Talleres MAHek piezak dekoletatzen ditu planopean edo laginpean
Talleres MAH 1976an sortutako enpresa familiarra da, eta dekoletaje-pieza mota guztiak fabrikatzen ditu –torlojuak, ardatzak edo bestelako piezak txirbil-harroketa bidez eta serieko fabrikaziorako– 50mm-ko diametroraino, material anitzetan: aluminioa, letoia, PVCa edo altzairu herdoilgaitza, esaterako.
Enpresa Bergaran jaio zen, Adanez familiako hiru kideren eskutik, eta bere eskaria hazi ahala urratsak ematen joan zen. 2000. urtean, zortzi langile izan zituen plantillan, eta urtebete geroago, 500m2 -ko pabiloi berri bat erosi zuen Soraluzen, gaur egun egoitza duen lekuan. Bezeroen zehaztapenak betetzen direla bermatzeko, ekoizpen-baliabideak berritu ditu, azpiegituretan, baliabideetan eta makinerian inbertsioak eginez.
Azken sei urteetan, zenbakizko kontrolerako zortzi makina erosi ditu; horietatik hiru buru finkoko torneaketa-zentroak dira, bost buru mugikorrekoak eta azkenak FANUC MT-LINK-i softwarea du. Horrek “produktuaren kalitatea hobetzea eta prezioen lehiakortasuna areagotzea ekarri du, zulagailuak, hariak edo fresatuak bezalako eragiketak batera egiten baitituzte”, azaldu du enpresako gerenteak, Maialen Galarragak.
Talleres MAHek, gaur egun, Euskal Autonomia Erkidegoan eta Espainiako Estatuaren zati batean lan egiten du batez ere, eta sektore askotako bezeroak ditu: automobilgintza, sarrailagintza, tresneria, marketeria, makineria eta eraikuntza.
Orain, azken urteetan erositako tornuekin, MAH tailerren helburua merkatu ezberdinetan sartzea eta pieza konplexuagoak egitea da.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Lotutako albisteak
Optimus3Dk neurrira egindako gailu medikoak landuko ditu Gregorio Marañón ospitalearekin batera
Arabako enpresak bidalitako Lorena Cros doktoreak 3D modelaketan, inplanteen diseinuan eta irudi medikoen segmentazioan lagunduko du.
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean
Ekisolarrek bere negozioa deskarbonizaziorantz hedatu nahi du
Gasteizen kokatuta dagoen enpresak SPRI Taldearen BDIH Konexio programaren laguntza jaso du eta estalki industrialetan energia fotovoltaikoa eskaintzen du.
Einnek, bost urte etengabe eboluzionatzen sektore elektriko-elektronikoan
Pandemia betean jaio zen enpresak eraldaketa digitalaren aldeko apustua egin du hasieratik, sektorean bereizteko; bideojoko bat ere sortzen ari da, ingeniaritzako eta muntaiako barne-prestakuntza teknikoa iraultzeko.
E&M Combustion-ek Chileko meatzaritza deskarbonizatzen laguntzen du hidrogenoa erabiliz, Sprilur-en Bildosola Poligonotik
Euskal ingeniaritzak hidrogenoaren errekuntzako I+G proiektu pilotu hau garatu du Chileko Gobernuarentzat.