Enpresa arteko lankidetza eta tamaina handitzeko premia berriro helburu “Cita Emprende” ekitaldian
Tabakaleran egingo da, ekainaren 19an (asteazkena), ETEen eta inbertitzaileen arteko harremanak sendotzeko topagune honen bigarren edizioa
Cita Emprende 2019 ETE, startup eta inbertitzaileentzako topagune bat da. Bigarren urtez jarraian, denen artean aztertuko dituzte berrikuntza irekiko formatuan kolaboratzeko aukerak eta elkarrekin sustatuko dute enpresetako barne-ekintzailetza.
Hitzordua asteazken honetan (ekainak 19) izango da Donostiako Tabakalera eraikinean, asmoa delarik zubiak eraikitzea askotan elkarrengandik urrun samar dauden mundu horien artean, horrela berrikuntza eta dibertsifikazioa sustatzeko ETEetan eta hazkundea eta garapena bultzatzeko startup-etan.
Ikuspegi teoriko eta praktikoko jardunaldi hori goizeko 9:00etatik eguerdiko 14:00etara luzatuko da. Lankidetza izango da ekitaldiaren ardatza, eta helburua da batasunetik indarra sortzea ekiteko eta berritzeko, “euskal enpresa handi eta txikiek” bat egin beharko baitute “mundu mailako ligan lehiatu nahi badute”, azpimarratu du ADEGIko Ekintzailetzako kudeatzaile eta jardunaldiaren koordinatzaileetako bat den Josean Rodríguezek.
Jardunaldiaren xehetasunetan sartu baino lehen, eta une honetan Euskadiko startup eta ETEen ekosistema ekintzaileak duen egoeraren ikuspegi orokor bat izateko, nolakoa da gaur egungo argazkia?
Baditugu indar-gune handi batzuk, baina tamaina txikia dugu eta txikitasun horrexek eragozten digu liga handietan besteen parean lehiatzea. Halere, ongi egiten duguna oso ongi egiten dugu eta esan behar dugu arlo horietan euskal enpresa-sareak baduela nazioarteko sona. Zentzu horretan, ospe handia dugu, eta enpresa-jarduera berrien sorkuntzari dagokionez, esango nuke une ezin hobean gaudela.
Arlo publikoaren eta pribatuaren artean partekatutako unea…
Hori da. Adierazle askok erakusten dute badaukagula politika industrial bat horrelako premiak identifikatu dituena, eta gaur egun gauza garrantzitsuak egiten ari dira. Hor dauzkagu, besteak beste, SPRI Taldearen BIND 4.0 programa edota ekimen pribatuak gauzatutako ekintza estrategikoak, ulertu duelako osagarri izan behar duela eta balioa eskaini behar duela.
Zein zentzutan?
Ekimen pribatua buru-belarri ari da lanean. Gipuzkoako Adegi elkartearen kasuan, Euskadiko berrikuntzaren munduko hamabost bat eragile garrantzitsu konbentzitu ditu ez bakarrik “Cita Emprende” bezalako ekitaldi bat sortzeko, baizik eta baita ere urte osorako estrategia sostengarri bat garatzeko. Gogoeta horrek badu zerikusia berrikuntza irekiarekin, beren lana ongi egiten duten ETEekin, merkatu baten beharra duen puntako teknologia erabiliz produktu eta zerbitzuak sortzen ari diren negozio berriekin eta, batez ere, funtsezkoa den kapital adimendunetik abiatuta ematen den laguntzarekin.
Zein izango da “Cita Emprende” ekitaldiaren aurtengo egitarauaren ardatza?
Izango du alderdi inspirazional bat, oso laburra, non laneko arropa janzteko eskatuko diegun dagoeneko beren parte-hartzea baieztatu duten 50 bat ETEri. Hau da, bilera asko egin beharko dituzte, denak ere negoziora bideratuak; teknologia berriak eta beren inguruko ekintzaileak ezagutu beharko dituzte, eta alderantziz. Ezin da joan jarrera pasibo batekin, pentsuz “ea zer kontatzen diguten”; dakienari entzun behar zaio, hau da, jende inspiratzaileari eta diskurtso bat duenari. Jakin-minez beterik etorri behar da.
Zer espero dezakete batzuek eta besteek horrelako topaketa batetik?
Kantitatetik kalitatea atera beharra dagoela. Antolatzaileok kalkulatu dugu 400 hitzordu inguru egingo direla startup eta ETEen artean. Topaketa labur, azkar eta oso arinak izango dira, negozioaz hitz egiteko eta orobat aztertzeko abiatu ote daitekeen emaitzak eman ditzakeen lankidetzaren bat.
Hitzaldirik egongo da?
Oso gutxi. Hasieran bat egongo da, eta Munduko Bankuan eta Nazio Batuetan lan egin duen Bruno Lanvin matematiko eta fisikari ospetsuak emango du, azaltzeko nola ekin eta berritu behar den mundu mailako ligan lehiatzeko. Bigarrena Xabier Marcet aholkulariak emango du; berrikuntza irekiko espezialista da eta irakaslea unibertsitatean, eta oso hurretik lan egiten du enpresekin. Bere hitzaldian hizpide hartuko du nola ustiatu dezakeen enpresa batek bere emaitzen kontua, beti ere bistatik galdu gabe funtsezkoa den I+G faktorea.
Zein profil dute “Cita Emprende” ekitaldiko enpresek?
Gure lurraldea ordezkatzen duten profil guztiak batzen dira, hau da, profil industrialak, eta makina-erreminta, automozio, zerbitzu laguntzaile edo retail sektoreetako profilak.
Lotutako albisteak
Industria Erronka-k 700 ikasle baino gehiagok industria-enpresa bat izatea simulatzea ahalbidetzen du
Industria Erronka Bizkaiko Foru Aldundiaren eta Eusko Jaurlaritzaren laguntzari esker posible da, SPRI - Euskal Enpresen Garapenerako Agentziaren bidez
Eusko Jaurlaritzak Gauzatu Industria programa aktibatu du 28 milioi eurorekin
Oinarri teknologiko eta berritzailea duten enpresa txiki eta ertainen sorrera eta garapena bultzatzeko
Optidel Biosystems-ek arrisku-kapitaleko inbertitzaileen babesa jaso du
Optidel Biosystems startupek kosmetika sektorean osagai aurreratuak eta konponbide pertsonalizatuak garatzeko muga berriak irekiko ditu
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Industria Defendatzeko Taldeak Euskadiko industriari laguntzeko lehen neurria onartu du
Industria Defendatzeko Taldeak lehen laguntza-programa bat aurkeztu du, “Emisio gutxiagoko ibilgailuak” erosteko, Euskadin errepideko garraioaren deskarbonizazio adimendunean aurrera egiteko eta, aldi berean, euskal industriarako funtsezkoa den sektore bati, automobilgintzari, laguntzeko
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Haizea Wind Groupek bere hazkundea sendotu du, 2024an 371 milioiko salmentekin eta 18 milioiko irabaziekin
Haizea Wind Groupek, gainera, 2025ean hazkundea sendotzea aurreikusten du, kontratatutako eskaera zorroari esker
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.