‘Business Talents’: lau euskal unibertsitate-ikaslek enpresa-simulazioko programaren lehenbiziko edizioan lehiatuko dute
EHUko lau ikaslek izena eman dute enpresa-simulazioko ‘Business Talents’ ikasketa-programaren lehenengo edizioan partehartzeko. Programa honen helburua ekintzailetzaren kultura unibertsitateetako gazteen artean zabaltzea da.
Herbalife Nutrition eta Prexis HTML-k antolatutako txapelketa hau Business Game formatuan garatuko da. Estatuko 47 unibertsitateko 564 ikaslek osatutako taldeetan lehiatuko dira. Enpresen kudeaketarako simulatzaileen laguntzaz, norbere enpresa birtuala zuzendu beharko dute.
Formakuntza-programa honen helburua ikasleen curriculuma osatzea, etorkizunera begira orientatzea eta lan-merkatura sartzeko aukera gehiago eskaintzea da. Ikasle bakoitzak ekonomiaren benetako esperientzia bat bizitzeko aukera izango du, unibertsitateek dohainik eskainitako simulatzaile birtualei esker. Simulatzaileok berri-berriak dira, Praxis MMT-k garatuak eta bakoitzak 3000 euro baino gehiagoko kostua du.
Business Talents-en zuzendaria den Mario Martinezek dionez, unibertsitate-ikasleek txapelketaren bidez “enpresen kudeaketa lehenengo pertsonan biziko dute, zuzendaritza eta ekintzailetzarako gaitasunak lortuz, etorkizuneko lanera begira orientabide izango direnak”. Zentroek “praktika euren ikasketa akademikoetan sartzeko modu jostagarria izango dute, ikasketa teorikoaren ohiko ikasbideekin batera”.
Yolanda Abad, Herbalife Nutrition-eko marketing manager denak, partehartzaile guztiek lan giroan enpresa-ikuspegia garatzen dutela dio. “Oso interesgarria da ikasleen bereizgarri izango den abantailarako lanabesak lortzen laguntzea”.
Norbere enpresa-talentua erakutsi beharko dute datozen hilabeteetan. Online bidezko kanporaketak dituen faseetan antolatuta dago programa. Erabakirik onenak hartu behar izango dituzte euren konpainia aurrera eramateko, etekinik handiena lortzeko eta “merkatuko konpainiarik oparoena bilakatzeko”.
SARIAK
75 talderik onenak finalera iritsiko dira; bertan, Estatuko enpresari birtualik onenekin lehiatuko dira eta 7.5000 euro baino gehiago banatuko dira sarietan.
Arduradunek ohartu bezala, enpresa-simulazioko txapelketak “ibilbide luzea du ikastetxe eta institutuetako gazteentzako bertsioan”. Duela hamar urtetik Young Business Talents ospatzen da ikasketa-zentroetan. 1.451 ikasketa-zentrotako 68.000 ikaslek baino gehiagok parte hartu dute.
info+: www.businesstalents.com
Lotutako albisteak
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza