BerriUp-ek bere VI. urteurrena ospatuko du, startupetan 11 milioi euro baino gehiago inbertiturik dituela
Duela sei urte hainbat inbertsioren bidez sortu zenetik, BerriUpek 11.228.000€ inbertitu ditu 50 startupetan. Inbertsio gehienak Easo Ventures S.C.R. fondoaren bidez egin dira.
50 startup hauetatik, erdiak BerriUpek eskaintzen duen azelerazio programa pertsonalizatua osatu du; eta azeleratutako 25 startupetatik 17k hazkuntza prozesuan jarraitzen dute gaur egun. Gainera, aktibo dauden startupetatik 7k euren kapitala handitu dute 1.874.000 eurotan.
BerriUpen zuzendaria den Patricia Casadoren arabera, zifra esanguratsuak dira sektorearen barruan: “Oso harro gaude 6 urte hauetan eginiko ibilbideaz. Datu hauek herrialdeko azeleratzaile aurreratu nagusia garela berresten dute, FUNCAS-en azken txostenaren arabera. Gure erronka hobetzen jarraitzea eta ekintzaileei ESG irizpideekin bat datozen euren proiektu berritzaileetan laguntzea da”.
2030 Agendan markatutako Garapen Sostengarrirako Helburuetara egokitutako proiektuetan ere aitzindari dugu euskal enpresa azeleratzaile hau. Startupek euren proiektuetan ESG irizpideetatik zeintzuk barneratzen dituzten, zein den haien konpromezua eta giroari zein ekarpen egiten dioten ezagutzeko helburua du. “Startup batean inbertitzerakoan guretzat garrantzia handia duten arloak dira” gehitu du Azeleratzailearen zuzendariak.
Vifit Training, Dynamics eta Dantz Home, XIII. deialdiko hiru irabazleak, azelerazio programan hasiko dira orain BerriUpek Donostiako Zuatzu parkean duen egoitzan. Langune egokia izango dute, giro dinamiko eta berritzailearekin harremanetan. Ekintzaileek euren helburuetara egokitutako aholkularitza pertsonalizatua jasoko dute eta 40 profesional baino gehiago dituen sare batean ere euskarria jasoko dute. Honez gain, tutore lana egingo dien pertsona bat izango dute ahalik eta hobekien egokitzeko.
Lotutako albisteak
Industria Erronka-k 700 ikasle baino gehiagok industria-enpresa bat izatea simulatzea ahalbidetzen du
Industria Erronka Bizkaiko Foru Aldundiaren eta Eusko Jaurlaritzaren laguntzari esker posible da, SPRI - Euskal Enpresen Garapenerako Agentziaren bidez
Eusko Jaurlaritzak Gauzatu Industria programa aktibatu du 28 milioi eurorekin
Oinarri teknologiko eta berritzailea duten enpresa txiki eta ertainen sorrera eta garapena bultzatzeko
Optidel Biosystems-ek arrisku-kapitaleko inbertitzaileen babesa jaso du
Optidel Biosystems startupek kosmetika sektorean osagai aurreratuak eta konponbide pertsonalizatuak garatzeko muga berriak irekiko ditu
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Industria Defendatzeko Taldeak Euskadiko industriari laguntzeko lehen neurria onartu du
Industria Defendatzeko Taldeak lehen laguntza-programa bat aurkeztu du, “Emisio gutxiagoko ibilgailuak” erosteko, Euskadin errepideko garraioaren deskarbonizazio adimendunean aurrera egiteko eta, aldi berean, euskal industriarako funtsezkoa den sektore bati, automobilgintzari, laguntzeko