Ekintzaileentzat Enpresa Kudeaketa ikastaro berri bat eskainiko da Izarra Centren
Ermuko Udalak Enpresa Kudeaketa ikastaroaren edizio berri bat antolatu du, Bizkaiko Foru Aldundiarekin lankidetzan. Ekimen honekin, Udaleko Garapen Ekonomiko Alorrak jarduera ekonomiko berriak abiaraztea indartu eta bultzatu nahi du.
Formakuntza egitasmo honen helburua ekintzaileei enpresa plana eratzeko eta ekonomia eta finantza ikerketa garatzeko behar dituzten oinarrizko ezagutzak eskaintzea da. Era berean, parte-hartzaileek banakako nahiz taldeko aholkularitza saioak jasoko dituzte.
30 orduko iraupena izango du ikastaroak, eta Izarra Centre eraikineko laugarren solairuko D aretoan eskainiko da, otsailaren 22tik martxoaren 3ra bitartean, 09:00etatik 13:00etara. Aurreko urteetan bezala, kooperatibak bultzatzeko Elkar-lan Elkarteak eta Izarra Centren kokatutako hainbat enpresak parte hartuko dute formakuntzan, ikasleekin sustatzaile eta ekintzaile moduan duten esperientzia partekatzeko.
Behin ikastaroa amaituta, parte hartzen duten pertsonek Bizkaiko Foru Aldundiak eskuragarri jarriko dituen 5.000 eurorainoko diru-laguntzak lortzeko aukera izango dute, Langabezian edota baztertzeko arriskuan dauden pertsonek enpresak sortzea eta autoenplegua sustatzea programaren barnean.
Bizkaiko Aldundiaren diru-laguntzak lehiakortasunaren eta erakundeak ezartzen dituen parametroen arabera eskuratzen dira.
Izen-emateak otsailaren 12ra arte
Formakuntza ikastaroan parte hartu nahi duten pertsonak Bizkaiko edozein herritan erroldatuta egon beharko dira, eta autonomo gisa alta eman aurretik, langabezian.
Izen-emateak otsailaren 12a baino lehen egin beharko dira pe@udalermua.net helbide elektronikora idatziz. Plazak eskaerak iristen diren ordena berean esleituko dira.
Izarra Centreko instalazioak
Zearkale kaleko 36. zenbakian kokatzen den Izarra Centre eraikinak ekintzaileentzako beharrezko azpiegiturak ditu: bulegoak, bilera-gelak, atseden-guneak, etab. Gainera, ekimenaren egoerara egokitzen diren hainbat zerbitzu jartzen ditu haien eskura, hala nola hasierako laguntza, prestakuntza, mentoringa edo networkinga egiteko aukera. Ekosistema oso bat, ekintzailetza, enpresaren hazkundea eta finkapena bultzatzea helburu duena.
Lotutako albisteak
Mikel Jauregi: “Eusko Jaurlaritzari dagokiola Euskadiko enpresei segurtasuna eta ziurtasuna eskaintzea”
Sailburuak "enplegua eta aberastasuna sortzeko Euskadiko enpresek egiten duten lana" balioan jarri du, enpresari eta ekintzaileen figurari prestigioa emateko beharra aldarrikatuz
INNKIA startup jaio da, enpresen behar zehatzetarako Adimen Artifizala
LABORAL Kutxaren eta IKERLANen eskutik sortu da startup kooperatibo aitzindaria, MONDRAGONen eta Eusko Jaurlaritzaren laguntzarekin.
ELIKA Fundazioak “Recircular alimentación” aurkeztu du, elikagai-soberakinak errebalorizatzen lagunduko duen tresna digitala
Elika Fundazioaren eta Recircular startup-aren arteko lankidetzaren emaitza da, zeinak elikagai-soberakinak ekonomikoki balorizatzea duen xede.
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Female Founders Day: Emakumeen talentua eta ekintzailetza sustatzeko ekitaldia Bilbon
Inbertsioan, teknologian eta ekintzailetzan adituak elkartuko dira: hitzaldi nagusiak, eztabaida mahaiak eta pitch lehiaketa.