Albisteak 30 uztaila, 2024

EROSKIk Venture Program ekimenaren II. edizioa abiarazi du, sektorearen erronken inguruan berritzeko

Teknologia eskalagarrietan oinarritutako irtenbide berritzaileak garatzen dituzten startup, ekintzaile eta proiektuei zuzendutako programaren hone helburua, negozio-eredu berriak sortzea eta baliozkotzea da

Lehen edizioaren arrakastaren ondoren, hainbat startup eta ekintzaile erakarri zituenak proposamen berritzaile eta lankidetza baliotsuekin, Eroskik, bigarren urtez, bere ‘Eroski Venture Program’ ekimena abiarazi du, berrikuntza irekia eta ekintzailetza korporatiboa sustatzera bideratutako ekimena.

Edizio berri honi esker, Eroskik berrikuntzaren eta ekosistema ekintzaileari laguntzearen aldeko apustua indartu du, programak enpresarentzat eta ekimen parte-hartzaileentzat eskaintzen dituen aukerak eta onurak azpimarratuz.

Teknologia eskalagarrietan oinarritutako irtenbide berritzaileak garatzen dituzten startup, ekintzaile eta proiektuei zuzendutako programa honen helburua negozio-eredu berriak sortzea eta baliozkotzea da. Sustatu nahi diren soluzioek EROSKIren jardueraren osagarri izan nahi dute, eta elikaduraren sektoreari berrikuntza eskaintzea, kate osoari aplika dakizkiokeen teknologiekin eta baliozko proposamenekin.

“EROSKI Venture Programen lehen edizioaren arrakastak ekimen honekin jarraitzera bultzatu gaitu. Programa honek, bertan parte hartzen duten startupen eta gure negozioaren hazkundea bultzatzeaz gain, EROSKI sektoreko berrikuntzaren eta ekintzailetzaren erreferente ere bihurtzen du”, azaltzen du David Sánchez EROSKIko Berrikuntza eta Garapen Digitaleko zuzendariak.

Programak EROSKIko Berrikuntza taldearekin batera lan egitea eskaintzen du, aukera modu bateratuan kontzeptualizatzeko eta kuantifikatzeko, baita proiektua azkartzen lagunduko duen barneko eta kanpoko kontaktu sare zabal baterako sarbidea ere. Parte-hartzaileei baliabideen poltsa bat emango zaie: lanorduak, laguntza ekonomikoa eta proiekturako garrantzitsuak diren instalazio eta negozio-eremuetarako sarbidea eskainiz.

Edizio honetarako nobedadeak

Aurten programak hainbat berrikuntza dakartza: startup garaileak zerbitzu gehigarriak eskuratu ahal izango ditu erreferentziazko zenbait azeleragailuren bidez, hiru hilabetez lan-guneetara doan sartzeko aukera barne. Halaber, komunitatearekiko eta ekosistemarekiko harreman zuzena, baita tutoretza espezializatua funtsezko arloetan ere, hala nola legezkotasunean, finantzaketan, eta ekimena hazteko ibilbide-orri pertsonalizatua. Sektoreko profesionalek emandako prestakuntza-saioak eta hainbat arlotan espezializatutako mentoringa ere eskainiko dira, hala nola salmentetan, bezeroen kudeaketan, inbertsioan, finantzaketan, hazkunde-estrategian, marketin digitalean eta berrikuntza disruptiboan.

‘Let’ s Cook’ izan zen lehen edizioan hautatutako startupa, eta urtebetez EROSKIrekin batera lan egin du helburu hauek lortzeko: erabiltzaileei denbora aurreztea, elikadura osasungarria eta askotarikoa sustatzea eta elikagaiak alferrik ez galtzeari aurre egitea. “EROSKI Venture Program 2023an parte hartzea esperientzia ikaragarria izan da Let ‘s Cook-entzat”, startup irabazlearen esanetan. “Aukera berriak aztertzeko aukera eman digu EROSKIrekiko lankidetzak eta menu gastronomikoak harpidetzeko gure plataforma modu eraginkorragoan garatzen era lagundu digu. Epe laburrean zein luzean elkarrekin lan egiteko ireki diren ateak izugarriak dira, eta elkarrekin eraiki dezakegun etorkizunarekin hunkituta gaude”.

+info HEMEN, baita openinnovation@eroski.es.helbidearen bidez ere.