Bizkaia eskutik: 14 proiektu gauzatu dira
Bizkaia eskutik programaren 4. eta azken jardunaldia burutu zen maiatzaren 17an Beazen. Bizkaiko artisauen eta diseinugileen artean lankidetza bultzatzeko Bizkaiko Foru Aldundiak eta Beazek sustatzen duten ekimena da eta 14 proiektu gauzatu dira.
Azken asteotan elkarrekin lanean aritu dira artisau eta diseinugileek osatutako 14 lantaldeak eta, ideia eta zirriborroak landu eta gero, produktu konkretuak lortu dituzte.
Saioari ekiteko, programatutako hitzaldian Aparentment diseinu grafiko bulegoko Josep Vila diseinugilea merkaturatzeaz eta argitaratzaile txikiez mintzatu zen. Besteak beste, azpimarratu zuen proiektu bati ekiten zaion unetik aintzat hartu behar direla merkataritza-eskakizunak eta oso garrantzitsua dela egokiro ezartzea banaketa-kanal guztietan merkataritza-marjinak. “Produktu lehiakorra eduki behar dugu, besteetatik bereizten dena.”
Hitzaldi eta eztabaidaren ostean produktuak aurkezteko unea heldu zen. Bikote edo lantalde bakoitzak 10 minututan berea aurkeztu zuen denen aurrean, jarraitu den prozesua eta ezaugarri nagusiak azalduz. 14 produktuen artean hainbat objektu-mota daude: “Balea” burdinazko gakoak, usain-kontrastea daukaten xaboiak, gaztainazalez ehundutako zorroa, cry &dry zapi-sorta, beirazko idunekoak, euskal gazta-ontzietan oinarritutako “Zumitz” ontzi-oinak, “Anitz” zeramikazko botila-hozkailua, “Azala” muntatzeko larruzko animalien piezak, “Bermeo” larruzko poltsa, “Uztaia” lizarrezko erretiluak, zeramikazko gazta-ontziak, ardi-larruz egindako poltsak, zilarrezko harribitxiak…
Orain azken ukituak eman behar dira eta burutu den prozesu guztia bildu eta dokumentatu behar da, lankidetza aberasgarri honetatik atera diren produktuak Beazen antolatuko den eta, geroago, azaroan Dweek-en barruan ere egongo den erakusketa osatzeko.
Lotutako albisteak
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza