ELIKA Fundazioak “Recircular alimentación” aurkeztu du, elikagai-soberakinak errebalorizatzen lagunduko duen tresna digitala
2022an, Eusko Jaurlaritzak, Elika Fundazioaren bidez, “Elikagaien Xahuketaren Analisia Euskadiko Nekazaritzako Elikagaien Katean” txostena aurkeztu zuen, non nekazaritzako elikagaien euskal sistemako ehundaka enpresak parte hartu zuten. Elikagaien xahuketa beraz gain, azterlanak “aprobetxa daitezkeen materialak” identifikatu zituen (elikadurako beste zatiki batzuk, azpiproduktuak, hondakinak, etab.), ekoizpen- eta eraldatze-faseetan kuantifikatuta; urtean 230.000 tona baino gehiago ziren.
Horrek Euskadiko nekazaritzako elikakatea hobetzeko aukera handia ematen du; izan ere, produktuak hobeto balorizatzeko formulak bilatu behar dira, kateko eragile guztientzako balio erantsia sortzeko, Ekonomia Zirkularraren ereduan oinarrituta.
Behar horretatik abiatuta sortu da RECIRCULAR ALIMENTACIÓN, Euskadiko RECIRCULAR startup-arekin egindako lankidetzaren emaitza; RECIRCULAR ALIMENTACIÓN lineako plataforma da, industriako soberakinak errebalorizatu ahal dituztenekin lotzeko. Orain kategoria espezifiko bat sortu da nekazaritzako elikagaien enpresentzat. Hala, enpresek aprobetxatu gabe geratu zaizkien baliabideak ikusgarri egin ahal izango dituzte, eta, algoritmo baten bidez, balioztatzeko interesa izan dezaketenei automatikoki jakinaraziko zaie.
Plataformaren funtzionamendua
Plataforma ingurune profesionala da, enpresek izena eman eta beraien soberakinei doan altan eman diezaieten. Baliabideei buruzko informaziotik abiatuta, adimen artifizialak berrerabili eta birziklatzeko aukerak identifikatzen ditu, eta automatikoki jakinarazten die kontsumitzaileak izan daitezkeen enpresei.
Hala, enpresetan aprobetxatzen ez diren baliabideei ikusgarritasuna ematen zaie, eta balorizazio-prozesuei trazabilitatea eta gardentasuna. Gainera, enpresek aurrezki ekonomikoak eta ingurumen eta gizarte arloko onurak sortzen dituzte, RECIRCULAR´en Eragina Neurtzeko Metodologiaren bidez neurtzen direnak. Hala, karbono-aztarna murrizteko, ura eta energiaren kontsumoa murrizteko eta giza-osasuna hobetzeko adierazleak kalkula daitezke. Erabiltzaileek transakzio bakoitzaren eragin-txostenak, adierazle horien kalkuluak biltzen dituztenak, deskarga ditzakete.
Lotutako albisteak
INNKIA startup jaio da, enpresen behar zehatzetarako Adimen Artifizala
LABORAL Kutxaren eta IKERLANen eskutik sortu da startup kooperatibo aitzindaria, MONDRAGONen eta Eusko Jaurlaritzaren laguntzarekin.
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Female Founders Day: Emakumeen talentua eta ekintzailetza sustatzeko ekitaldia Bilbon
Inbertsioan, teknologian eta ekintzailetzan adituak elkartuko dira: hitzaldi nagusiak, eztabaida mahaiak eta pitch lehiaketa.
Fisioterapiaren aro berria diseinatzea du helburu Fisifyk
Bilboko startup honen xedea da bere zerbitzu digitala fisioterapiaren etorkizuna izatea, etengabeko zerbitzu hibrido eta publiko guztientzat irisgarria eskainiz.
AcroBioPLASTek bioplastikoen aplikazioa hobetzen du gailu biomediko bihurtzeko
Proiektuak material biodegradagarriak eta birziklagarriak garatu nahi ditu, bioplastikoak dituzten mugei aurre egiteko