Enigmedia hizpide Tecnalia Ventures erakundeak antolatutako hurrengo Pitch&Pintxo ekitaldian: martxoak 23
“Pitch & Pintxo” Tecnalia Ventures erakundeak antolaturiko topaketa batzuk dira, helburutzat dutenak izaera teknologikoko ekimen ekintzaileen esperientziak erakutsi eta partekatzea ingurune informal eta atsegin batean. Topaketa martxoaren 23an egingo da ADEGIn, eta Enigmedia enpresaren sortzaile eta zuzendari nagusi Gerard Vidalek zuzenduko du. Bertaratzen direnek aukera izango dute jakiteko nola lortu duen Donostiako startup horrek enkriptatzearen sektoreko lider izatea eta zergatik doan beti enkriptazio estandarrak baino urrats bat aurrerago.
Doktoretza tesia egin ondoren, Gerardek praktikan jarri zuen komunikazioak babesteko deskubrimendu zientifiko bat. Enigmedia 2011aren amaieran sortu zuten TECNUN Ingeniaritza Eskolako hiru ikaskide ohik, helburutzat harturik pribatutasuna demokratizatzeko gai zen teknologia bat sortzea, usagarria eta merkea, datu-jabeei beren datuen jabetza itzultzeko.
Enigmediaren teknologiaren potentzialak hainbat inbertitzaileren interesa erakarri du, baliagarri delako Datu Handien sektoreari segurtasuna emateko, izan ere, zifratze-sistema berezi horrekin datuen prozesamendu-zentro handiek kostu operazionalak aurreztu ditzakete.
Konpainiak finantzaketa-erronda bat itxi zuen 2016ko udan Alma Mundi Innvierte Fund funtsaren eskutik, eta 1,5 milioi euroko inbertsioa lortu zuen. Enigmediak erabaki du negozioa dibertsifikatzea eta komunikazio mugikorren edo energiaren sektorean sartzea “Enigmedia App” produktuarekin, zeina dagoeneko erabiltzen baita IBEX35 taldeko korporazio handietan.
Jardunaldian zehar aukera izango da Gerardekin hitz egiteko, jakiteko bere konpainiak zer egingo duen hazteko eta nazioartekotzeko, eta ezagutzeko nolako harremana duen berriki Turing Saria irabazi duen (informatika arloko Nobel Sariaren modukoa) Whitfield Diffie doktorearekin, kriptografia modernoaren aitarekin.
2018ko martxoaren 23a
13:00 – 15:00 artean, ADEGIn
Izen-emateak:
https://docs.google.com/forms/d/1q31BIAcfKq9cKYbbRvlb4HSxBpbC0f2mWtg3Khoxkig/viewform?edit_requested=true
http://www.tecnaliaventures.com
Lotutako albisteak
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza