Easo Venturesek 26 proiektu berritzailetan inbertitutako ia 7 milioi eurorekin itxi du 2019a
Donostiako Venture Capital sozietateak 99 inbertitzaile ditu, batez ere Euskal Autonomia Erkidegokoak, eta 18.410.000 euroko inbertsio-funtsa.
Easo Ventures, enpresa berritzaileen sortzea eta garapena sustatzen duen euskal arrisku-kapitaleko sozietate pribatua, 6.920.741 euroko balioa duten 26 inbertsio itxi ditu 2019 urtean. Gaur egun, beste 3 inbertsio ditu negoziazio-fasean, 600.000 €-ko bolumen konprometituta dutenak.
Sektoreei dagokienez,industria-eremua da bereziki nabarmentzen dena, inbertitutako proiektu guztien % 35arekin, ondoren, software teknologikoaren sektorea (% 23a) doa, gailu mugikorretarako aplikazioak (15%a) eta BioTech sektorea, osasunari aplikatuta (% 15a).
Geografikoki, inbertsio gehienak (%62a) Euskal Herriko proiektuetan egin dira. Horietatik 13 Gipuzkoan daude (% 81a) eta 3 Bizkaian (% 19a). Madrilen (%12a) eta Katalunian (%12) inbertitutako proiektuek ere presentzia handia dute. Nafarroa, Galizia eta Kantabria dira zerrenda ixten duten beste autonomia erkidegoak.
“Bi urteko bizitzarekin, Easo Ventures mapan leku nabarmen batean kokatzea lortu dugu. Bai ekintzaileentzat, haien proiektua bultzatzen laguntzen diegulako, prozesuan aholkularitza emanez; bai inbertitzaileentzat ere, inbertitzeko aukera onenak eskuratzeko atea ikusten baitute gugan”, azaldu du Pedro Muñoz-Barojak, Easo Venturesen Managing Partnerra.
2018an sortuta, Easo Venturesek 99 inbertitzaile eta 18.410.000 euroko inbertsio-funtsa ditu. Inbertitzaileak, batez ere, Euskal Herriko enpresak, enpresariak eta zuzendariak dira, Easo Venturesen lurraldeko enpresa berritzaileen garapenean eta hazkundean inbertitzeko eta laguntzeko bitarteko bat ikusi dutenak.
“Gure helburua gure profesional guztien expertise-a ekartzen jarraitzea da, enpresa berritzaileen sorrera sustatzeko, eta, aldi berean, lurraldean inbertitzeko kultura baten garapena lideratzeko, etorkizuneko aberastasuna eta gizarte-ongizatea sortuko duten enpresa-proiektu berrien sorrera, atzematea eta hazkundea aktibatuko duena “, gehitu du Muñoz-Barojak.
info+: www.easoventures.com
Lotutako albisteak
Wake Up! Resumen de noticias emprendedoras en la Red
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Martxoaren 13an: ‘Venture on the Road’ ekimenak proiektu teknologiko berritzaileak sustatuko ditu Bilbon
Potentziala duen IKT proiektu bat duzu eta sektoreko jendearekin konektatu nahi duzu? Ez galdu aukera hau.
Mikel Jauregi: “Eusko Jaurlaritzari dagokiola Euskadiko enpresei segurtasuna eta ziurtasuna eskaintzea”
Sailburuak "enplegua eta aberastasuna sortzeko Euskadiko enpresek egiten duten lana" balioan jarri du, enpresari eta ekintzaileen figurari prestigioa emateko beharra aldarrikatuz
INNKIA startup jaio da, enpresen behar zehatzetarako Adimen Artifizala
LABORAL Kutxaren eta IKERLANen eskutik sortu da startup kooperatibo aitzindaria, MONDRAGONen eta Eusko Jaurlaritzaren laguntzarekin.
ELIKA Fundazioak “Recircular alimentación” aurkeztu du, elikagai-soberakinak errebalorizatzen lagunduko duen tresna digitala
Elika Fundazioaren eta Recircular startup-aren arteko lankidetzaren emaitza da, zeinak elikagai-soberakinak ekonomikoki balorizatzea duen xede.