politika industrialaren arloan martxan jarri diren ekimen guztien funtsa eta funtzionamendua. Oro har, fitxetako informazioak egitura hau du: helburuak, aurrekariak, ekintzak, aurrekontuak, emaitzak eta oinarritzat hartutako araudia, bai eta ikus-entzunezko elementuak eta erreferentzia interesgarriak. Era berean, plataformak baditu hainbat funtzio nabigazio-esperientzia hobetzeko:
- HOME (hasierako orria): hemendik sartzen da bilatzailera, nabigazio-mapara eta Euskal Politika Industriala plataformako eduki guztien aurkibidera. Horien osagarri, karrusel interaktibo batek mugarri historikoak, bideoak eta aldi-bateko irudien konparatzaile bat eskaintzen ditu.
- Esploratu: hemendik eduki-fitxak bilatzen dira terminoak sartuz eta iragazkiak zehaztuz.
- Ekintza-eremuak: ekintza-eremu bakoitzean informazioa aurkitzen da hainbat ekimenen inplementazioari buruz (eduki-fitxetan bildutako informazioa).
- Kronograma: ekimen guztiak eskematikoki bistaratzen ditu euren ekintza-esparru eta iraupenaren arabera.
- Denbora-lerroa: eduki-fitxa guztiak kronologikoki ikusarazten ditu.
- Adierazleak: Euskadiko datu sozio-ekonomikoen bilakaera erakusten du eta beste geografia batzuetako datuekin konparatzen ditu.
Hala, plataforma hau politika industrialak bere osotasunean bildua duen jakintzaren erreferente global bat da, baina ez bakarrik diziplinarteko ikuspegitik, baita belaunaldi-artekotik ere.
Lotutako albisteak
Betielek droneak integratu ditu bere jardueran Hazinnovari esker
Enpresa bizkaitarrak eguzki plakak instalatzen ditu industria-sektorean, administrazio publikoan eta etxe partikularretan, eta bere negozio esparruan aukera berriak aztertu nahi ditu.
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean
Prado Silos nazioartean indartzen, estrategia eta inbertsio berriekin hazkundea bultzatuz
38 herrialdetan presentzia handituz eta 2025erako 9 milioi euroko kontratuak aurreikusiz
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.
Landatu Solarrek, bere produktu berritzaileen bidez, eguzki-panelak instalatzea errazten du
Bilboko ingeniaritzak bi sistema sortu ditu: Landblock, teilatu eta zoruetan instalatzeko, eta Lamaru, eguzki-energia flotatzailerako soluzioa.