Jon Uriarte.
Ekintzailetza
Elkarrizketak 22 abendua, 2020

All Iron Group: “Krisi honen ostean ohartuko gara uste genuena baino indartsuagoak garela”

Ticketbis arrakastatsuaren sortzaile Jon Uriartek gidatzen du All Iron Group. All Iron Group enpresa-talde bat da, egoitza Bilbon duena eta hainbat interes dituena, besteak beste, startup-ak eta higiezinen sektoreko aukerak

 

Jon Uriarte dugu azken urteotako euskal ekintzaile aktibo eta arrakastatsuenetako bat. Jon ezin hobeto sartzen da ekintzailearen kategorian: jakin-min handiko pertsona, anbiziotsua eta ikuspegi pribilejiatuduna, 2016an egundoko sorpresa eman zuena Ticketbits enpresa eBAY bezalako erraldoi bati salduta; gaur egun, beste ekintzaile batzuei laguntzen die euren ametsak betetzen, XIX. mendean Bilbora iritsitako meatzari britainiarrek burdin purua aurkitzean abesten zuten “all iron” haren erritmoan… Uriartek Bilbon sortu zuen All Iron Group, Ander Michelenarekin batera. Enpresentzako aterki honek askotariko interesak barne hartzen ditu, eta beharbada gehien gailentzen dena da osagai berritzaile handiko startup-ekin duen harremana, bere DNAn baitarama berrikuntza. Une honetan, taldeak 40 enpresa partaidetu ditu, horien artean Estatu osoan aski ezagunak diren batzuk (Bilboko Lookiero, edo Jeff, Lingokids, Seedtag nahiz Spotahome) eta Europa, AEB edo Latinoamerikakoak ere bai.

 

Beraz, “Aliron” aukeratu duzue alaitasunaren eta enpresa arloko arrakastaren sinonimo gisa…

Bai, jakina. Eta ez hori bakarrik, gauzak ikusteko modu bat ere bada, gauza garrantzitsuak eta interesgarriak, enpresa-proiektu handiak egin daitezkeelako ustez txikia den hiri batean, nahiz eta Bilbo munduko hiriburua izan (barreka)…

 

Frogatu duzue posible dela gauza handiak egitea esparru lokaletik aldendu gabe…

Ez dugu lortu berdinketarik inorekin, baina saiatzen ari gara. Gure aurreko proiektua (Ticketbis) oso ondo atera zen. Ander Michelena bazkidea eta biok hementxe hasi ginen, Bilbon bertan, eta azkenean 48 herrialdetan operatzera iritsi ginen, mundu osoko 500 pertsona enplegatuz proiektu hartarako. Beraz, esan liteke gauzak ongi joan zirela, eta horrek erakusten du posible dela proiektu handi bat muntatzea San Frantzisko, Londres edo Tokyo bezalako toki ikonikoetara joan beharrik gabe.

 

Gaur egungoa bezalako egoera ziurgabe eta aldakor batean, bankako akzioetan edo energia sektorean inbertitzea baino hobe al da startupen proiektuetan inbertitzea?

Galdera zaila da hori, eta ez nuke Burtsako aholkurik eman nahi, baina uste dut gauza desberdinak direla eta elkarrekiko osagarriak. Inbertitzea oso zaila da, eta beti da hobe konfiantza ematen dizun eta trebatua dagoen norbaiten eskutik egitea, baldin eta bidezko komisioak kobratzen baditu, jakina. Startup-etan inbertitzeari dagokionez, egia da oso modan daudela, eta jende askok inbertitu nahi duela, baina oso arriskutsua da. Erokeria bat litzateke norbere ondarearen zati handi bat horretan inbertitzea, halere badago aukera arloko profesionalen laguntzaz inbertitzeko arriskuak murriztuz.

 

Zein baldintza izan behar ditu enpresa-proiektu batek zuek bezalako inbertitzaileak erakartzeko?

Oro har, ez dugu inbertitzen ideia fasean dauden proiektuetan, baizik eta fase aurreratuago batean daudenetan, adibidez, produktua edo zerbitzua dagoeneko merkatuan dutenetan, beti ere frogatu badute funtzionatzen dutela, nahiz eta enpresa oso gazteak izan. Horixe bilatzen dugu, egiaztatutako produktu edo zerbitzu bat, garatzeko gaitasuna eta merkatuko potentzial handia duena, baina, batez ere, gaitasun handiko lantalde batez osatua dagoena, gai izango dena proiektua eraman nahi duen tokiraino eramateko.

 

Eta behin erabaki ondoren parte hartuko duzuela startup batean, zein motibaziorekin egiten duzue?

Gure helburua da enpresan gelditzea, baina horizonte batekin; hau da, gure zeregina da startup batean sartu nahi duen inbertitzailearen dirua bideratzea ibilgailu baten bidez. Jakina, inbertitzaileek euren inbertsioa berreskuratu nahi dute, beraz, gu enpresetan sartzen gara, garatzen laguntzen diegu, eta zazpi edo hamar urteko epean enpresatik irteten gara. Hau da, gure helburua ez da espekulatzea, hots, enpresa batean sartu eta handik urtebetera irtetea. Gainera, hori ia ezinezkoa da. Etorkizun handiko proiektuetan sartzen gara balioa sortzeko eta balio hori konpainiei emateko, horrela proiektu handi bihur daitezen.

 

 

Pelotazoaren antitesia da hori…

 

Ez zait hitz hori gustatzen, eta nire kasuan askotan erabili zen Ticketbis-en fenomenoa azaltzeko: bazirudien zerbait sortu genuela hutsetik, zortea izan genuela eta diru kopuru handi baten truke saldu genuela. Eta ez da horrela, gure bizitza profesional osoa eta bizitza pertsonalaren zati bat eskaini geniolako proiektu hari, gorputz eta arima lanean aritu ginen zazpi urte baino gehiagoz. Proiektu bat saltzen denean, jakin behar da ikaragarrizko ahalegina egin dela proiektu hori aurrera eramateko, eta horri ezin zaio pelotazo deitu.

 

Badira ekintzaile batzuk, zeu horietako bat, proiektuak abiarazten dituztenak benetako premia dutelako, “barruak eskatzen dielako”… Zer esan nahi duzu?

Ez da erraza azaltzea. Niri oso zaila egiten zait bururatzen zaizkidan proiektuak baztertzea, beti saiatzen naiz martxan jartzen. Barruan dudan zerbait da, eta unibertsitatean nengoela piztu zitzaidan premia hori. Horrelakoak garenok premia izaten dugu buruan darabilguna martxan jartzeko, bestela barrutik jaten gaitu.

 

Nola gainditzen da ekintzailetzarako beldurra? Nola gainditzen dira “balu” eta “balitz” guztiak?

Oso galdera zaila da, nik neuk ere beldur asko izan nituen ekintzaile izan aurretik. Ekiteko gogoa eta bokazioa baneuzkan unibertsitate garaitik, baina zortzi bat urte behar izan nituen ekintzailetzari heltzeko. Asko kostatzen da erabaki hori hartzea, faktore asko daudelako tartean, batik bat pertsonalak. Horregatik, beldur eta zalantza asko sortzen dira sarerik gabe jauzi egin aurretik. Nik neuk beti nahi izan dut ekintzaile izan, baina gurasoek burutik kendu zidaten ideia hori. Halere, 2005ean erabaki nuen Morgan Stanley enpresan (Londresen) nuen lanpostua utzi eta Ticketbites martxan jartzea.

 

Gaur egungo krisia amaitu eta perspektiba pixka batekin begiratzeko tartea hartzen dugunean, zure ustez zer izan beharko genuke ikasita?

Nire ustez, ohartuko gara uste genuena baino askoz indartsuagoak garela.

Lotutako albisteak

Surphasek  merkatuan  parekorik  ez  duen  teknologia  garatzen  du  eta  gatzgabetzeko  planten  eraginkortasuna  handitzea  lortzen  du

Surphasek merkatuan parekorik ez duen teknologia garatzen du eta gatzgabetzeko planten eraginkortasuna handitzea lortzen du

Donostiako ETEak, Europako Batzordearen 2,5 milioiko dirulaguntza lortuta, iragazkien egoera aurreikusten du denbora errealean; hala, geldialdi teknikoen % 60 murrizten du

Kimaiwi:  “Gure  proposamen  teknologikoa  balioztatzean  eta  nazioarteko  turismo-industriaren  aurrean  proiektatzean  zentratu  gara”
25/03/2025 Ekintzailetza

Kimaiwi: “Gure proposamen teknologikoa balioztatzean eta nazioarteko turismo-industriaren aurrean proiektatzean zentratu gara”

Startup arabarrak online irtenbideak garatzen ditu turismo-sektorearentzat, eta hazkunde eta babes handia izan du bere bederatzi hilabeteko bizitzan.

NAW:  “Gure  abantaila  lehiakorra  10  urte  bitarteko  kirol-oinetako  minimalista  eskaintzea  da”
04/03/2025 Berrikuntza

NAW: “Gure abantaila lehiakorra 10 urte bitarteko kirol-oinetako minimalista eskaintzea da”

Silvia Echeverríak, NAWren sortzaileak, oinetako minimalistak postura-osasunean eta garapen biomekanikoan haurtzarotik helduarora arte nola eragin dezakeen azaltzen du.

Isabel  Urbano:  “Novia  Salcedo  Fundazioarekin  praktiketan  dauden  gazteen  %60k  kontratu  bat  lortzen  dute”
06/02/2025 Ekintzailetza

Isabel Urbano: “Novia Salcedo Fundazioarekin praktiketan dauden gazteen %60k kontratu bat lortzen dute”

Novia Salcedo Fundazioak 45 urte inguru eman ditu ikasketa-ingurunetik lan-mundurako trantsizioa errazten, prestakuntza praktiko ez-laboraleko programen bidez.

AIDTEC  Solutions  :“Ekintzaileak  zaindu  egin  behar  ditugu”
05/02/2025 Ekintzailetza

AIDTEC Solutions :“Ekintzaileak zaindu egin behar ditugu”

Nekazaritza jasangarriagoa lortzeko soluzioetan espezializatutako startuparen sortzaileetako bat da Izaskun Oribe

Elkarrizketa  ‘glo910’-eko  Ixone  Elosegui  eta  Miren  García-Chazarrari
13/11/2024 Ekintzailetza

Elkarrizketa ‘glo910’-eko Ixone Elosegui eta Miren García-Chazarrari

"glo, logoan ikusten den bezala, 910 bezala ere irakur daiteke, 10 emakumetik 9k zelulitisa duelako, eta hortik dator markaren izena eta gure lehen gailua, glo910"

Zure  negozioaren  webguneak  Interneten  arrakasta  izateko  behar  duen  guztia  eskaintzen  dizu  UrBerrik
16/10/2024 Ekintzailetza

Zure negozioaren webguneak Interneten arrakasta izateko behar duen guztia eskaintzen dizu UrBerrik

Enpresa gazteiztarrak web diseinua, konponketa, mantentze zerbitzuak eta SEO posizionamendua eskaintzen ditu

Runneak  bere  10.  urteurrena  ospatuko  du  eta  Awin  Power  100ean  aitortua  izan  da
11/09/2024 Ekintzailetza

Runneak bere 10. urteurrena ospatuko du eta Awin Power 100ean aitortua izan da

Elkarrizketa honetan, Jorgek enpresaren mugarririk garrantzitsuenez, aurrez aurre dauden erronkez eta bere hedapena gidatu duten estrategiez hitz egin digu.

Vrainhax:  “Min  iraunkorra  duten  pazienteak  tratatzen  ditugu,  haien  bizi-kalitatea  errealitate  birtualaren  bidez  hobetzeko”
25/06/2024 Ekintzailetza

Vrainhax: “Min iraunkorra duten pazienteak tratatzen ditugu, haien bizi-kalitatea errealitate birtualaren bidez hobetzeko”

Bizkaiko startupak fisioterapia-klinikekin eta neuroerrehabilitazio-zentroekin aritzen da lanean, eta hainbat patologiarako aplikazioak garatzen ditu.

Paturpat:  “Produktu  naturala  egiten  dugu,  patatarekin  errezetak  egitean  denbora  eta  kostuak  murriztea  lortzen  duena”
17/06/2024 Ekintzailetza

Paturpat: “Produktu naturala egiten dugu, patatarekin errezetak egitean denbora eta kostuak murriztea lortzen duena”

Enpresa arabarra hirugarren fabrikazio-lerro bat instalatzen ari da, etorkizuneko produktu-eskaerei aurre egiteko, eta ekonomia zirkularreko proiektu europar batean parte hartzen ari da.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.