Tapia: “Mercedes Benz taldeak Gasteizerako duen proiektua ona da, zailtasunak daude, baina aurrerapausoak ematen ari dira”
- Inflazioak egoera ekonomikoan izan dezakeen eragina eta Europak gasa eta nuklearra energia berde izendatu izana ere baloratu ditu Tapiak
Arantxa Tapia sailburuak, Euskadi Irratiari gaur goizean Stuttgartetik emandako elkarrizketan adierazi duenez, Lehendakariarekin batera Mercedes Benz Taldearen zuzendaritzarekin izandako bileran, xehetasunez aztertu zuten Gasteizen egin nahi duten proiektua. Sortu nahi den produkzio mota berriak, Tapiak baieztatu du auto elektrikoa ardatz izango duen proiektua ona dela, eta “zailtasunak egon arren, aurrerapausoak ematen” ari direla zuzendaritza eta langileak.
Proiektu berriak “lanean aritzeko beste modu batzuk” eskatuko ditu, komunikazioak, konexioak edo elektronika erabat ezberdinak izango dira, eta malgutasuna beharko da zentzu guztietan. “Egokitu egin behar gara, beste hainbat lantegietan egin den bezala”.
Lanuzteen inguruan galdetuta, sailburuak adierazi du gai hori ez zela bere horretan aztertu bileran, nahiz eta Mercedeseko zuzendaritzak arreta berezia jarri zion langileek beharko duten formakuntzari “etorkizuneko autoak martxan jarri ahal izateko beharrezkoak diren gaitasunak” izan ditzaten.
Elkarrizketan gainera, inflazioak ekonomian izango duen eraginaz ere aritu dira eta sailburuak adierazi duenez “arduratuta gaude uda ostean zer gertatuko den”, nahiz eta oraindik ez den ekonomiaren moteltzerik ikusten , “inbertsioek aurrera jarraitzen dute, langabezi tasa behera doa eta sensazio positiboak daude”. Hala ere “energiaren hornikuntzan ziurtasuna” ere gehitu behar zaio egoerari, “ziurgabetasunak ere ekonomian eragina duelako”.
Siemens Energyrekin bihar lehen orduan egingo den bileraren inguruan sailburuak adierazi du OPA prozesua ez dela amaitu oraindik, eta maiatzaren amaieran Bilbon izandako bileran bezala, asmoa dela gaiaren jarraipena gertutik egitea eta Euskadik eskaini dezakeen ekosistema eskaintzea.
Europak gasa eta energia nuklearra berde izendatu izanaren inguruan ere aritu da Tapia, eta “errealismoz” jokatzeko eskaera egin du. Une honetan hornikuntza ziurtatzea ezinbestekoa da eta 2050. urterako jarritako helburuak lortzeko, berriztagarrietara trantsizioa egiteko, denbora behar da”.
Ostegun eta ostiraleko agenda
Osteguna, uztailak 7
- TRUMPF. Ia 100 urteko historia duen Alemaniako familia-enpresa hori industria-makinen fabrikazioan aritzen da eta Ditzingen-en du egoitza, Stuttgartetik hurbil. TRUMPF da makina-erremintako eta laser-gailuetako munduko hornitzailerik handienetako bat. Alemaniako talde horrek Lantek euskal konpainia eskuratu zuen joan den urteko martxoan. Euskal konpainia hori aitzindari da txapa eta metala mozteko eta prozesatzeko sektorearen eraldaketa digitalean. Horrela, ekoizpen-prozesua hobetu, eta taldeak modu integralean estaltzen du xaflaren eta metalaren eraldaketa-katea. Bisitaldi horretan, Alberto Lopez de Biñaspre Lantek konpainiako CEOak bat egingo du ordezkaritza instituzionalarekin.
Ostirala, uztailak 8
- Siemens Energy. OPAren prozesua martxan dagoela, Jaurlaritzak gertutik egin nahi dio jarraipena enpresaren egoerari. Maiatzaren amaieran Bilbon izandako bileraren ostean, sailburua eta Mikel Amundarain sailburuordeak bilera egingo dute Christian Bruch, Siemens Energyko CEOarekin,
- Bayer Pharma. 150 urtetik gorako historia duen enpresa-taldeak osasunaren eta nekazaritzaren arloetan dihardu. 2020an, Bayer-ek Viralgen erosi zuen, gene-terapiari bultzada emateko, eta joan den urtean 120 milioi euroko inbertsioa iragarri zuen gene-terapiaren arloko erreferentzia bihur zedin. Euskadi berrikuntza bioteknologikoaren arloko nazioarteko erreferente bihurtzeko lan egiten ari da. Euskal Autonomia Erkidegoan bioosasunaren sektorea urteko % 5 hazi da azken bost urteotan, eta Bayer gisako talde handiekin elkarlanean aritzea pizgarria izan daiteke bide horretan aurrera egiten jarraitzeko.
Lotutako albisteak
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Utilmaik tresna industrial aurreratuak diseinatzen ditu ekoizpen industriala optimizatzeko
Bizkaiko enpresak berrikuntza eta ezagutza teknikoa uztartzen ditu funtsezko sektoreetan mekanizazio-prozesuak hobetzeko, hala nola garraioan, makineria astunean eta aeronautikan.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
AVVI laguntzaile birtualak etxebizitzen salmenta eraberritu du, etxeak eraiki aurretik bisitatzeko aukera ematen baitu
Trivima enpresa donostiarrak soluzio berritzaile bat garatu du, salmenta epeak murriztu eta transformazioa areagotzen duen esperientzia interaktiboa ahalbidetzen duena.
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez