Corowai enpresa arabarra Green Product Award 2021 sarietako finalista da DIY etxolari esker
Corowai enpresa arabarra, zuhaitzetan jartzeko “Do it yourself” etxolak diseinatzen eta fabrikatzen dituena, Green Product Award sarien finalista da, zehazki, “Arkitektura eta etxe txikiak” kategorian. Munduko sari garrantzitsuenetako batzuk dira. 51 herrialdetako ehunka proiektuk parte hartzen dute bertan.
Martxoan aukeratuko dituzte irabazleak, herri-bozketa baten bidez eta herrialde askotatik etorritako diseinu eta arkitektura arloko adituen balorazioaren bidez. Esteka honen bidez eman dezakezu Arabako enpresaren aldeko zure bozka 2021eko urtarrilaren 31ra arte: https://www.gp-award.com/es/produkte/diy-tree-house
Jorge Fernández de Mendiola ekintzaile arabarrak sortu zuen Corowai proiektua, beste bi bazkideren laguntzarekin. Zuhaitzen gainean jartzeko etxolak diseinatzen eta fabrikatzen dituzte, jarraibideen laguntzarekin bezeroek ordu gutxitan muntatu ditzaten. Etxolak ia edozein zuhaitzetan jar daitezke eta 5 metro koadro inguruko azalera dute. Eskailera, sartzeko ataxka, teilatua eta leihoak dituzte. EBren adostasun-adierazpena dute, eta % 100 ziurtatuta daude. Corowai etxolak KIT formatuan saltzen dira eta material jasangarriekin fabrikatzen dira.
Enpresaren sortzaileek zuhaitzei eta naturari dioten maitasunean oinarritzen da Corowaien filosofia. Guztien eskura dauden etxola hauen bidez, bezeroei aukera ematen diete naturaz beste modu batera eta errespetuz disfrutatzeko. Corowai etxolak partikularrentzat nahiz bezeroei esperientzia berezia eskaini nahi dieten kanpinentzat pentsatuta daude, bai eta abentura-parkeentzat, naturguneentzat edo nekazaritza-turismoentzat ere, besteak beste.
Bere kategorian, beste bost proiekturekin lehiatuko da, hala nola eraikuntza iragankorrak, etxe ibiltariak edo ikasleentzako pop-up logelak, guztiak ere ikuspegi jasangarri baten arabera diseinatuak.
2019an, enpresak bi sari jaso zituen Araba Ekinean ekimenaren “zure ideiak balio du” lehiaketan: proiekturik jasangarrienaren saria eta publikoaren sari berezia. Gainera, SPRIren ekintzaile-programaren laguntza jaso du, BIC Arabaren babespean, bere osagai berritzaileari esker.
info+: www.corowai.es
Lotutako albisteak
Industria Erronka-k 700 ikasle baino gehiagok industria-enpresa bat izatea simulatzea ahalbidetzen du
Industria Erronka Bizkaiko Foru Aldundiaren eta Eusko Jaurlaritzaren laguntzari esker posible da, SPRI - Euskal Enpresen Garapenerako Agentziaren bidez
Eusko Jaurlaritzak Gauzatu Industria programa aktibatu du 28 milioi eurorekin
Oinarri teknologiko eta berritzailea duten enpresa txiki eta ertainen sorrera eta garapena bultzatzeko
Optidel Biosystems-ek arrisku-kapitaleko inbertitzaileen babesa jaso du
Optidel Biosystems startupek kosmetika sektorean osagai aurreratuak eta konponbide pertsonalizatuak garatzeko muga berriak irekiko ditu
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Industria Defendatzeko Taldeak Euskadiko industriari laguntzeko lehen neurria onartu du
Industria Defendatzeko Taldeak lehen laguntza-programa bat aurkeztu du, “Emisio gutxiagoko ibilgailuak” erosteko, Euskadin errepideko garraioaren deskarbonizazio adimendunean aurrera egiteko eta, aldi berean, euskal industriarako funtsezkoa den sektore bati, automobilgintzari, laguntzeko