Arituk PLM bat sortu du ETE eta enpresa handi industrialentzat
Software librean oinarritutako soluzio horrek produktuaren bizi-ziklo osoa kudeatzen du
Aritu Gipuzkoako enpresak garatu duen softwarearen bidez, produktu industrial baten zikloari lotutako ezagutza osoa kudeatu daiteke, produktua asmatzen denetik hasi eta haren balio-bizitzaren amaieraraino. Softwarea merkaturatzeko, SPRI Taldearen laguntza jaso du, BIC Gipuzkoaren bidez, eta Gipuzkoako Foru Aldundiarena, Txekintek laguntza-programaren bidez.
Produktuaren bizi-zikloa kudeatzeko tresna gehienek (PLM, ingelesezko siglak) duten kostua oztopoa izaten da enpresa txiki eta ertainentzat. Arituk garatu duen proiektua, ordea, software librean oinarrituta dago, eta horrek aukera ematen du soluzio merkeago bat eskaintzeko, bai enpresa handiei, bai PLMan aurrez esperientziarik ez duten sektore industrialeko ETE-ei. Eduardo Eguren enpresako bazkide eta arduradun teknikoak azaldu duenez, gainera, abantailak ditu malgutasunari dagokionez: “software librea denez, erraz egokitu daiteke bezero bakoitzaren beharretara —uneko nahiz etorkizuneko beharretara—, eta egokitzapenok geuk edo beste batzuek ezar ditzakete”.
Arituk garatutako PLMaren bidez, osorik kudeatu daiteke produktu industrialaren diseinuari eta fabrikazioari lotutako informazio osoa, baita hari lotutako prozesuak ere. “Normalean erakundearen barruan sakabanatuta egoten den ezagutza guztia lotzen du”, azaldu du Eduardo Egurenek, eta “helburua da informazio hori guztia eskuragarri egotea, eta horrek, gainera, erraztu egiten du produktuen eta enpresako prozesuen barne-berrikuntza”.
Aritu kooperatiba ingeniaritza mekanikoan eta neurrirako software-ingeniaritzan espezializatuta dago, eta, horri esker, sektorearen gaineko ezagutza prozesu industrialetan balia dezake. Haien PLM soluzioa Copreci taldean ezarri zen iaz. Copreci etxetresna elektrikoen osagaietan espezializatutako konpainia bat da, eta zazpi herrialdetan ditu instalazio industrialak. Gaur egun, hotzeko estanpazioan diharduen Ecenarro enpresan ere ezartzen ari dira.
Hurrengo asteetan, software libreko soluzioa zenbait topaketa espezializatutan erakutsiko du Arituk. Azaroaren 21ean eta 22an, teknologia irekien LibreCon biltzarrean parte hartuko du, eta azaroaren 26an, Basque Industry 4.0-ren 5. edizioan aurkeztuko du bere erreminta. SPRI Taldeak antolatu du jardunaldi hori, eta laugarren industria-iraultzan oinarritutako erreferentzia-ekitaldia bihurtu da; zenbait enpresa, kluster, zentro teknologiko eta unibertsitatek parte hartuko dute.
Lotutako albisteak
Wake Up! Albiste ekintzaile batzuk sarean 250309
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Momentum Gamesek joko arrakastatsuak sortzen laguntzen die markei
Gipuzkoako startupa proiektu bakoitzaren garapenaz eta administrazioaz arduratzen da, baita jokoen-analitikari buruz ere
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Euskadi herrialde teknologiko eta berritzaile gisa agertu da Mobile World Congress 2025ean
"Innovation Land" lelopean, 16 startup Up!Euskadi berrikuntza-plataforma ordezkari izango dira Euskadiko standean, Spri Taldearen eta Foru Aldundien laguntzarekin
Karelak berrikuntzaren aldeko apustua egiten du ontzigintza eta industria sektoreetan
Konpainiak ingeniaritza elektrikoko aholkularitza zerbitzu integrala eskaintzen du Euskadiko eta nazioarteko enpresentzat