TokenTrotter-rek bidaiez beste ikuspuntu batetik gozatzeko aukera ematen du
TokenTrotter garatzeko ideia Vienara egindako bidaia batean sortu zen. Han egon ziren bitartean, proiektuaren sortzaileek pentsatu zuten zein baliagarria izan zitekeen gida baten bidez monumentuen, museoen eta puntu interesgarrienen azalpenak entzutea hirian zehar paseatzen eta “Interneten bila erotu beharrik gabe”. Helburua tresna erabilerraza sortzea zen, entzungailuak bakarrik erabiliz free tour bat egin ahal izateko. “Negozioetarako eta turismoaren sektorean formula berritzaileak aplikatzeko aukera handia zegoela uste genuen”, dio Alberto Iglesiasek, proiektuaren sustatzaileak.
Horrela, TokenTrotter-rek “bidaiariaren esperientzia aberasten du eta, aldi berean, turismo-gidariei eta edukien sortzaileei euren lana eta esperientzia monetizatzeko aukera ematen die”, dio Iglesiasek. Madril, Bilbo, Bartzelona, Londres, Paris eta New Yorkeko monumentuen eta interesguneen audiogidak disfrutatzeko aukera ematen du app-ak. Gainera, erabiltzaileek free tour-ak egin ditzakete, edo yinkanetan eta altxorraren bilaketetan parte hartu, hainbat sekretu ezagutzeko. TokenTrotter-rek ehunka interesgune eta plangintza-tresna bat ere baditu, erabiltzen duten pertsonen gustuen edo beharren neurrira egindako ibilbide bat antolatzeko.
Sensalus, zahartze aktiboko proiektua
Bilboko profesional-talde honek eskarmentu handia du aplikazioak eta jokoak sortzen. Izan ere, app hori BlockGummies-ek garatu du, eta duela gutxi adinekoentzako osasun eta zahartze aktiboko proiektu bat ere gauzatu du, Sensalus izenekoa. Diseinuan, programazioan, marketinean eta edukien sorkuntzan esperientzia duten bost pertsonak osatzen dute plantilla. “Gure kudeaketarekin eta zuzendaritzarekin benetan interesgarria eta berritzailea den aplikazio bat sortzea lortu dute, hazteko ahalmen handia duena”, azaldu du sustatzaileak.
Etorkizunari begira, TokenTrotter-rek hazten jarraitu nahi du, hiri, tour eta interesgune gehiago gehituz, baita blockchain geruza bat sortu ere, edukien sortzaileek audiogiden jabetza intelektuala eta monetarizazioa kudeatu ahal izan dezaten. Era berean, erabiltzaile berriak eskuratzeko, marketin-kanpainek gero eta protagonismo handiagoa izango dute.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
Lotutako albisteak
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean
Prado Silos nazioartean indartzen, estrategia eta inbertsio berriekin hazkundea bultzatuz
38 herrialdetan presentzia handituz eta 2025erako 9 milioi euroko kontratuak aurreikusiz
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.
Landatu Solarrek, bere produktu berritzaileen bidez, eguzki-panelak instalatzea errazten du
Bilboko ingeniaritzak bi sistema sortu ditu: Landblock, teilatu eta zoruetan instalatzeko, eta Lamaru, eguzki-energia flotatzailerako soluzioa.
Fecin, industriako eskuilagintzan espezializatuta 60 urte daramatzan Gipuzkoako ETEa
Deban kokatuta dagoen enpresa da Europa mailan sektore honetako bost fabrikatzaileetako bat eta SPRI Taldearen zibersegurtasun-programaren laguntza jaso du