BBSC Awards lehiaketak euskal startup berritzaileenentzako deialdia egin du
Sariketa hau garapenaren lehen fasean dauden proiektuei zuzentzen zaie.
Irailean egingo den Biscay Bay Startup Campus topaketak plazaratu du startup eta enpresa-ideia berriei zuzendutako BBSC Awards lehiaketaren 2019ko deialdia. Sari horiek 17.500 euroko zuzkidura dute eta laguntza ematen dute enpresa proiektua garatu edo emendatzeko. Hautagaitzak aurkezteko epea zabalik dago irailaren 5era arte.
Lehiaketa honen helburua da ideia berritzaileak dituzten ekintzaileei laguntzea eta, aldi berean, Bizkaiko startup-en ekosistema bultzatzea. Horregatik, BBSC Awards sariketan 10.000, 5.000 eta 2.500 euroko hiru sari banatuko zaizkie potentzial handiena duten enpresa-proposamenei. Gainera, hiru talde irabazleei adituen aholkularitza eta bulego bat eskainiko zaizkie urtebetez beren proiektuak azeleratzeko.
Sari-banaketa Biscay Bay Startup Campus topaketan egingo da, irailaren 19 eta 20an Bilbon. Aurten bigarrenez egingo diren jardunaldi horiek UPV/EHUk antolatzen ditu Happence startup-aren eta Bilbao Valley elkartearen laguntzarekin, eta helburutzat dute topagune bat sortzea ekintzaile, startup, haztegi eta enpresentzat, ezagutzak truka ditzaten eta lankidetzarako aukera berriak sor ditzaten.
BBSC Awards sariketan parte hartu nahi duten startup-ek edo ekintzaile-taldeek ekitaldiaren webgunean eman behar dute izena. Inskribatzen diren proiektu guztien artetik 12 finalista aukeratuko dira, zeintzuek beren negozio-ideiak aurkeztu ahal izango baitituzte BBSC ekitaldian, adituz eta balizko inbertitzailez osatutako epaimahai baten aurrean. Epaile horiek hiru proposamen onenak aukeratuko dituzte eta sariak irailaren 20an banatuko dira Bilboko Iberdrola dorrean egingo den ekitaldi batean. Lehiaketaren oinarriek dioten bezala, epaimahaiak kontuan hartuko du proiektuak berekin dakarren lehiakortasun-abantaila, konponduko duen arazoa, berrikuntza-maila, eskalagarritasuna eta ideia sustatu duen lantaldea.
BBSC Awards sariketaren lehen edizioa 2018an egin zen. Iaz Stoor enpresak irabazi zuen lehen saria (arkitektura arloko profesionalak eraikitzaile eta sustatzaileekin konektatzen dituen marketplace bat), DifferEngin startup-a bigarren postuan gelditu zen (4.0 Industriarako IoT komunikazio-sistemak garatzen dituena) eta hirugarren saria Marshall Handplanes enpresa gaztearentzat izan zen (0 km-ko Body surf taula sostengarriak fabrikatzen dituena).
Lotutako albisteak
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza