Stay Bigelek hezkuntzaren arloko metodologia berritzaileen aldeko apustua egiten du
2017an, Mondragon Unibertsitateko LEINN graduko laugarren mailako talde bereko hainbat lagunek hasiera batean graduko proiektua zena errealitate bihurtzea erabaki zuten, Stay Bigel izenpean. Izan ere, unibertsitateak Bilbon duen egoitzako gradu horretako lehen promozioa izan ziren. “Bere garaian, ideia bati jarraipena ematea izan zen helburua. Taldean sinesten genuen, ideia, balio eta proiektu berak genituen; horregatik, enpresa bat sortzea eta elkarrekin ekitea erabaki genuen”, dio Garazi Uriartek, Stay Bigelen sortzaileetako batek.
Gaur egun, enpresan hiru pertsona daude plantillan, eta hezkuntzaren arloan programa berritzaileak garatzea du xede. Orain, eta duela bost urtetik hona, Bizkaiko ikastetxe bateko ikasleekin lan egiten du, STEAM (Zientzia, Teknologia, Ingeniaritza, Artea eta Matematika) ikuspegi pedagogikoa bultzatzen. Ikuspegi horrek ikaskuntza praktikoa eta esperimentala ditu ardatz, eta ikasleak animatzen ditu jolastera, esploratzera, sortzera eta eginez ikastera. “Metodologia berritzaile ezberdinak sartzen ditugu zuzenean ikasgelan, baina irakasleekin eta ikastetxeko zuzendaritza-taldearekin ere lan egiten dugu”, azaldu du Uriartek. Bestalde, gaineratu duenez, “ikasgelan teknologia edo robotika bezalako elementuak sartuz, proiektu zehatz honen helburua da: haurren motibazioa areagotzea, etorkizunean ere hezten jarraitu ahal izateko”. Uriartek adierazi duenez, programa honetan ateratako konklusioak, etorkizunean, beste ikastetxe batzuetan berriz aplikatzea da bere asmoa.
Errealitate birtuala kontzientziazio-metodo gisa
Haurtzaroarekin lan egiteaz gain, Stay Bigelek Googaz ere diseinatu du, hainbat eragilek lagundutako asmo handiko programa, seigarren ediziorako bidean dagoena eta 16 eta 30 urte bitarteko pertsonei egungo gizarte-erronkak planteatzen dizkiena. “Gazteengana iristeko modu ludikoak bilatzen ditugu”, dio kofundatzaileak. Modu ludiko horietan, zeinbait herritan, hainbat metodo sartzen dira: ihes-gela ibiltariak edo yinkanak, kasu.
Gaur egun, Googaz Garapen Iraunkorreko Helburuetan (GJH) ardazten da eta, lehen aldiz errealitate birtuala sartu du xede horiek sustatzeko. “Errealitate birtualaren bitartez, errealitate desberdinak ikustea zen helburua, haiekin enpatia sentitzeko eta hausnarketa bateratua egin ahal izateko”, adierazi du Uriartek.
Proiektuak hiru fase ditu: ‘Googaz Play’, Bizkaiko udalerrietara joatean datzana; ‘Googaz Design’, hackathon bat, non taldekako gazteek GJH batean ardaztutako erronka bati irtenbidea ematen dioten, eta errealitate birtualeko joko baten gidoia sortzen duten; eta ‘Googaz Create’, non Bizkaiko LHko hainbat ikastetxetako ikasleek, ‘Design’ faseko gidoi irabazlea oinarri hartuta, beren errealitate birtualeko jokoa garatzen duten. Horrela, Stay Bigelen Uriartek adierazten duen bezala, “asmoa da Googaz zirkulu bat izatea, eta aurtengo edizioan gazteek sortutako joko hori beste gazte batzuk kontzientziatzeko erabiltzea”.
Etorkizunari begira, Stay Bigelek lanean eta hobetzen jarraitu nahi du murgilduta dagoen proiektuetan, baina aukera desberdinetara ere irekita dago: ideia berriak entzutera, beste pertsona batzuekin lankidetzan aritzera, eta hezkuntzaren arloan beste behar batzuk bilatzera.
Euskal enpresen nazioarteko proiektuak bultzatzea da SPRI Taldearen helburuetako bat; izan ere, Basque Trade and Investment Nazioartekotzeko Euskal Agentziaren bidez, leihatila bakarraren bidez bere baliabide eta laguntza guztiak jartzen ditu enpresen eskura, adibidez Elkartu, Gauzatu edo BEINT eta Global Training Bekak.
Lotutako albisteak
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.
Siteco, 30 urte automatikoki ordaintzeko makinak ekoizten
Arabako enpresak administrazio publikoarekin eta ostalaritza sektorearekin egiten du lan, eta urteak daramatza nazioarteko merkatuan.
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua