UNIREn bigarren edizioak 80 enpresa baino gehiago bildu ditu FICOBAn
UNIRE azokaren bigarren edizioak 80 enpresa baino gehiago bildu ditu Irungo FICOBA erakustazokan. UNIRE azoka da soldaduran eta beste lotura-teknologietan espezializatutako Estatuko azoka bakarra. Martxoaren 18an eta 19an egingo da azoka, eta bi egun horiek eskainiko zaizkio berrikuntzen aurkezpenari, networkingari eta merkataritza-harreman eta -akordio berriak sortzeari. Enpresa erakusketarien artean, Belgika, Israel, Italia, Herbehereak edo Frantziatik etorritako atzerriko enpresak nabarmendu behar dira.
Ekitaldiak Eusko Jaurlaritzaren, SPRI Taldearen eta Gipuzkoako Foru Aldundiaren babesa du, eta Ficobak antolatu du, CESOL Soldadura eta Lotura Teknologien Espainiako Elkartearen laguntzarekin. Inaugurazioan izan dira Andoitz Korta Eusko Jaurlaritzako Industria Sustatzeko sailburuordea, Ane Insausti Gipuzkoako Foru Aldundiko Ekonomia Sustapeneko diputatua eta Nuria Alzaga Irungo jarduneko alkatea.
Andoitz Korta sailburuordeak aditzera eman duenez, “UNIRE azoka soldaduraren eta lotura-teknologien sektoreko ezagutza partekatzeko lekua da, eta Euskadi erreferentea da arlo horretan. Industria gehiago eta hobeaz hitz egin nahi dugu: belaunaldien arteko erreleboaz, garapen teknologikoaz, automatizazioaz, robotikaz edo adimen artifizialaz. Era berean, emisio gutxiagorako bidean aurrera egiteko moduari buruz eztabaidatu nahi dugu: jasangarritasunak, efizientziak eta trantsizio energetikoak sektore honetan duten inpaktua aztertu nahi dugu”.
“Aurten 84 enpresa bildu dira azoka honetan, gehienak enpresa txiki eta ertainak. Enpresa txiki eta ertain horietako askoren lanari esker, soldaduran eta lotura-teknologietan Estatuan dagoen azoka bakarra da UNIRE, eta erreferentea da Europa hegoaldean”.
Lotutako albisteak
AVVI laguntzaile birtualak etxebizitzen salmenta eraberritu du, etxeak eraiki aurretik bisitatzeko aukera ematen baitu
Trivima enpresa donostiarrak soluzio berritzaile bat garatu du, salmenta epeak murriztu eta transformazioa areagotzen duen esperientzia interaktiboa ahalbidetzen duena.
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Euskocam System S.L.-k elektrohigadurarako grafitozko soluzioak eskaintzen ditu
Elorrioko enpresak elektrohigadurarako grafito-elektrodoen diseinuan eta fabrikazioan zerbitzu integrala eskaintzen du, berrikuntzaren eta iraunkortasunaren aldeko apustu argiarekin.
Hazinnovaren eskutik Estatu Batuetan haztea du helburu Rob-Jor enpresak
Manikurako eta pedikurako produktuak fabrikatzen dituen enpresa arabarra industria mota horretako fabrikatzaile europar bakarrenetakoa da, eta berrikuntzaren eta pertsonalizazioaren alde egiten du Asiako lehiakortasunaren aurka borrokatzeko.
Soldaduraren balio-kateari buruzko azokaren, UNIREren, bigarren edizioa egingo dute Ficoban
Sektore horrek Estatu osoan egiten duen kongresu bakarra martxoaren 18 eta 19an izango da