The Dreamers Factory, aldaketara egokitzeko berrikuntza irekia
Programa hau onlineko doako mintegiak eskaintzen hasi da startup-entzat, ekintzaileentzat eta enpresentzat.
The Dreamers Factory ekimenaren helburua da elkarrekin batzea, batetik, startup-en malgutasuna eta potentzial berritzailea eta, bestetik, korporazio handien indarra. Programa horrek startup-en eta enpresa errotuen arteko berrikuntza kolaboratiboko proiektuak sustatzen ditu, aukera berriak sortuz bi alderdientzat.
Enrique de la Ricak eta Josean Borgek -bi ekintzaile dira, esperientzia zabala dutenak berrikuntzako ekosistemetan- bultzatu dute ekimena eta innovation outpost metodologietan inspiratuta dago, hau da, ekintzailez, korporazioz eta agente inbertsorez osatutako inguruneetan. “Urte asko daramatzagu startup-ei hazten laguntzen” dio Enrique de la Ricak, “baina ikusi genuen enpresa handiei ere lagundu geniezaiekeela, haiek ere ikas dezaten startup-en malgutasunetik eta aldaketetara egokitzeko duten gaitasunetik.
Proiektu honen bidez, berrikuntza kolaboratiboko programak egingo dira, non barneko erronka bat duten korporazioek arazo hori planteatuko baitute modu irekian, startup-ekin batera konponbide berriak bilatzeko. Enpresa teknologiko berrientzat modu bat da mundu korporatiboarekiko konexioak sortzeko, aukera izango dutelarik inbertsio-iturriak, bazkideak edo bezeroak lortzeko. Bestalde, enpresentzat aukera bikaina da hobeto ezagutzeko startup-ek berezkoa duten malgutasuna eta konponbideak diseinatzean erakusten duten azkartasuna. “Guretzat garrantzitsuena da prozesuan zehar gertatzen den aldaketa ukiezina; enpresa ohartzen da badagoela modu arin eta eraginkorrago bat proiektuak kudeatzeko eta erabakiak hartzeko” dio The Dreamers Factory ekimenaren fundatzaileak.
Covid-19 pandemiaren karietara, lantaldeak erabaki du laguntza-tresnak eskainiko dituela startup-entzat, ekintzaileentzat eta korporazio handientzat. Horretarako, onlineko mintegi irekiak antolatzen hasi da, krisiari erantzuteko konponbide berriak bilatzeko. “Lehen asteetako kezkekin lotutako gaiekin hasi ginen: egoera zailaren kudeaketa, telelana… Gero, mintegi gehiago egin ditugu finantzaketei eta aukera-sektore berriak detektatzera bideratutako biratze azkarreko metodologiei buruz” azaldu du de la Ricak.
Horrez gain, The Dreamers Factory tutoretza-saio espezifikoak egiten ari da enpresa kolaboratzaileentzat, egoera berria kudeatzen laguntzeko. Mintegi irekiak aldian-aldian eskaintzen dira eta parte hartzeko nahikoa da programaren atarian izena ematea.
Lotutako albisteak
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna