Zure enpresarako 80 teknologia berritzaile Basque Open Industry kongresuan
BIND 4.0 berrikuntza irekiko plataformak azken berrikuntza teknologikoak eta euskal industrian aplikatutako kasu arrakastatsuak aurkeztuko ditu Basque Open Industry kongresuan. Horretarako, 8. edizioko 65 startup finalistek eta aurreko edizioetako teknologia berritzaileak aurkeztuko dituzten 16 startupek parte hartuko dute ekitaldian, erakusketari gisa.Kontsultatu BIND 4.0ko startupen zerrenda Basque Open Industry web orrian, eta deskargatu Networking-eko APP, gainerako parte-hartzaileekin harremanetan jartzeko.
Ezagutu 2024. urterako gehien eskatu diren teknologiak eta soluzioak
Industriak etorkizun adimendunagoa eta jasangarriagoa eraikitzeko erronka du aurrean. Hori dela eta, Eusko Jaurlaritza-SPRIk sustatutako BIND 4.0 berrikuntza irekiko plataformak bat egingo du aurten ere topaketarekin, eta industrian, energia garbietan, jasangarritasunean, osasunean eta elikaduran aplikatutako azken berrikuntza teknologikoen sorta bat aurkeztuko du. Haren azelerazio-programaren helburua da mundu osoko startup disruptiboen eta sektoreko erreferentziazko 70 enpresa baino gehiagoren artean berrikuntza-proiektuak batera garatzea. Enpresa horien artean, honako hauek aipa daitezke: Mercedes-Benz, ITP Aero, Iberdrola, Ampo, Natra, Uvesco, Ingeteam, Petronor-Repsol eta Faes Farma.
Berrikuntza irekia: berrikuntza arina, azkarra eta frogatua
BIND 4.0 berrikuntza irekiko plataformak, gainera, mahai-inguru eta hitzaldien programa bat eta startup eta scaleupen erakusketa iraunkor bat izango du Basque Open Industry kongresuaren barruan, sektoreko azken soluzio teknologikoak eta mundu osoko enpresa liderren eta startup berritzaileen artean garatutako berrikuntza irekiaren arrakasta-kasuak partekatzeko.
BIND 4.0 plataforma lankidetza publiko-pribatuaren eredu bikaina da, eta 8 edizio arrakastatsu izan ditu guztira, azeleratutako 200 startup baino gehiagorekin eta 300 berrikuntza-proiektu baino gehiagorekin. Programa horri beste bi gaineratu behar zaizkio: BIND 4.0 SME Connection, industria-arloko ETEetan berrikuntza sustatzeko, eta BIND 4.0 GovTech, Euskadiko hainbat sozietate publikotan digitalizazio-prozesua bizkortzeko.
Euskal industriaren etorkizunerantz
Ekitaldiaren bi egunetan, BIND 4.0 berrikuntza irekiko plataformak mundu osoko hainbat partner enpresak eta startupek batera egindako lanaren lagin bat aurkeztuko du. Gainera, azken arrakasta-kasuen berri emango du, programak sektorean berritzeko duen ahalmena erakusteko.
BIND 4.0 plataformak bere SME Connection ekimenari buruzko mahai-inguru bat eskainiko du Basque Open Industry kongresuan, startupekiko lankidetzaren bidez industria-arloko euskal ETEen berrikuntza bultzatzeko helburuarekin. Plataformak, gainera, berrikuntza irekiari buruzko hitzaldi bat eskainiko du, startupak berrikuntza-proiektuetan sartzeko beharrezkoak diren gakoak eta trebetasunak ezagutzeko.
Basque Open Industry kongresua esperientzia aberasgarria eta aukeraz betea izango da enpresaburu eta profesionalentzat, industriaren etorkizuna irauliko duten teknologiak bertatik bertara ezagutu ahal izango baitituzte, baita berrikuntza irekiaren onurak eta azken urteotan arrakastarik handiena izan duten kasuak ere, BIND 4.0 plataformaren eskutik.
Ez geratu euskal industriaren etorkizuna markatuko duen topaketa zirraragarri horretan parte hartu gabe.
BIND 4.0 plataformaren agenda Basque Open Industry topaketan
Azaroaren 13a
- 9:00 – 17:00: Startupen erakusketa iraunkorra
- 15:00 – 15:45: BIND 4.0 plataformaren arrakasta-kasuen aurkezpena
- 1. kasua: ii40 Services startupa Mercedes-Benz enpresarekin
- 2. kasua: Madit Metal startupa Vidrala enpresarekin
- 3. kasua: Inalia startupa GHCranes enpresarekin
- 15:45 – 16:15: Mahai-ingurua: BIND 4.0 SME Connection “Startupekin ETEtik berrituz”
- 16:15 – 16:45: Hitzaldia: “Berrikuntza irekia, startupekin berrituz”
Azaroaren 14a
- 9:00 – 17:00: Startupen erakusketa iraunkorra
Kontsultatu BIND 4.0 plataformaren startupen zerrenda Basque Open Industry webgunean, eta deskargatu Networking app-a gainerako parte-hartzaileekin harremanetan jartzeko.
Lotutako albisteak
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.
Siteco, 30 urte automatikoki ordaintzeko makinak ekoizten
Arabako enpresak administrazio publikoarekin eta ostalaritza sektorearekin egiten du lan, eta urteak daramatza nazioarteko merkatuan.
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua