The Art of Discovery: “zahartzea deritzon gaixotasunari buelta eman ahal zaiola uste dugu””
BIC Bizkaian kokatutako euskal enpresak farmako berrien aurkikuntza du helburu
TAD, The Art of Discovery, immunoeskasia duten saguen gaineko esperimentazioaren eta adimen artifizialaren erabileraren bitartez sendagai berriak ikertzea helburu duen startup zientifiko-teknologikoa da. “Gure helburua inpaktu global handiko gaixotasunak eta bereziki zahartzea moteltzen lagun dezaketen farmako berriak aurkitzea da”, adierazi du Iñigo Angulo Barturen TADen sortzailekide eta CEOak.
Enpresa 2016an eratu zen, María Belén Jiménez-Díaz Biologiako doktorearekin eta Joseba Fernández abokatuarekin batera. Jardunean daramatzaten ia hiru urte hauetan, ikerketa farmazeutikoan trebatutako aditu taldea osatu dute sagu-sistema humanizatuen bitartez, baita esperimentazio-laborategia ere, Bizkaiko Zientzia eta Teknologia Parkean.
Egun, fase klinikoaren aurreko sendagaien ebaluazioak egiten dituzte nazioarteko enpresa farmazeutikoetarako, farmako berrien eraginkortasuna ebaluatzeko, eta horixe da konpainiaren finantzaketa-ildo nagusia. Gainera, TADeko taldeak 10 urtetik gorako esperientzia du malariari buruzko ikerketan, eta horretan bildutako ezagutza guztia zabaldu dute, tratamendu berriak gara ditzaketen ikerketa berrien mesedetan. Horren harira, enpresak lankidetzan dihardu Medicines for Malaria Venture deritzon irabazi-asmorik gabeko erakundearekin, malariaren aurkako sendagai merkeak garatu ahal izateko. “Beharrezko tresnak eskaintzen ditugu, erakunde horrek farmakoak gizakiekin aztertu aurretik probatu ahal ditzan”, adierazi du Iñigo Angulok, “izan ere, geurea da munduan era horretako ebaluazioak egin ditzakeen zentro gutxietako bat”.
2020ra begira, enpresak ikerketa-ildo berri bat abiatu du gizakien zahartzea motel dezaketen farmakoak garatzeko. “Lehenengo fasean, datu-base zientifikoetan dagoen informazio masiboa eta adimen artifiziala erabiliko ditugu zahartzearen aurka baliagarriak izan daitezkeen tratamenduak zehazteko”, adierazi du industria farmazeutikoan 17 urteko esperientzia bildu duen Biologiako doktore eta Immunologiako adituak; “hortik abiatuta, sagu humanizatuen gaineko ikerketa hasiko dugu, giza-ehunen zahartzeari buelta eman ahal dioten farmako berriak balira bezala erabil daitezkeen ebaluatzeko”.
Anguloren hitzetan, “ikuspuntu zientifiko huts batetik, datuek argi utzi dute bizitzaren luzera genetikoki manipula daitekeela, eta biologia zelularrean lortutako emaitzek zelulak birprogramatzeko aukera dagoela frogatu dute”. Testuinguru teoriko honetan, TADeko ikertzaileen iritziz, “zahartzea berezko gaixotasuntzat har daiteke, eta horrek hurbilketa honen aldeko apustu sendoa egitera bultzatu gaitu”.
Proiektua abian jarri eta nazioarteko merkatura zabaltzeko, enpresak Beaz eta Eusko Jaurlaritzaren sostengua izan du, eta aurten ON Bizkaia 2019 saria jaso du Enpresak Sortzeko Proiektuen kategorian.
Lotutako albisteak
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
HIMUGI proiektuak mugikortasunean eta garraioan aplikazioak dituen hidrogeno-propultsio sistema bat lortu nahi du
Euskal erakundeen arteko partaidetza eta lankidetza handia du, eta SPRIren Hazitek programaren laguntza ekonomikoa jaso du.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.