“Enpresa sortuz” Mondragon Goi Eskola Politeknikoko ikasleen artean ekintzailetza iniziatibak sustatzeko aukera berria
Konfinamentu garai honetan ziur aski hainbat ikasleek aspaldian buruan izan dituzten ideia teknologikoak garatzeko denbora eduki dutela, baliteke baita ere, egoera honek ikasle talde desberdinen artean ideia berriak sortu izana.
Hau horrela izanik, Enpresa Sortuz ekintzailetza ekimen berrian parte hartzera gonbidatzen ditugu Mondragon Goi Eskola Politeknikoko ikasleak (heziketa ziklo edo ingeniaritza gradu eta masterretako ikasleak. Ekimenak bereziki animatu nahi ditu parte hartzera datorren urtean Gradu/Master amaierako proiektua egin behar dutenak, ikasketak aurten bukatzen dituztenak eta beste urteetako ikasle ohiak.
Aurkezten diren proiektu guztietatik bat aukeratuko da eta datorren ikasturtean zehar ideia berritzaile horretan sakontzeko 18.000€ko diru laguntza izango du pertsona edo talde aukeratuak. Diru poltsa hau bideratuta egongo da ekintzaile gisa arituko diren pertsonen beka edo diru poltsa ordaintzeko, baino baita beharrezkoa den material edo ekipamentua erosteko ere, beti ere dagokion egiaztagiriarekin. Ekintzailea pertsona bakarra den kasuetarako eta laguntzaile baten beharra izanez gero, diru poltsa honetatik Mondragon Goi Eskola Politeknikoko edozein titulazioetako TFG edo TFM ikasleen kolaborazioa eskatu ahalko da.
Proiektuari bultzada emateko lan egiteko espazioa ere bermatuko zaio sustatzaile taldeari, hain zuzen ere Arrasateko GARAIA Parke Teknologikoaren Start-up espazioan. Mondragon Unibertsitateko irakasle eta ikerlariek aholkularitza teknologikoa ere eskainiko diote proiektuari, eta Saiolanek negozio ereduaren aholkularitzan lagunduko du.
- Lehiaketan izena emateko epe muga: maiatzak 8
- Ideiaren proposamenak jasotzeko epe muga: ekainak 19
- Erabakiaren ebazpena: uztailak 3
- Ekintzailetza aktibitatearen hasiera: 2020ko urria
Inoiz ideia teknologikoren bat izan baduzu edo gaur egungo egoeran gogoeta egiteko aukera izan baduzu, jar zaitez gurekin kontaktuan eta kontaiguzu laguntzen saiatuko gara eta ideia horri forma eman diezaiogun.
Harremanetarako: eelizalde@mondragon.edu
Lotutako albisteak

NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua

Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.

Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna

Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.

Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza