Errealitate Handitua, Errealitate Birtuala eta Inteligentzia Artifizialaren esparruan enpresa arrakastatsuak sortu nahi dituzten ekintzaileei deia
Urtarrilaren 25etik 27ra Startup Tech Weekend ospatuko da. Errealitate Birtualean, Errealitate Handituan eta Inteligentzia Artifiziala oinarri hartuz negozio-ideiak garatzeko asmoa duten ekintzaileak biltzea du helburu. Teknologia hauekin erlazionatutako startupei ekitea gustatuko litzaiekeen pertsonentzako ezinbesteko deialdia da. Startup Tech Weekend-ak teknologia berrienekin startupak sortzeko aukera eskaintzen du, talde sustatzaileari erabateko laguntza eskainiz.
Ekitaldian eta hastapeneko programan sortuko diren startupek 50.000 €rainoko hasierako inbertsioa izango dute, baita 3 urterako finantzaketa plana sortzeko aholkularitza ere. Honez gain, programak formakuntza eta espezializatutako aholkularien aholkularitza eskaintzen die ekintzaileei. Hauen babesa jasoko dute bai negozio-ereduaren zehaztapen eta onarpenean, bai zerga, merkatu eta lanaren alorretan. Gainera, B2B banaketako sareak eta maila goreneko bezero potentzialak ezagutzeko aukera izango dute. Bestalde, ekintzaileei balio handiko baliabide teknologikoak eta elkarlanerako gunea eskainiko zaizkie euren aktibitatea garatzeko.
Programan sartzeko, ekintzaileok Startup Tech Weekend (www.startup-weekend.tech) webgunean urtarrilaren 25-27 bitartean Irungo Mondragon Unibertsitatean ospatuko den ekitaldian apuntatu beharra dute. Ekitaldian Errealitate Handitu, Errealitate Birtual eta Inteligentzia Artifizialean oinarritutako negozio-ideiak aurkeztuko dira, ekintzaileen abilezia frogatuz batera.
Startup Tech Weekend-en sustatzaileak honakoak dira:
– Eywa Space, Errealitate Handitu eta Errealitate Birtualaren alorrean espezializatutako Venture Builder-a. (www.eywa.space)
– AI Power, Inteligentzia Artifizial Aplikatuan core bat duen startupen Venture Buildera. (www.aipower.ai)
Eywa eta AI Powerek proiektuan lanaldi osoan jardun daitezkeen eta arriskuak hartzeko gaitasuna eta geratzeko konpromezua duten ekintzaileak bilatzen dituzte. Beraz, teknologia hauek interesatzen bazaizkizu eta zeure startupa sortu nahi baduzu, ez ezazu aukera berezi hau galdu eta aurkeztu ezazu zeure kandidatura hemen:
www.startup-weekend.tech
Lotutako albisteak
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza