CIDEcellek bezeoaren eskarira fabrikatzen ditu bateriak

Europan dagoen baterien eskaera gero eta handiagoaz jabetuta, Cidetec enpresa gipuzkoarrak CIDEcell spin-off sortu zuen 2023an, bere baterien ekoizpena materialen fabrikatzaileei, teknologoei eta baterien fabrikatzaileei bideratzeko. Bere teknologiari esker, ekoizpen arinak sor ditzake materialen teknologia berriak baliozkotzeko eta nitxo aplikazio espezifikoetarako produktu finala sortzeko.

“Gure portafolio teknologiko zabalak bateria aurreratuak ditu. Era berean, ingurumen-inpaktu txikiko elektrodoak egiteko aukera eskaintzen dugu, konposatu organikorik gabeko ur-oinarriko prozesuen bidez“, azaldu dute proiektuaren sustatzaileek.

Enpresak elektrodo eta gelaxka pertsonalizatuak egiten ditu enpresa bakoitzaren beharretara egokituak, zerbitzu “dinamiko eta malgua” eskainiz. Bere katalogo teknologikoan litio ioizko bateria aurreratuak, elektrolito solidoa, litio sufrea eta ultrakondentsadoreak nabarmentzen dira. “Europako baterietako I+G zentro nagusietako baten babesa dugu, Cidetecena, hain zuzen ere, eta horri esker, hainbat merkatu-nitxori zuzendutako zerbitzua eskaintzen dugu“, nabarmentezn dute enpresatik.

Spin-off honen teknologia berritzaileak hainbat aplikazio ditu, hala nola espazio arloan, defentsa militarra, osasun-produktuak, ibilgailu elektrikoak, energia berriztagarriak eta dronak, besteak beste. “Bezeroaren baldintzen araberako elektrodoak eman ditzakegu, edo azken erabilera desberdinetarako irtenbide pertsonalizatuak garatu“, diote.

Bere produktuak material berritzaileak erabiltzeagatik nabarmentzen dira, nikel eta kobalto eduki handiko silizio anodoak edo katodo libreak barne. Konpainiaren aurreikuspenen arabera, bere ekoizpena 10 MWh/urtera iritsiko da, eta 1-100 Ah-ko gelaxka ahalmena izango du. “Hasiera batean, gelaxkak tamainu desberdinetako ‘pouch’ formatuan eta bezeroaren neurrira ekoiztuko dira“.

Lotutako albisteak

30 ekaina, 2024 Ekintzailetza

Libertad Avenue, hiri-txirrindularientzako moda jasangarria

Irakurri gehiago

28 ekaina, 2024 Ekintzailetza

VS Decok zure etxebizitza diseinu fotorrealista batean bihurtzen du

Irakurri gehiago

28 ekaina, 2024 Ekintzailetza

Wake Up! Albiste ekintzaile batzuk sarean

Irakurri gehiago

26 ekaina, 2024 Ekintzailetza

Mondragon Unibertsitateak proiektu teknologiko jasangarriak sustatuko ditu beka bitartez

Irakurri gehiago

25 ekaina, 2024 Ekintzailetza

INDUS3D, Fabrikazio gehigarri integrala, Prototipaziotik Serieko ekoizpeneraino

Irakurri gehiago

Joan blog-era