BBK network ekintzailetza sozialeko komunitateak 3.000 kide baino gehiago lortu ditu
Bizkaiko ekosistemako eragile, ekintzaile, enpresa eta erakundeen parte-hartzearekin, BBK network funtsezko puntu gisa berresten da lurraldean eragin positiboa sortzen duten proiektuak lankidetzan aritzeko, berritzeko eta bultzatzeko.
Plataforma digital baten bidez bbk.bizkaia.networken, kideek elkarrekin konekta daitezke, ideiak partekatu, baliabide baliotsuetara sartu eta euren ekimenak bultzatzen dituzten sinergiak sortu. Gainera, BBK networkek ekintzaileen, inbertitzaileen, erakundeen eta funtsezko beste eragile batzuen arteko lankidetza sustatzen duten jarduerak eta ekitaldiak antolatzen ditu: aukera paregabeak biltzen dituen inguru online eta dinamikoa.
2025eko programazioa: prestakuntza, networkinga eta inspirazioa
2025. urte honetarako, BBK network-ek programa aberats bat aurkezten du, bi bloke handitan banatua. Programa horren saioak Bilboko BBK Kunan egingo dira aurten ere:
- BBK network trainings: hileko lehen astearteetan egiten diren goizeko saioak dira, eta ekintzailetza arrakastatsua lortzeko funtsezkoak diren gaitasunak garatzea dute ardatz, hala nola produktibitatea, markaren posizionamendua edo komunikazio-trebetasunak.
- BBK network afterworks: topaketa erlaxatu eta dinamiko batzuk dira, hileko azken ostegunetan egin ohi direnak, ideien trukea, harreman-sareen sorrera eta giro informal eta lasaian lankidetza sustatzeko diseinatuak.
Saio horiek datorren ostegunean, urtarrilaren 23an, hasiko dira irekiera-ekitaldi batekin, pertsonak, proiektuak ezagutzeko eta barreak, esperientziak, garagardoak eta freskagarriak modu naturalean partekatzeko. Lehen seihilekoko saio guztietarako izen-emateak doan daude zabalik bbk.bizkaia.network webgunean, eta egutegi osoakontsulta daiteke.
BBKren konpromezuari eta Urbegi Social Impact-en laguntzari esker, BBK network-ek hazten jarraitzen du, eta Bizkaian desberdintasuna markatzen du, lankidetza, berrikuntza eta eraldaketa sozialerako kultura bultzatuz. Informazio gehiago: bbk.bizkaia.network
BBKri buruz
BBK Banku Fundazioa hasieratik Bizkaiko garapen ekonomikoarekin eta ongizatearekin konprometituta dagoen erakundea da, ondare- eta finantza-kudeaketa sendoari esker; kudeaketa horrek, gardentasunez eta zorroztasunez, gizarte-ekintza berritzaile eta irekia egitea eta etorkizunean bere iraunkortasuna bermatzea ahalbidetzen dio.
Bere jarduera funtsezko hiru adarretan oinarritzen da: Banku-negozioa, Euskadiko finantza-erakunde garrantzitsuena den Kutxabanken akziodun nagusia (% 57) izanik. Inbertsioa, Bizkaian eta Euskadin eragina duten enpresa-proiektu sendoak babestuz eta Bizkaiko lurraldera inbertsioak eta inbertitzaileak erakarriz. Eta gizarte-ekintza, ongizatea eta berdintasuna sustatzen dituen sarea bultzatuz, jendearen loraldia eta oparotasuna bultzatzeko, gizarte-balioa sortuz.
Urbegi Social Impact-eri buruz
Urbegi Social Impact aholkularitza espezializatua da korporazioei beren lehiakortasuna eta eragina hobetzeko konponbide disruptiboak aurkitzen eta integratzen laguntzen, erakunde eta lurraldeen garapen kultural, sozial eta ekonomikoan eragin positiboa duten ekosistemak eta komunitateak bultzatuz.
Lotutako albisteak
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Female Founders Day: Emakumeen talentua eta ekintzailetza sustatzeko ekitaldia Bilbon
Inbertsioan, teknologian eta ekintzailetzan adituak elkartuko dira: hitzaldi nagusiak, eztabaida mahaiak eta pitch lehiaketa.
Fisioterapiaren aro berria diseinatzea du helburu Fisifyk
Bilboko startup honen xedea da bere zerbitzu digitala fisioterapiaren etorkizuna izatea, etengabeko zerbitzu hibrido eta publiko guztientzat irisgarria eskainiz.
AcroBioPLASTek bioplastikoen aplikazioa hobetzen du gailu biomediko bihurtzeko
Proiektuak material biodegradagarriak eta birziklagarriak garatu nahi ditu, bioplastikoak dituzten mugei aurre egiteko
Euskadi Europako erreferente gisa finkatu da ekintzailetzarako
Euskadi berrikuntza maila handiagatik eta jasangarritasunarekin duen konpromisoagatik nabarmentzen da. Ekiteko baldintzetan Europako erreferente gisa finkatzen da, baina oraindik ere erronkak daude, batez ere hezkuntza ekintzailearen eta finantzaketa eskuratzeko ekitatearen arloan