4. BASQUE GREENTECH eta lehen aldiz GREEN UPS Foroa ospatuko ditu Aclimak
Euskadiko ingurumen industrien kluster elkarteak (Aclima) 4. Basque Greentech eta lehen aldiz Green UPS! foroa ospatuko du urtarrilaren 30ean eta 31n Bilboko BAT B Accelerator Towerren. Ekitaldiak bi egunez bilduko ditu Euskadiko ingurumen arloko ekosistema berritzaileak, sendoenetatik hasi (zentro teknologikoak, sektoreko enpresa erreferenteak edo erakunde publikoak) eta azken urteetan hazkunde potentzial handiena metatu dutenetaraino (enpresa emergenteak).
Aurten, Basque Greentech Euskadiko ingurumen-alorreko berrikuntza teknologikoaren arloko erreferentziazko ekitaldi gisa finkatu da, eta edukietan gora egin du. Laugarren edizioa bi egunera luzatu da, Green UPS! izeneko foro berri batekin. Trantsizio ekologikoaren eta industriaren deskarbonizazioaren beharrei irtenbidea emango dieten berrikuntza teknologikoak sustatzen jarraitzeko, Green UPS! foroa. Ekintzailetza berritzailearen ekosistemarako eta Euskadiko inbertsiorako topagune gisa aurkezten da.
Urtarrilaren 30ean, Basque Greentech-en berrikuntza teknologikoko 15 proiektu aurkeztuko dira, lau eremutan banatuta: ur garbia eta saneamendua, hiri eta komunitate jasangarriak, ekoizpen eta kontsumo arduratsua eta klimaren aldeko ekintza. Horrez gain, topaketan izango dira, besteak beste, Josu Bilbao Eusko Jaurlaritzako Ingurumen sailburuordea (ekitaldiaren irekieraren arduraduna), Arantza Atutxa BFAko Natur Ingurune eta Nekazaritzako foru diputatua eta Donostia International Physics Center-eko (DIPC) zuzendaria, zeinak hitzaldi bat emango baitu ““Zientzia inpaktuarekin: teknologia kuantikoen oraina eta etorkizuna” izenburupean.
Urtarrilaren 31n, ostirala, egingo den Green UPS! foroan, Euskadiko ingurumen ekosisteman integratu nahi duten sart-up berritzaileak eta jasangarriak izango dira protagonistak, eta lurraldean dauden inbertsio munduko hainbat eragilerekin elkartuko dira. BFAko Ekonomia Sustatzeko foru diputatu Ainara Basurkok egingo duen irekiera instituzionalaz gain, jardunaldian hainbat mahai-inguru egingo dira ingurumen-ekintzailetzari emandako laguntzaren egungo egoera aztertzeko, hainbat mekanismoren bidez, hala nola ekintzailetza bultzatzeko esparru publikoa, trantsizio ekologikoan eragina duten inbertsioak dituen venture kapital pribatua inbertitzea edo finantza-sektoreak jasangarritasunarekin duen konpromisoa.
Besteak beste, Green UPS! Sarien deialdia nabarmentzen da. ingurumenaren alorrean ahalmen eraldatzaile handiena duen start-up berritzailea aintzatestea dute helburu. Bigarren egunean, hiru start-up finalistak ezagutuko dira. Parte-hartzaileen artean aurkezpen bat egingo dute, eta, ondoren, horietako bati emango zaio saria. Hautagaitzak jasotzeko epea zabalik egongo da urtarrilaren 27ko 18:00ak arte.
Lotutako albisteak
Ekisolarrek bere negozioa deskarbonizaziorantz hedatu nahi du
Gasteizen kokatuta dagoen enpresak SPRI Taldearen BDIH Konexio programaren laguntza jaso du eta estalki industrialetan energia fotovoltaikoa eskaintzen du.
Euskadi agenda 2030 sariak 60 erakunde aintzatetsi ditu, garapen jasangarriaren helburuekin duten konpromisoagatik
SPRIk eta Euskadiko Parke Teknologikoak konpromiso-diploma lortu dute
E&M Combustion-ek Chileko meatzaritza deskarbonizatzen laguntzen du hidrogenoa erabiliz, Sprilur-en Bildosola Poligonotik
Euskal ingeniaritzak hidrogenoaren errekuntzako I+G proiektu pilotu hau garatu du Chileko Gobernuarentzat.
INNKIA startup jaio da, enpresen behar zehatzetarako Adimen Artifizala
LABORAL Kutxaren eta IKERLANen eskutik sortu da startup kooperatibo aitzindaria, MONDRAGONen eta Eusko Jaurlaritzaren laguntzarekin.
ELIKA Fundazioak “Recircular alimentación” aurkeztu du, elikagai-soberakinak errebalorizatzen lagunduko duen tresna digitala
Elika Fundazioaren eta Recircular startup-aren arteko lankidetzaren emaitza da, zeinak elikagai-soberakinak ekonomikoki balorizatzea duen xede.