Alfa Quantumek teknologia kuantikoa ikastetxeetara hurbiltzen du

Konputazio kuantikoak aurrera egiten jarraitzen du, datozen urteetan eguneroko erabilerako duen teknologia bihurtzeko. Euskadin hainbat ‘startup’, hub, ikerketa eta hezkuntza zentro eta laguntza ekimenetan oinarritutako konputazio kuantikoko ekosistema sortzen ari da. Proiektu horietako bat Alfa Quantum da, teknologia disruptibo horri buruzko ezagutza ikastetxeetan zabaltzea helburu duena.

“Gure helburua iraultza kuantikoa herritarrei helaraztea da eta gizarteak teknologia kuantikoetan duen interesa ezagutaraztea”, sustatzaileek webgunean azaldu dutenez.

Ekimen honek bultzatzen dituen jardueren artean, alfabetatze kuantikoko saioak, kultura zientifikoa sustatzea, ikasleen artean STEAM bokazioak indartzea, teknologia horiei buruzko ezagutza demokratizatzea eta konputazio kuantikoaren eskutik proiektuak garatzeko gai den talentua erakartzea eta atxikitzea nabarmentzen dira. “Gaur egungo premiek eragindako aldaketei erantzuna eman nahi diegu, egiteko modu berriak integratuz, eta, horregatik, horrelako teknologia kuantikoetan heztearen alde egiten dugu“, gehitzen dute Alfa Quantumetik.

Prestakuntza-lan hori egiteko, diziplinarteko talde propio bat dute, “hezkuntza-sistemaren ezagutza sakona eta teknologiako pedagogia uztartzen dituena”, azaltzen dute bere arduradunek. Proiektuak, gainera, hainbat parner instituzionalen laguntza du, hala nola UPV/EHU, Bizkaiko Foru Aldundia, Lantiken bidez, eta Quantum Ecosystem lankidetza-estrategiarena, Bizkaiko lurraldean teknologia kuantikoen garapena eta aplikazioa bultzatzeko diseinatutako ekimena.

Ildo horretan, proiektuko sustatzaileek hezkuntza-paradigma aldatzearen alde egiten dute, ikasleek gaitasun digitalak eskuratzeko beharra bultzatzeko, bai eta ikastetxeetan eta institutuetan STEAM ikasteko metodologia garatzearen alde ere. “Hezkuntzaren ikuspegian aldaketa bultzatu nahi dugu, begirada kuantikorako iraultza pedagogikoa bizkortzeko. Ezagutza berri hau itzuli eta demokratizatu egiten dugu“, adierazten dute.

Lotutako albisteak

30 ekaina, 2024 Ekintzailetza

Libertad Avenue, hiri-txirrindularientzako moda jasangarria

Irakurri gehiago

28 ekaina, 2024 Ekintzailetza

VS Decok zure etxebizitza diseinu fotorrealista batean bihurtzen du

Irakurri gehiago

28 ekaina, 2024 Ekintzailetza

Wake Up! Albiste ekintzaile batzuk sarean

Irakurri gehiago

26 ekaina, 2024 Ekintzailetza

Mondragon Unibertsitateak proiektu teknologiko jasangarriak sustatuko ditu beka bitartez

Irakurri gehiago

25 ekaina, 2024 Ekintzailetza

INDUS3D, Fabrikazio gehigarri integrala, Prototipaziotik Serieko ekoizpeneraino

Irakurri gehiago

Joan blog-era