Biribil Ecolabek erabilitako materialei bigarren bizitza bat ematen laguntzen du
Biribil Ecolab empresak aholkularitza-zerbitzuak eskaintzen ditu ekonomia zirkularrean eta produktuaren ekodiseinuan; zirkulartasun-diagnostikoak egiten ditu, eta ekonomia zirkularreko eta produktuen ekodiseinuko estrategiak garatzen ditu hainbat industria-sektorerentzat, bezeroei ekoberrikuntzaren bidez lehiakorragoak izaten laguntzeko, haien jardueren ingurumen-inpaktua murrizteko helburuarekin.
Herritar gisa, Carlos San José eta Iván González, proiektuaren bi bazkide sustatzaileak, “ingurumenarekin kontzientziatuta” egon dira beti, eta ekimen honen bitartez, “bizi dugun trantsizio ekologikoan modu aktiboan parte hartu nahi izan dugu”. Gainera, hainbat sektoretarako produktuak diseinatzen ibilbide luzea egin ondoren, biek identifikatu zuten enpresek ekodiseinuko zerbitzuen eskariaren gehitzea. Hori, neurri batean, erabiltzaileen eta bezeroen ingurumen-kontzientziazioak eta ingurumen-arloko legediaren gorakadak bultzatu zuen, eta 2021ean proiektuari ekiteko aukera gisa aurkeztu zen.
Biribil Ecolaben zerbitzu-eskaintza ekonomia zirkularreko estrategien ingurukoa da. Honako hauek nabarmentzen dira, adibidez: zirkulartasun-diagnostikoa; produktuaren ekodiseinua; inpaktu txikiko material berrien garapena, hondakinen balorizaziotik abiatuta; produktu-soluzioen baliozkotzea prototipoaren bidez eta ingurumen-arloko prestakuntza. Era berean, parte hartzen duen proiektu askotan, bezeroei ingurumen-ziurtagiriak lortzen laguntzen die, haien jardueren ingurumen-inpaktuaren ebaluaziotik eta hura murrizteko hobekuntzen inplementaziotik abiatuta.
Orain arte, bezero nazionalekin lan egin du, batez ere Euskal Autonomia Erkidegokoekin eta inguruko erkidegoekin. Gehienak ETEak dira, baina enpresa handiekin ere lan egin du. Biribil Ecolab ere harremanetan dago tokiko erakundeekin eta garapen-agentziekin.
Enpresak bere proiektu garrantzitsuenen artean nabarmentzen ditu “produktu berrietan lehengai berri gisa erabiltzeko hondakin bat balorizatzeko erronkatik sortzen direnak, upcycling bezala ezagutzen den praktika”. Ildo horretan, hainbat zatikitako hiri-hondakinekin eta hainbat sektoretako industria-hondakinekin lan egin du, altzairua, zura, plastikoa eta organikoak, besteak beste. Azken horiek berrikuntza-ikuspegi sendoa dute, inpaktu txikiko biomaterialen formulazioetan txertatzen baitira.
Enpresa gipuzkoarrak, gainera, Gipuzkoako Foru Aldundiaren eta SPRIren Ekintzaile-Txekintek programan parte hartu du. Erakunde publikoek Biribil Ecolabi lagundu diote bere negozio-eredua abian jartzen eta garatzen. Era berean, ikerketa- eta garapen-proiektu batzuk egin ditu eta horietan murgilduta dago hainbat entitate eta erakunderekin.
Etorkizunari begira, maketak eta prototipoak egiteko hainbat ekipo baditu ere, espazio hori zabaldu nahi du, eta teknologia berriak izan nahi ditu, moldakorragoak izateko eta bezeroentzat serie laburrak egiteko. Aukera horiekin, bere jarduera handitzea aurreikusten du.
SPRI Taldeak laguntza integralaren bidez berrikuntza, ekintzailetza eta barne-ekintzailetza laguntzen ditu, ideiak merkatura modu arrakastatsuan irits daitezen. Aurrera, Basque Fondo, Bind 4.0, Ekintzaile edo Barnekintzailetza ekintzailetzarako laguntza-programen bidez egiten du hori.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Lotutako albisteak
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Tecoplasek plastiko teknikoen eraldaketan erreferentzia gisa sendotzea du helburu
Bizkaiko enpresak industria-sektorerako eta uren tratamenduko sektorerako lantzen du material hori, eta akuikultura- edo elikagaigintza-sektoreetan duen posizioa handitzea esploratzen ari da.
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.
Siteco, 30 urte automatikoki ordaintzeko makinak ekoizten
Arabako enpresak administrazio publikoarekin eta ostalaritza sektorearekin egiten du lan, eta urteak daramatza nazioarteko merkatuan.
Akting, gizarteari balioa emateko teknologia
Gipuzkoako enpresak euskarri desberdinetarako aplikazioak garatzen ditu eta digitalizazioaren, datuen analisiaren eta prozesuen optimizazioaren aldeko apustua egiten du.