BOXSR: Idoya, Asier eta German zu zaintzera etorri gara!
‘BOXsr’ sortu berri da, gizonen garbitasunerako marka digitala. Haren helburua gizonen itxura zaintzea da, gizonen garbitasun ezarekiko usteari erantzun nahian. Demium-en burututako proiektua da, Ydoya García, Asier Gila eta Germán Zubiaurrek humorea baliatuz sortua, zeure itxura eta osasuna zainduz gozatzeko esperientzia eskaintzen duen kalitate handiko produktua.
“Zeure itxura onaz harro senti zaitez, eta gustuko ez zaituenak, begira ez zaitzala!”
Batzuek kolokan jartzen duten gizonen garbitasuna zaintzeko helburuz zatozte…
Helburua baino are gehiago, gure egitekoa da! Honetarako, kalitate ezin hobeko produktuez eta humore pitin batez baliatzen gara.
Betidanik, gizonoi geure burua zaintzea eta itxura ona izatea gustatzen zaigu, eta kontrakoa diona gezurretan ari da! (barreak).
Gizonaren garbitasuna gizontasunarekin bateraezina delako ideia atzerakoia iruditzen zaigu. XXI. mendean bizirik, teknologia-aurrerapenei esker gaur egun errazago eta eraginkorrago da norbere burua zaintzea.
Horrexegatik gaude hemen.
Ez omen da erraza bezeroak bere itxura eta osasuna zaintzeko esperientzia eskaintzea!
Norbere garbitasunerako eta osasunerako merkatua oso lehiakorra da.
Hala eta guztiz ere, oso eskaintza gutxi dago gizonentzat, markarik gehienak emakumeei zuzenduta baitaude.
Gizonok produktu ulerterraz eta aplikatzen errazak bilatzen ditugu, epe laburrera eraginkorrak direnak. Gutaz kezkatzen den marka baten bila gabiltza, ulertzen gaituen marka bat…
Horixe da BOXSR, gizonentzako berariazko marka, norbere buruaren zaintzerako esperientzia.
‘BOXSR’ marka digital gisa sortu zen: Digitally Native Vertical Brand’, startupen hizkeran.
Halaxe da! Online bidez saltzen dugu guztia boxsr.es webgunetik eta gure marketing gehiena digitala da. Erosteko modu hau erosoagoa da bezeroarentzat, sagua bi bider sakatu eta nahinora igor diezazukegu.
Hala ere, merkataritza-zentroetan pop up-ak (epe baterako dendak) zabaltzean pentsatzen ari gara. Bezeroek produktua frogatzea eta gu ezagutzea garrantzitsua da.
Webgunearen itxura dibertigarria eta oso atzerakoia da…
Oso ondo pasatu dugu webgunea diseinatzen eta, gure ustez, gure markari hori berori dario. Bezeroek webgunearen akatsak humore onez hartzea nahi dugu.
Norbere garbitasunaren esparruan tonu serioegia erabiltzeko joera dago; aldiz, gu hurkoagoak eta isekariak gara. Hala, produktu ona saltzea humorez ezagutaraztearekin erabat bateragarri dela argi dugu.
Proiektua Demium-en garatu duzue ekintzaileen bideari jarraituz.
Egia esan, bete-betean eman dugu, hasiera-hasieratik lagundu baitigute.
Taldea osatzen lagundu ziguten, lanerako gunea, formakuntza, lanabesak eta abar eskaini dizkigute… eta lanerako giro oso ona sortu dugu. Euren proiektua aurrera eramateko guk beste ilusio duten ekintzaileez inguratzeak asko laguntzen digu.
Aurpegia zaintzen dugu BOXSRren bidez, baina dagoeneko ilea, sexua eta kirolari loturiko gizonen beharrei erantzuteko lanean zabiltzate.
Gizonen arazoei erabateko konponbidea eman nahi diegu. Gure bezero potentzialei galdetzen diegu eta garbitasunerako bilduma bat hasi dugu euren eskaerari zor; eta, egiazki, harrera ona du gure bilduma honek.
Gizonen ardurako arazoen artean ilearen galera eta sexuaren eta kirolaren esparruan etekina izatea dira; hortaz, horretan lan egiten ari gara.
Gure helburua komunitatea sortzea da, bezeroei entzutea eta haiexek izatea geure produktuak diseinatzeko laguntza.
Zu zaintzera etorri gara!
Informazio gehiagorako: www.boxsr.es
Lotutako albisteak
Surphasek merkatuan parekorik ez duen teknologia garatzen du eta gatzgabetzeko planten eraginkortasuna handitzea lortzen du
Donostiako ETEak, Europako Batzordearen 2,5 milioiko dirulaguntza lortuta, iragazkien egoera aurreikusten du denbora errealean; hala, geldialdi teknikoen % 60 murrizten du
Kimaiwi: “Gure proposamen teknologikoa balioztatzean eta nazioarteko turismo-industriaren aurrean proiektatzean zentratu gara”
Startup arabarrak online irtenbideak garatzen ditu turismo-sektorearentzat, eta hazkunde eta babes handia izan du bere bederatzi hilabeteko bizitzan.
NAW: “Gure abantaila lehiakorra 10 urte bitarteko kirol-oinetako minimalista eskaintzea da”
Silvia Echeverríak, NAWren sortzaileak, oinetako minimalistak postura-osasunean eta garapen biomekanikoan haurtzarotik helduarora arte nola eragin dezakeen azaltzen du.
Isabel Urbano: “Novia Salcedo Fundazioarekin praktiketan dauden gazteen %60k kontratu bat lortzen dute”
Novia Salcedo Fundazioak 45 urte inguru eman ditu ikasketa-ingurunetik lan-mundurako trantsizioa errazten, prestakuntza praktiko ez-laboraleko programen bidez.
AIDTEC Solutions :“Ekintzaileak zaindu egin behar ditugu”
Nekazaritza jasangarriagoa lortzeko soluzioetan espezializatutako startuparen sortzaileetako bat da Izaskun Oribe
Elkarrizketa ‘glo910’-eko Ixone Elosegui eta Miren García-Chazarrari
"glo, logoan ikusten den bezala, 910 bezala ere irakur daiteke, 10 emakumetik 9k zelulitisa duelako, eta hortik dator markaren izena eta gure lehen gailua, glo910"
Zure negozioaren webguneak Interneten arrakasta izateko behar duen guztia eskaintzen dizu UrBerrik
Enpresa gazteiztarrak web diseinua, konponketa, mantentze zerbitzuak eta SEO posizionamendua eskaintzen ditu
Runneak bere 10. urteurrena ospatuko du eta Awin Power 100ean aitortua izan da
Elkarrizketa honetan, Jorgek enpresaren mugarririk garrantzitsuenez, aurrez aurre dauden erronkez eta bere hedapena gidatu duten estrategiez hitz egin digu.
Vrainhax: “Min iraunkorra duten pazienteak tratatzen ditugu, haien bizi-kalitatea errealitate birtualaren bidez hobetzeko”
Bizkaiko startupak fisioterapia-klinikekin eta neuroerrehabilitazio-zentroekin aritzen da lanean, eta hainbat patologiarako aplikazioak garatzen ditu.
Paturpat: “Produktu naturala egiten dugu, patatarekin errezetak egitean denbora eta kostuak murriztea lortzen duena”
Enpresa arabarra hirugarren fabrikazio-lerro bat instalatzen ari da, etorkizuneko produktu-eskaerei aurre egiteko, eta ekonomia zirkularreko proiektu europar batean parte hartzen ari da.