600 erakunde, 2.000 ekintzaile baino gehiago eta inpaktu sozialeko 700 proiektu inguru BBK Bizkaia Network-en
BBK eta Urbegi Fundazioak jardunaldi interesgarria ospatu zuten Bilboko BBK aretoan: “GJH-ak eta ekintzailetza”. Inpaktu sozialeko ekintzailetzari lotutako hainbat gaitan adituak diren pertsonek parte hartu zuten.
BBKren Gizarte Ekintzaren zuzendari den Nora Sarasolak interbentzioei hasiera eman zien. BBK-k Bizkaian inpaktua duten inbertsioak eta ekintzailetza sozialeko ekosistema bat sortu eta burutu nahi duela adierazi zuen. Guzti hau, 2030era begira finkatuta dauden Garapen Jasangarrirako Helburuetan (GJH) oinarriturik.
Sarasolak ekintzaileen komunitateetan jarri zuen fokoa; hala nola, BBK Bizkaia Network, BBK “bide onetik doalako” adibide ona. Haren esanetan, BBK-k sustatutako proiektuek erakusten dute ekintzailetza garapen jasangarrirako helburuetara hurbiltzeko lanabesa izan daitekeela, ekitea eraikitzeko aurrera egitea baita”.
BBK Bizkaia Network-en ekintzaile-ekosistemaren arduraduna den Pablo Ocañak ekimen honen zifra nagusiak aurkeztu zituen: 2020an BBK Bizkaia Network-ek 580 erakunde izan zituen plataforman harpideturik, eta 2.057 partehartzaile. Komunitate ekintzaile hau Bizkaian inpaktu soziala duten enpresa-proiektuak bultzatzera zuzenduta dago. Gaur egun mota eta sektore askotako 681 proiektu ditu bere baitan.
ELKARLANERAKO PROIEKTUAK
Ocañak azaldu bezala, zifra hauek erakusten dute “erremintak harremanak izateko eta elkarlanetik sortutako proiektu interesgarriak garatzeko balio duela”. Sortu zenetik, Bizkaia Network-ek 5.000 elkarrizketa-gune eta 47.000 interakzio baino gehiago errejistratu ditu (burututako komunikazioak) ekosistemaren partehartzaileen artean: “Aktibitate honek partekatutako 6.620 artxibo edo dokumentuak eta 45 jardunaldi edo talde-dinamikak lotzen ditu”.
Jardunaldia mahainguru interesgarri batekin hasi zen, inpaktuzko ekintzailetzari buruz solasten. Oihane Aldayturriaga (BBK), Antonio González (ImpactHub Madrid); Eriz Sainz Gurtubay (Pricewaterhouse Coopers), Koldo Atxutegi (Bizkaiko Foru Aldundia) eta Andoni García Larrucea (Enkarterri Group-en presidentea) izan ziren partehartzaileak.
info+: https://bbk.bizkaia.network/
Lotutako albisteak
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza