Eibarko Udalak eta BIC Gipuzkoak jardunaldi bat antolatu dute datorren abenduaren 4an: “Futbolaren berrikuntza: Etorkizunera begira”
Eibarko Udalak eta BIC Gipuzkoak, Eibar Kirol Elkartearekin eta Sportek HUBekin elkarlanean, futbolaren ekosistemari zuzendutako topaketa bat antolatu dute abenduaren 4rako. Enpresek, startupek, ekintzaileek, I+G+Bko eragileek, kirol-entitate eta- eragileek eta inbertsioetatakoek, guztiek ere sektorean gertatzen ari diren aldaketei buruz eta teknologia berriek futbolaren industrian duten zereginari buruz eztabaidatuko dute.
Jardunaldi hauek Eibarko hiriak kirol-sektorean duen garapen estrategikoko planaren barruan kokatzen dira, eta beste eragile publiko-pribatu batzuekin batera Sportek HUB ekimenean duen parte-hartzean. Ekimen horrek kirol-industriako eragile guztiak lotzen ditu, ekintzailetza teknologikoa eta berrikuntza sustatzeko xedez.
Horren harira, Jon Iraola alkateak sektore publikoaren eta pribatuaren arteko lankidetzaren garrantzia nabarmendu du. Eta zera gehitu du: “Gure Udalaren barruan beti gaude irekita garapena sustatzen duten elkarteetara. Gure asmoa da Eibar erreferente bat izatea arlo honetan”. Gainera, gogorarazi du Sportek Hub Eibarko Udalaren bultzadarekin sortu zela, eta izaera desberdineko erakundeek parte hartzen dutela bertan, Gipuzkoan industria lehiakorra bultzatzeko helburuarekin. Adierazi duenez, berak zuzentzen duen Udalak ikuspegi hori garapen ekonomikorako udal estrategian sartu du, Eibarren ekosistema erakargarri bat garatzen lagunduko duten azpiegiturak, dirulaguntzak eta programak bideratuz.
Jardunaldiaren irekiera-ekitaldia Jon Iraola Eibarko alkateak, Marisa Arriola BIC Gipuzkoako zuzendari kudeatzaileak eta SD Eibar elkarteko gerente den Ainhoa Otaeguik egingo dute.
Ondoren, goizeko lehen partean, honako ponentziak izango dira: “Berrikuntza eta teknologia LaLigan” eta “Osasuna & One Fan: digitalizazioa eta Fan Experience” Minerva Santana LaLigako Garapeneko zuzendariaren eskutik, eta Santiago Zuza, CA Osasuna Komunikazioko zuzendariaren eta João Pedro Castilhos, One Faneko Nazioarteko Negozioko zuzendariaren eskutik.
Kafearen ostean, bi aurkezpen egingo dira arrakasta izan duten kasuen adibideak azaltzeko.
Lehenengoa, osasunaren, errendimenduaren eta datuen kudeaketa adimendunaren arloetako berrikuntza-kasuetan zentratzen da korporazio- eta kirol-esparruan, eta bigarrena, berriz, kategoria desberdinetako futbol-taldeei zuzendutako aplikazio teknologikoen kasuetan.
Aurkezpenen lehen txandan, klubetako berrikuntza estrategikoari buruz arituko dira SD Eibar, Real Sociedad SAD, RC Celta de Vigo eta Bartzelonako Clínic Ospitalea, FC Bartzelonarekin lankidetzan.
Bigarren aurkezpen-txanda startupek egingo dute –Astarna Sports, Clupik eta Yndia–, eta hainbat kategoriatako taldeetan inplementatutako produktuak eta zerbitzuak aurkeztuko dituzte, hala nola futbolariak ingurune birtualean prestatzea, kudeaketa-sistema aurreratuak edo kirol-errendimendua hobetzeko nutrizio-plan pertsonalizatuak. Gainera, aukera egongo da Eusko Jaurlaritzak adingabea babesteko erabiltzen dituen monitorizazio-sistema aurreratuetan egindako apustua ezagutzeko.
“Futbolaren berrikuntza: Etorkizunera begira” izeneko jardunaldia eguerdian amaituko da, konklusioen aurkezpenarekin. Amaieran, bertaratzen direnek aukera izango dute futbol-ekosistemako eragileak ezagutzeko eta haiekin hitz egiteko networking saio batean.
Jardunaldia SD Eibar elkartearen instalazioetan izango da 9:30etik 14:30era. Informazio gehiago nahi izanez gero, honako estekara jo: www.sportekhub.eus. Bertaratzeko interesa duten pertsonek izena eman ahal dute, esteka horretan dagoen formularioaren bidez
Lotutako albisteak
Karelak berrikuntzaren aldeko apustua egiten du ontzigintza eta industria sektoreetan
Konpainiak ingeniaritza elektrikoko aholkularitza zerbitzu integrala eskaintzen du Euskadiko eta nazioarteko enpresentzat
Eusko Jaurlaritzak deialdi berri bat ireki du euskal enpresa traktoreek mundu osoko startup disruptiboekin lankidetzan jardun dezaten
BIND programaren 10. edizioaren deialdia, SPRI Taldeak kudeatzen duena, martxoaren 31n amaitzen da, eta gaur egun enpresa hauek parte hartzen dute, besteak beste: Mercedes-Benz, ITP Aero, Iberdrola, Betsaide, Ormazabal, Tubacex, Talgo, Sidenor eta Eroski.
Wake Up! Resumen de noticias emprendedoras en la Red
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Martxoaren 13an: ‘Venture on the Road’ ekimenak proiektu teknologiko berritzaileak sustatuko ditu Bilbon
Potentziala duen IKT proiektu bat duzu eta sektoreko jendearekin konektatu nahi duzu? Ez galdu aukera hau.
INNKIA startup jaio da, enpresen behar zehatzetarako Adimen Artifizala
LABORAL Kutxaren eta IKERLANen eskutik sortu da startup kooperatibo aitzindaria, MONDRAGONen eta Eusko Jaurlaritzaren laguntzarekin.