Crecer+ XXV Inbertsio Foroa

CEBEK-Bizkaiko Enpresarien Konfederazioaren laguntzaz, inbertsiogileen eta ekintzaileen interesak batzen dituen Orkestraren plataformak foroaren beste edizio bat antolatu du. Hitzordua datorren martxoaren 7an izango da, 17:00etan CEBEKen instalazioetan (Kale Nagusia 50, 5. solairua, Bilbo).

Jardunaldian parte hartuko dute Francisco Azpiazu CEBEKeko idazkari nagusiak, CEBEKemprende ekimena aurkezteko, eta Mari Jose Aranguren Orkestrako zuzendari nagusiak.

Ekitaldian izango da, halaber, Aitor Urzelai, Eusko Jaurlaritzako Ekonomiaren Garapen eta Azpiegitura Sailean, Ekintzailetza, Berrikuntza eta Informazioaren Gizarteko zuzendaria. Enpresa txiki eta ertainentzat networkingerako proposamen berri bat aurkeztuko du, BIND 4.0 programan parte hartzen duten startupekin, “Open Session” formatuan.

Guztira bost proiektu aurkeztuko dira Crecer+ foroaren edizio honetan:

– 1. proiektua: Plataforma teknologiko batez baliatuz, sistema honek aukera ematen du kirolari bakoitza bere errendimenduan eragina duten arlo guztietan ebaluatzeko eta hura hobetzeko emaitzak lortzeko.

– 2. proiektua: Erreformen managed marketplace. Zure proiekturako erreforma enpresa onenak zein diren dakien aholkulari batek lanetan gidatuko zaitu, kontratu gaiez arduratuko da eta edozein ezustekoren aurrean erantzungo du.

– 3. proiektua: Posta elektronikoko komunikazioak modu argian eta interpretazio okerrik gabe babesten dituen sistema. Komunikazio mota guztietarako erabil daiteke, bai bidalketa automatikoetarako (machine to human) eta bai pertsonen arteko komunikazioetarako (human to human).

– 4. proiektua: Errealitate birtualeko plataforma/aplikazioa, adineko pertsonentzat entretenimenduko eta estimulazio kognitiboko murgiltze esperientziak eskaintzen dituenak.

– 5. proiektua: Futbol amateurrerako marketplacea, jokalariek kirolean eta lanean aurrera egiten laguntzen duena, nazioarteko taldeetan eta enpresetan.

https://www.orkestra.deusto.es/eu/izen-ematea-crecer-inbertsio-foroa