Bagina eta alu errealaren lehen eredu anatomikoa, erabilera didaktikorako garatua: ALOOA
Juncal Alzugarayk, pelbis-zoruan eta sexologian espezializatutako fisioterapeuta bilbotarrak, ‘Alooa’ aurkeztu du, bagina eta aluaren lehen eredu anatomiko errealista, erabilera didaktiko eta argigarrirako garatua. Proiektu honen tutorea BIC BIZKAIA Ezkerraldea izan da.
Alooa berezko garapen berritzaile bat da, bulba eta bagina errealista bat irudikatzen duena (eredu anatomikoa), benetakoaren antzeko ukimena eta elastikotasuna dituena, eta ereduan egitura anatomiko guztiak irudikatuta dituena (kanpoko eta barruko ezpainak, klitoriaren kaputxoia eta glandea, uretra-zuloa, bagina-zuloa, bagina-kanala eta horren barruko egitura ukigarriak: uretra, maskuria eta umetokiaren lepoa).
Kalitate handiko silikonaz eta foamez egina dago, eta hiru modelo estandar ditu. Hainbat aukera kromatiko ditu, erabat pertsonalizatu daiteke eta bakarra da. Helburu didaktikoekin sortutako lehen eredua da, material berritzailea, irtenbide berriak eskaintzen dituena prestatzaile, paziente, mediku, emagin eta abarrentzat, hala anatomia modu grafiko eta ukigarrian azaltzeko, nola bistaratzeko tresna gisa, autoezagutzari begira.
Juncal Alzugaray sortzaileak nabarmendu duenez, “aurrerapen bat da eredu anatomiko genitalei dagokienez, estruktura anatomiko guztiak modu hiperrealista eta fidagarri batean irudikatzen dituen lehena baita, bai emakumeen kanpoko genitalak, bai barnekoak.”
Gordexolan aurkeztutako proiektu hau Eusko Jaurlaritzaren Ekintzaile programak finantzatu du, Grupo SPRIren bidez, Bizkaiko Foru Aldundiaren Enpresa Proiektuen Garapenerako laguntza jaso du, eta BIC Bizkaia Ezkerraldearen tutoretza izan du.
Proiektuaren sortzaile eta bultzatzailearekin batera, honako hauek izan ziren aurkezpen-ekitaldian: UPV/EHUko Medikuntza Fakultateko Anatomia irakasle Ana Bernal Chico, Femmeshaperseko Olatz Campos, Osakidetzako kirurgia-mediku Oihane Gutiérrez eta genero-ikasketetan aditu eta soziologo Lucía Nieto.
Lotutako albisteak
Krauserrek mekanizazioaren industriarako ebaketa-tresna pertsonalizatuak eskaintzen ditu
Konpainiak ebaketa baldintza egokietan eta modu berme batean egiteko teknologia garatu du.
Momentum Gamesek joko arrakastatsuak sortzen laguntzen die markei
Gipuzkoako startupa proiektu bakoitzaren garapenaz eta administrazioaz arduratzen da, baita jokoen-analitikari buruz ere
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Euskadi herrialde teknologiko eta berritzaile gisa agertu da Mobile World Congress 2025ean
"Innovation Land" lelopean, 16 startup Up!Euskadi berrikuntza-plataforma ordezkari izango dira Euskadiko standean, Spri Taldearen eta Foru Aldundien laguntzarekin
Karelak berrikuntzaren aldeko apustua egiten du ontzigintza eta industria sektoreetan
Konpainiak ingeniaritza elektrikoko aholkularitza zerbitzu integrala eskaintzen du Euskadiko eta nazioarteko enpresentzat