Unimodel proiektuak trenetan berrikuntza teknologikoak txertatuko ditu, kostuak eta entrega-epea % 20 murrizteko
Trenbideko enpresa bat (CAF), zentro teknologiko bat (Ceit, Basque Research & Technology Alliance BRTAko kidea) eta unibertsitate bat (Tecnun) trenen kostuak eta entrega-epeak murrizteko aurrerapen teknologikoak garatuko dituen proiektu batean murgildu dira. Unimodel deitutako ekimen hau Elkarteken (2018/2019) –Eusko Jaurlaritzaren Arlo estrategikoetan elkarlaneko ikerketa sustatzeko laguntza programa– barruan dago.
Aurreikuspen-tresna zehatzik ez izateak suspentsioen lan moduaren inguruan ezjakintasuna eragiten du. Horren ondorioz, gaindimentsionatu egiten dira eta gehiegizko segurtasun-marjinak ezartzen dira, eta, aldi berean, horrek tren-ibilgailuarentzako gainkostua dakar. Ikertzaileek lan egingo dute proiektu honetan simulazioak hobetzeko eta suspentsioen diseinua optimizatzen laguntzeko, bidaiarien segurtasun eta erosotasun estandarrak mantenduz. Horrela, fabrikatzailearen lehiakortasuna handitzeaz gain, Unimodelek trenen bizi-zikloaren kostuak eta entrega-epea % 20 murriztuko ditu.
Profil guztiz desberdinak dituzten Zientzia, Teknologia eta Berrikuntzaren Euskal Sareko (ZTBES) lau eragilek osatzen dute proiektu hau. Eragile hauek partzuergoari proiektua gauzatzeko osagarritasuna ematen diote, eta estandar handiagoak dituzten trenak eraikitzeko oinarriak ezartzen dituzte.
CAF I+G eta CETEST enpresek, CAF industria-taldearen barruan daudenak, enpresa ikuspegia eskainiko dute, Gipuzkoako enpresak esleitutako ibilgailuen bidez proiektuan sortzen diren emaitzek merkatuan duten eragina ezagutzeko. Nafarroako Unibertsitateko Ingeniaritza Termikoko eta Fluidoen arloak (AITF) eta Tecnungo Makina eta Ibilgailuen arloak ikuspegi akademikoa ematen dute, simulazio birtualak behar dituzten oinarrizko metodo deterministiko eta estatistikoen inguruan duten ezagutzarekin. Azkenik, Ceitek (Garapen eta Transferentzia Teknologikoaren Nazioarteko Zentroa) ikerketa sektorialaren inguruan lan egingo du.
Lotutako albisteak
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
AVVI laguntzaile birtualak etxebizitzen salmenta eraberritu du, etxeak eraiki aurretik bisitatzeko aukera ematen baitu
Trivima enpresa donostiarrak soluzio berritzaile bat garatu du, salmenta epeak murriztu eta transformazioa areagotzen duen esperientzia interaktiboa ahalbidetzen duena.