STEM unibertsoan emakumeen talentua sustatzera bideratutako saio batean parte hartu du SPRIk
Urtero egiten den Advanced Factories topaketan parte hartzen ari da SPRI. Automatizazio industrialaren, robotikaren eta fabrikazio digitalaren arloko enpresa berritzaileenak bildu ditu hitzordu honek, apirilaren 9tik 11ra, Bartzelonan. Bertan, enpresa industrialen berdintasun mailaren eta lehiakortasun mailaren arteko harremana aztertzen duen ikerlana aurkeztu dute. Honakoa frogatzen du ikerlanak: “gero eta aniztasun- eta berdintasun-indize handiagoa izan, orduan eta handiagoa da lehiakortasuna”.
Fabriken digitalizazioa, berrindustrializazioa eta lehiakortasun industrialaren hobekuntza bultzatzera bideratutako ekitaldi honen barruan, Cristina Oyón SPRIko Teknologia, Berrikuntza eta Jasangarritasun arloko zuzendariak azterlan hau aurkeztu du apirilaren 9an, ‘STEM unibertsoan emakumeen talentua sustatzen’ izeneko saioan. STEM inguruneetan genero-aniztasuna bultzatzera bideratutako esperientziak, gainditutako erronkak eta estrategiak partekatzea da saio horren helburua.
Susanna Cabos, Schneider Electriceko Eskaintzaren Segurtasun eta Kalitate arloko arduraduna, izan da moderatzailea, eta honakoek hitz egin dute: Maria Visa Boladeras (MTSTECHeko CEOa), Georgina Comas Vieta (TMCOMASeko CEOa), Isabel-Dolores Olaya-Bouzas (INETUMeko Garraio eta Azpiegitura arloko zuzendaria), Benjamin Ramirez Heller (SEATeko Kultura, Aldaketa, Aniztasuna eta Pertsonen Hazkundea arloko arduraduna) eta Cristina Oyón, (SPRIko Teknologia, Berrikuntza eta Jasangarritasun arloko zuzendaria). Arlo horietan emakumeen garapen profesionala sustatzeko orduan hezkuntza-programa inklusiboek, jarraitu beharreko emakumeen ereduen sustapenak eta lan-ingurune berdinzaleen sorrerak duten garrantziaren gainean hausnartu dute.
Women in Industry arloan garatutako lanetako bat da hitzaldian aipatutako SPRIren ikerlana. Zehazki, emakumeak industrian duen presentziaren gaineko datu kezkagarrien aurrean, lan honi ekitea erabaki zuen SPRIk, UNIDOk (United Nations Industrial Development Organization) 2019an nabarmendutako premisa bat frogatzeko helburuz: “Genero-berdintasuna giza baliabideekin lotura duen gaia izateaz gain, lehiakortasuna eta susperraldi ekonomikoa bermatzeko funtsezko gaia ere bada”.
Azterlanaren baitan, genero-berdintasunaren eta lehiakortasun industrialaren arteko korrelazioa aztertzeko aukera ematen duen metodologia bat garatu dute. Gainera, azterketa-kasu bat garatu dute; horretarako, inkesta bat bidali diete sektore industrialeko eta industriarekin lotutako zerbitzuak eskaintzen dituzten SPRIren datu-baseko 2.500 euskal enpresari, eta 474 erantzunez osatutako lagina lortu dute. Laginaren analisiak agerian utzi duenez, Euskadiko industria arloko langileen % 21,7 baino ez dira emakumeak. Euskadiko lan-merkatuaren % 44 ordezkatzen dutela kontuan hartuta, datu kezkagarria da. Oro har, emakumeen presentzia txikiagoa da enpresetan, prestakuntza maila edo saila edozein izanda ere, baina nabarmen jaisten da lidergo-posizioetan. Izan ere, inkestan parte hartu duten konpainien % 13k bakarrik du emakume bat zuzendari.
Azterlanak frogatzen duenez, genero-berdintasuneko maila handiena duten enpresak lehiakorragoak dira, eta emaitza hobeak dituzte fakturazioari, enpleguari, I+G+b arloari eta nazioartekotzeari dagokienez. Gainera, enpresa lehiakorrenek genero-berdintasunaren maila altuagoa dute. Hortaz, honako giltzarriak identifika daitezke berdintasunean oinarrituta lehiakortasuna bultzatzeko:
- Bereizketa horizontala (sailka).
- Bereizketa bertikala (erantzukizun mailaren arabera).
- Laneko eta norberaren bizitzaren arteko kontziliazio-neurriak (ordutegi-malgutasuna, telelana, zaintzetarako baimenak…).
- Berdintasuneko barne-politikak (planak, batzordeak, prestakuntza eta berdintasun-protokoloak).
Emaitza horiek potentzial handia dute enpresetan genero-berdintasuneko politikak ezartzeko garaian motibazioa sortzeko tresna gisa; izan ere, frogatuta geratu den moduan, “genero-berdintasuna giza baliabideekin lotura duen gaia izateaz gain, lehiakortasuna eta susperraldi ekonomikoa bermatzeko funtsezko gaia ere bada”.
Lotutako albisteak
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.
Siteco, 30 urte automatikoki ordaintzeko makinak ekoizten
Arabako enpresak administrazio publikoarekin eta ostalaritza sektorearekin egiten du lan, eta urteak daramatza nazioarteko merkatuan.
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua