Alterityren bateria jasangarriak, Beaz Acceleration Program-en parte hartzeko hautatuak
Bizkaiko Alterity startup-a aukeratu dute Beaz Acceleration Program errendimendu handiko programaren lehen edizioan parte hartzeko. Bizkaiko startup publiko-pribatuko lehen azeleragailua da. Hainbat sektore eta heltze-egoeratako 40 hautagaitza baino gehiago aurkeztu ziren, Joseba Villate Alterityko CEOaren arabera “maila oso altuko enpresak”.
Litiozko bateria jasangarriak diseinatzen eta fabrikatzen dituen enpresa irailean programa hasi zuten bostetako bat izan zen. “Nire ustez, ingurumen-inpaktu txikiko ekoizpen-ikuspegia duen startup industrial bat izateak eragin du ebaluazio-batzordeak uste izatea proiektuak honelako azelerazio-dinamika bat izan dezakeela, abiadura handiagoz eskalatzen laguntzeko. Horri Alterityk gaur egun bizi duen unea gehitu behar zaio, merkatuan produktu bideragarria hazkunde betean baitago eta datorren urterako nazioarteko merkatura begira baitago”, baieztatu du Villatek.
Alterity 2018ko urrian sortu zen, patinete, bizikleta eta motorretarako mugikortasun arina ardatz hartuta; baita industria-sektorean ere, logistika plataformetan eta biltegietan erabiltzen diren AGVrako bateriak edo ibilgailu autonomo gidatuak fabrikatuta. Horiek guztiak litiozkoak dira, eta material horien eta horien osagaien berrerabilpenean eta birziklatzean ere jartzen da arreta.
Beaz Acceleration Program 2023ko martxora arte luzatzea aurreikusten da, eta beste sei hilabetez luzatzeko aukera dago. Hautatutako startupei enpresa-azelerazioko dinamika bat eskaintzen die, lau lerroren bidez. Lehenik eta behin, trebakuntza esklusiboa: “IE Business Schoolekin batera neurrira diseinatutako prestakuntza-saioak jasotzen ari gara, ekintzailetzaren mundutik datozen hizlariekin eta startup-en eskalagarritasunari buruzko lehen pertsonako esperientziekin”.
Gainera, Alterity hainbat adituren aholkularitza jasotzen ari da, startuparen bilakaera elkarrekin aztertzen dutenak eta hainbat alderdi bereizita jorratzen dituztenak, hala nola negozio-estrategia. Finantzaketari dagokionez, programak Seed Capital Bizkaiaren 100.000€ eskaintzen ditu, inbertsio publiko-pribatuko hurrengo errondara beste inbertitzaile batzuk erakartzea errazteko. Azkenik, Alterityk BAT B Accelerator Tower dorrerako sarbidea du orain, “Bilboko erdigunean. Bertan, beste startup batzuekin, enpresa handiekin eta beste erakunde publiko eta pribatu batzuekin partekatzen dugu espazioa. Gainera, berrikuntza-ekosisteman funtsezkoak diren nazioarteko 100 nodo baino gehiagorekin konektatuta egoteko aukera ematen digu”.
Gaur egun, Alterityren errealitatea dela eta, ildo horietako bi dira estrategikoenak: “Alde batetik, BATen presentzia dela-eta, funtsezko aliatuengana eta bezeroengana hurbiltzea askoz errazagoa eta hurbilagoa da. BAT dorrean konektatuta egoteak izugarrizko posizionamendua eta ikuspena ematen digu. Bestetik, aholkulariek eta irakasleek izan dituzten arrakastaren gakoetatik ikasteko aukera; izan ere, guztiek bizi izan dituzte gurearen antzeko esperientziak beren ibilbide profesionaleko uneren batean”.
Etorkizunean, Alterityk bere negozio-plana errazago garatzea planteatzen du, tresna berriak eskuratu ondoren. “Aurreikusita genituen proiektuak dira, baina programa honek gure bigarren bizitzako baterien negozio-ildoa abiarazten lagunduko digu, edo gure produktuak Europan abiadura handiagoz nazioartekotzen. Uste dut hauek direla BEAZ Acceleration Program-en parte hartzeari esker askoz lehenago iritsiko diren bi mugarriak”.
Oraintxe bertan, Alterity azelerazio prozesua bizitzen ari da eta ahalik eta etekinik handiena ateratzen saiatzen ari da: “Agian esateko goiz bada ere, lehen sei hilabete hauetan BAT dorrean fisikoki gurekin dauden enpresetako batekin kolaboratzea lortu nahi dugu”, Villatek dioenez.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
Lotutako albisteak
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza
WonderShop, WordPress-erako (“WP”) diseinatutako plugina, online denden jabeei katalogoen kudeaketa errazten die
Garatzen eta merkaturatzen duena WoonderSoft da. Enpresa gipuzkoarrak nazioarteko asmoak ditu eta bere produktuak interesa piztu du beste herrialde batzuetan.